മേ​പ്പ​ള്ളം കോ​ള​നി: പട്ടികജാതി കുടുംബങ്ങളുടെ വീട് നിർമാണം മുടങ്ങിയിട്ട്​ പതിറ്റാണ്ട്​ പിന്നിടുന്നു

ആ​ല​ങ്ങാ​ട്: പ​ഞ്ചാ​യ​ത്ത് തി​രു​വാ​ലൂ​ർ മേ​പ്പ​ള്ളം കോ​ള​നി​യി​ൽ പ​ട്ടി​ക​ജാ​തി കു​ടും​ബ​ങ്ങ​ൾ​ക്ക് വീ​ട്​ നി​ർ​മി​ക്കാ​ൻ അ​നു​വ​ദി​ച്ച ഭൂ​മി കാ​ടു​ക​യ​റി​യ നി​ല​യി​ൽ.ഇ​വ​ർ​ക്ക് അ​നു​വ​ദി​ച്ച വീ​ടു​ക​ളു​ടെ നി​ർ​മാ​ണ​മാ​ക​ട്ടെ പാ​തി​വ​ഴി​യി​ലും. 2011-12 സാ​മ്പ​ത്തി​ക വ​ർ​ഷ​ത്തി​ലാ​ണ് 90 സെ​ന്റ് വ​സ്തു 21 പ​ട്ടി​ക​ജാ​തി കു​ടും​ബ​ങ്ങ​ൾ​ക്ക് വാ​ങ്ങി​ന​ൽ​കി​യ​ത്. 10 വ​ർ​ഷ​മാ​യി​ട്ടും ആ​റ് കു​ടും​ബ​ങ്ങ​ളാ​ണ് ഇ​വി​ടെ താ​മ​സി​ക്കു​ന്ന​ത്.

അ​ഞ്ച് കു​ടും​ബ​ങ്ങ​ളു​ടെ വീ​ടു​പ​ണി പാ​തി​വ​ഴി​യി​ൽ ഉ​പേ​ക്ഷി​ക്ക​പ്പെ​ട്ടു. ശേ​ഷി​ക്കു​ന്ന വ​സ്തു കാ​ടു​ക​യ​റി​യും വെ​ള്ള​ക്കെ​ട്ടി​ലും വാ​സ​യോ​ഗ്യ​മ​ല്ലാ​തെ ത​രി​ശാ​യി കി​ട​ക്കു​ക​യാ​ണ്. ക​ഴി​ഞ്ഞ ര​ണ്ടു​ത​വ​ണ​യും പ​ട്ടി​ക​ജാ​തി സം​വ​ര​ണ​ത്തി​ലു​ള്ള ജ​ന​പ്ര​തി​നി​ധി​യാ​ണ് ഈ ​വാ​ർ​ഡി​നെ പ്ര​തി​നി​ധാ​നം ചെ​യ്യു​ന്ന​ത്.

എ​ന്നാ​ൽ, കോ​ള​നി​യു​ടെ ശോ​ച്യാ​വ​സ്ഥ പ​ഞ്ചാ​യ​ത്ത് ക​മ്മി​റ്റി​യി​ൽ അ​വ​ത​രി​പ്പി​ക്കാ​നോ അ​വി​ടെ വേ​ണ്ട​വി​ധ​ത്തി​ൽ വി​ക​സ​ന പ്ര​വ​ർ​ത്ത​ന​ങ്ങ​ൾ കൊ​ണ്ടു​വ​രാ​നോ ഭ​ര​ണ​സ​മി​തി ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ൾ ത​യാ​റാ​യി​ട്ടി​ല്ലെ​ന്ന് പൊ​തു​പ്ര​വ​ർ​ത്ത​ക​നാ​യ ക​രി​ങ്ങാം​തു​രു​ത്ത് സ്വ​ദേ​ശി​യാ​യ കെ.​എ. നാ​രാ​യ​ണ​ൻ കു​റ്റ​പ്പെ​ടു​ത്തി.

പ​ഞ്ചാ​യ​ത്ത് ഭ​ര​ണ​സ​മി​തി​ക്ക് ഇ​ക്കാ​ര്യ​ത്തി​ലു​ള്ള താ​ൽ​പ​ര്യ​മി​ല്ലാ​യ്മ​യാ​ണ് ഈ ​കോ​ള​നി​യു​ടെ ദു​ര​വ​സ്ഥ​ക്ക്​ കാ​ര​ണ​മെ​ന്നും അ​ദ്ദേ​ഹം വ്യ​ക്ത​മാ​ക്കി. പ​ഞ്ചാ​യ​ത്തി​ലെ നൂ​റു​ക​ണ​ക്കി​ന് എ​സ്.​സി കു​ടും​ബ​ങ്ങ​ൾ അ​പേ​ക്ഷ​ന​ൽ​കി കാ​ത്തി​രി​ക്കു​മ്പോ​ഴാ​ണ് 10 കു​ടും​ബ​ങ്ങ​ൾ​ക്കു​ള്ള സ്ഥ​ലം വെ​റു​തെ കി​ട​ക്കു​ന്ന​ത്. ഈ ​വി​ഷ​യ​ത്തി​ൽ പ​ഞ്ചാ​യ​ത്തി​ന്​ നി​വേ​ദ​നം ന​ൽ​കി​യ​താ​യി കെ.​എ. നാ​രാ​യ​ണ​ൻപ​റ​ഞ്ഞു.