മെഹബൂബ്​ ഓർമദിനം: സ്മരണാജ്ഞലിയുമായി സംഗീതപ്രേമികൾ

മ​ട്ടാ​ഞ്ചേ​രി: കൊ​ച്ചി​ക്കാ​രു​ടെ ഓ​ർ​മ​ക​ളി​ൽ മ​ധു​രം പെ​യ്യി​ക്കു​ന്ന ജ​ന​കീ​യ ഗാ​യ​ക​ൻ എ​ച്ച്. മെ​ഹ​ബൂ​ബ് ഓ​ർ​മ​യാ​യി​ട്ട് ഇ​ന്ന് 43 വ​ർ​ഷം തി​ക​യു​ന്നു. മെ​ഹ​ബൂ​ബ് എ​ന്ന പേ​രി​ന്റെ ഉ​ർ​ദു അ​ർ​ഥം സൂ​ചി​പ്പി​ക്കും പോ​ലെ ത​ന്നെ കൊ​ച്ചി​ക്കാ​ർ​ക്ക് പ്രി​യ​പ്പെ​ട്ട​വ​നാ​യി​രു​ന്നു മെ​ഹ​ബൂ​ബ്. ത​ങ്ങ​ളു​ടെ ഒ​രു സ​ഹോ​ദ​ര​ൻ എ​ന്ന നി​ല​യി​ൽ മെ​ഹ​ബൂ​ബി​നെ ക​ണ്ടി​രു​ന്ന​തി​നാ​ൽ നാ​ട്ടു​കാ​ർ ഭാ​യി എ​ന്നാ​യി​രു​ന്നു വി​ളി​ച്ചി​രു​ന്ന​ത്.

പ​ണ​ത്തെ​ക്കാ​ളും പ്ര​ശ​സ്തി​യെ​ക്കാ​ളും മെ​ഹ​ബൂ​ബ് എ​ന്ന ഗാ​യ​ക​ൻ ഇ​ഷ്ട​പ്പെ​ട്ടി​രു​ന്ന​ത് കൊ​ച്ചി​ക്കാ​രു​ടെ ഹൃ​ദ​യ​ത്തി​ലൂ​ടെ പാ​ടി​അ​ല​യു​ക എ​ന്ന​താ​യി​രു​ന്നു. മെ​ഹ​ബൂ​ബി​ന്‍റെ ഗാ​ന​ങ്ങ​ൾ കാ​ത്തു​സൂ​ക്ഷി​ച്ച ക​സ്തൂ​രി മാ​മ്പ​ഴം പോ​ലെ മ​ധു​രം പ​ക​രു​ന്ന​താ​യി​രു​ന്നു നാ​ട്ടു​കാ​ർ​ക്ക് ഭാ​യി​യു​ടെ ഓ​രോ ഗാ​ന​ങ്ങ​ളും. 1926 ൽ ​ഫോ​ർ​ട്ട്​​കൊ​ച്ചി പ​ട്ടാ​ള​ത്ത് ജാ​തി​ക്ക വ​ള​പ്പി​ൽ ഹു​സൈ​ൻ ഖാ​ന്റെ​യും ഖാ​ല ജാ​ന്റെ​യും ര​ണ്ടാ​മ​ത്തെ മ​ക​നാ​യാ​ണ് മെ​ഹ​ബൂ​ബ് പി​റ​ന്ന​ത്.

1950ൽ ​ചേ​ച്ചി എ​ന്ന സി​നി​മ​യി​ൽ മെ​ഹ​ബൂ​ബി​ന്‍റെ ആ​ദ്യ ഗാ​നം റെ​ക്കോ​ഡ് ചെ​യ്തെ​ങ്കി​ലും 1951ൽ ​ദ​ക്ഷി​ണാ​മൂ​ർ​ത്തി സം​ഗീ​ത സം​വി​ധാ​നം നി​ർ​വ​ഹി​ച്ച ജീ​വി​ത​നൗ​ക ച​ല​ച്ചി​ത്ര​ത്തി​ൽ പി. ​ലീ​ല​യോ​ടൊ​പ്പം പാ​ടി​യ ‘വ​രു നാ​യി​കേ’ എ​ന്ന ഗാ​ന​വും ‘ആ​കാ​ലേ ആ​രും കൈ​വി​ടും’ എ​ന്ന ഗാ​ന​വു​മാ​ണ് മെ​ഹ​ബൂ​ബി​നെ സം​ഗീ​ത​ലോ​ക​ത്ത് പ്ര​ശ​സ്ത​നാ​ക്കി​യ​ത്.

കാ​സ​രോ​ഗം പി​ടി​പെ​ട്ട് കാ​ക്ക​നാ​ടു​ള്ള ബ​ന്ധു​വീ​ട്ടി​ൽ ക​ഴി​ഞ്ഞ മെ​ഹ​ബൂ​ബ് 1981 ഏ​പ്രി​ൽ 22ന് ​മ​രി​ച്ചു. മെ​ഹ​ബൂ​ബ് കാ​ല​യ​വ​നി​യി​ൽ മ​റ​ഞ്ഞെ​ങ്കി​ലും അ​ദ്ദേ​ഹം ആ​ല​പി​ച്ച ഗാ​ന​ങ്ങ​ൾ അ​ന​ശ്വ​ര​മാ​യി നി​ല​കൊ​ള്ളു​ന്നു. ഇ​ന്ന് മൂ​ന്നി​ട​ങ്ങ​ളി​ലാ​യാ​ണ് മെ​ഹ​ബൂ​ബ് ഗാ​നാ​ഞ്ജ​ലി ഒ​രു​ക്കി​യി​ട്ടു​ള്ള​ത്. ഫോ​ർ​ട്ട്കൊ​ച്ചി വാ​സ്​​കോ​ഡ ഗാ​മ സ്ക്വ​യ​റി​ൽ ഗ​സ​ൽ മ​ജീ​ദി​ന്റെ നേ​തൃ​ത്വ​ത്തി​ൽ വൈ​കീ​ട്ട് ഗാ​ന​സ​ന്ധ്യ അ​ര​ങ്ങേ​റും.

മെ​ഹ​ബൂ​ബി​ന്റെ സ​മ​കാ​ലി​ക​നാ​യ ബി​സ്മി​ല്ല അ​ബു മെ​ഹ​ബൂ​ബ് ഗാ​ന​ങ്ങ​ൾ ആ​ല​പി​ച്ച് അ​ദ്ദേ​ഹ​ത്തി​ന്​ ശ്ര​ദ്ധാ​ഞ്ജ​ലി ഒ​രു​ക്കു​ന്ന പ​രി​പാ​ടി വൈ​കീ​ട്ട് ആ​റി​ന് കൊ​ച്ച​ങ്ങാ​ടി എം.​ജെ സ​ക്ക​രി​യ സേ​ട്ട്​ ഹാ​ളി​ൽ ന​ട​ക്കും. കെ.​ജെ. മാ​ക്സി എം.​എ​ൽ.​എ ഉ​ദ്ഘാ​ട​നം ചെ​യ്യും. മ്യൂ​സി​ക് ല​വേ​ഴ്സി​ന്‍റെ നേ​തൃ​ത്വ​ത്തി​ൽ പ​ള്ളു​രു​ത്തി​യി​ലും മെ​ഹ​ബൂ​ബ് സ്മ​ര​ണാ​ജ്ഞ​ലി സം​ഘ​ടി​പ്പി​ക്കു​ന്നു​ണ്ട് .