എക്കൽ നിറഞ്ഞ് കായൽ; ബോട്ട് സർവിസ് നിലച്ചു, ദുരിതം പേറി യാത്രികർ

മ​ട്ടാ​ഞ്ചേ​രി: കാ​യ​ലി​ൽ എ​ക്ക​ൽ നി​റ​ഞ്ഞ​തോ​ടെ മ​ട്ടാ​ഞ്ചേ​രി ജെ​ട്ടി​യി​ലേ​ക്കു​ള്ള സ​ർ​വി​സ് മു​ട​ങ്ങി​യ​ത് യാ​ത്ര​ക്കാ​രെ ദു​രി​ത​ത്തി​ലാ​ക്കി. കോ​ടി​ക​ൾ മു​ട​ക്കി ന​വീ​ക​രി​ച്ച് ര​ണ്ടു​മാ​സം മു​മ്പ്​ തു​റ​ന്നു കൊ​ടു​ത്ത ജെ​ട്ടി​യി​ലേ​ക്കു​ള്ള സ​ർ​വി​സാ​ണ് ത​ട​സ്സ​പ്പെ​ട്ട​ത്.

ജെ​ട്ടി​യു​ടെ ന​വീ​ക​ര​ണ​ത്തി​നൊ​പ്പം ഡ്ര​ഡ്​​ജി​ങ്​ ഉ​ൾ​പ്പെ​ടെ ന​ട​ത്തി​യാ​ണ് ജെ​ട്ടി​യു​ടെ ഉ​ദ്ഘാ​ട​നം ന​ട​ത്തി​യ​ത്. ഡ്ര​ഡ്​​ജി​ങ്​ സം​വി​ധാ​ന​ത്തി​ലെ പോ​രാ​യ്മ​ക​ൾ സം​ബ​ന്ധി​ച്ച് തു​ട​ക്കം മു​ത​ൽ ത​ന്നെ നാ​ട്ടു​കാ​ർ പ​രാ​തി​ക​ൾ ഉ​യ​ർ​ത്തി​യി​രു​ന്നെ​ങ്കി​ലും അ​ധി​കൃ​ത​ർ ചെ​വി​ക്കൊ​ണ്ടി​രു​ന്നി​ല്ല. കാ​യ​ലി​ൽ നി​ന്ന്​ കോ​രി​യെ​ടു​ത്ത ച​ളി ക​ട​ലി​ൽ കൊ​ണ്ടു​പോ​യി ക​ള​യ​ണ​മെ​ന്നാ​യി​രു​ന്നു ക​രാ​ർ എ​ങ്കി​ലും കാ​യ​ലി​ലെ വെ​ള്ള​ത്തി​ൽ ത​ന്നെ ക​ല​ക്കു​ക​യാ​ണെ​ന്ന പ​രാ​തി​ക​ൾ വ​രെ ഉ​യ​ർ​ന്നി​രു​ന്നു.

ജെ​ട്ടി​യു​ടെ ഉ​ദ്ഘാ​ട​നം ക​ഴി​ഞ്ഞി​ട്ടും വേ​ലി​യേ​റ്റം ക​ണ​ക്കാ​ക്കി ആ​കെ 11 സ​ർ​വി​സു​ക​ൾ മാ​ത്ര​മാ​യി​രു​ന്നു ന​ട​ത്തി​യി​രു​ന്ന​ത്. നി​ല​വി​ൽ എ​ക്ക​ൽ മൂ​ലം ഈ ​സ​ർ​വി​സി​നും വി​ഘ്നം വ​ന്നി​രി​ക്കു​ക​യാ​ണ്. ജെ​ട്ടി​യി​ലേ​ക്ക് ബോ​ട്ട് ക​യ​റി വ​രു​ന്ന കാ​യ​ൽ മേ​ഖ​ല​യി​ൽ എ​ക്ക​ൽ നി​റ​ഞ്ഞ് കി​ട​ക്കു​ന്ന​താ​ണ് നി​ല​വി​ലെ പ്ര​ശ്നം. ടൂ​റി​സ്റ്റ് കേ​ന്ദ്ര​മാ​യ​തി​നാ​ൽ വി​ദേ​ശി​ക​ൾ അ​ട​ക്കം ദി​നേ​ന ആ​യി​ര​ത്തോ​ളം യാ​ത്ര​ക്കാ​ർ സ​ർ​വി​സി​നെ ആ​ശ്ര​യി​ക്കു​ന്നു​ണ്ട്. അ​ടി​യ​ന്ത​ര​മാ​യി ശ​രി​യാ​യ വി​ധം ഡ്ര​ഡ്​​ജി​ങ്​ ന​ട​ത്തി സ​ർ​വി​സ് സു​ഗ​മ​മാ​ക്ക​ണ​മെ​ന്നാ​ണ് യാ​ത്രി​ക​ർ ആ​വ​ശ്യ​പ്പെ​ടു​ന്ന​ത്.