മാഞ്ഞാലി-മനക്കപ്പടി റോഡിൽ ദുരിതയാത്ര

ക​രു​മാ​ല്ലൂ​ർ: ആ​ലു​വ-​പ​റ​വൂ​ർ, മാ​ഞ്ഞാ​ലി-​എ​യ​ർ​പോ​ർ​ട്ട് റോ​ഡു​ക​ളെ ബ​ന്ധി​പ്പി​ക്കു​ന്ന​മാ​ഞ്ഞാ​ലി-​മ​ന​ക്ക​പ്പ​ടി ലൂ​പ്പ് റോ​ഡി​ന്‍റെ ശോ​ച്യാ​വ​സ്ഥ തു​ട​രു​ന്നു. റോ​ഡി​ന്‍റെ ദു​ര​വ​സ്ഥ പ​രി​ഹ​രി​ക്കാ​ത്ത​തി​നെ​തി​രെ പ്ര​തി​ക്ഷേ​ധം ഉ​യ​രു​ക​യാ​ണ്. നൂ​റു​ക​ണ​ക്കി​ന് വാ​ഹ​ന​ങ്ങ​ളും വി​ദ്യാ​ർ​ഥി​ക​ളും നാ​ട്ടു​കാ​രും സ​ഞ്ച​രി​ക്കു​ന്ന പ്ര​ധാ​ന റോ​ഡാ​ണി​ത്. ​ ജ​ല ജീ​വ​ൻ പ​ദ്ധ​തി​ക്ക്​ പൈ​പ്പി​ടാ​നാ​യി റോ​ഡ്​ വെ​ട്ടി​പ്പെ​ളി​ച്ചി​ട്ട് മാ​സ​ങ്ങ​ളാ​യി. ത​ക​ർ​ന്നു​കി​ട​ക്കു​ന്ന​ത്​ കാ​ര​ണം വാ​ഹ​ന​ങ്ങ​ൾ​ക്കും കാ​ൽ​ന​ട​യാ​ത്രി​ക​ർ​ക്കും സു​ഗ​മ​മാ​യി യാ​ത്ര ചെ​യ്യാ​ൻ ക​ഴി​യു​ന്നി​ല്ല.

വെ​ട്ടി​പ്പൊ​ളി​ച്ച ഭാ​ഗം മെ​റ്റ​ലു​ക​ൾ ഇ​ള​കി കു​ണ്ടും കു​ഴി​ക​ളു​മാ​യി കി​ട​ക്കു​ന്ന​തി​നാ​ൽ വാ​ഹ​ന​ങ്ങ​ൾ​ക്ക്​ ഒ​രു​വ​ശ​ത്തു​കൂ​ടി​യേ സ​ഞ്ച​രി​ക്കാ​ൻ ക​ഴി​യൂ. എ​തി​രെ വ​രു​ന്ന വാ​ഹ​ന​ങ്ങ​ൾ​ക്ക് ത​ട​സ്സം നേ​രി​ടു​ക​യാ​ണ്. റോ​ഡ് ത​ക​ർ​ന്ന​തോ​ടെ ഇ​വി​ടെ നി​ര​വ​ധി അ​പ​ക​ട​ങ്ങ​ളു​മു​ണ്ടാ​യി. മാ​ഞ്ഞാ​ലി എ​സ്.​എ​ൻ ജി​സ്റ്റ് കോ​ള​ജ്, മ​ന​ക്ക​പ്പ​ടി പോ​ളി​ടെ​ക്നി​ക്, ചാ​ലാ​ക്ക മെ​ഡി​ക്ക​ൽ കോ​ള​ജ് തു​ട​ങ്ങി​യ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന മേ​ഖ​ല​യാ​ണി​ത്. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്കും വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലേ​ക്കു​മു​ള്ള എ​ളു​പ്പ വ​ഴി​യാ​ണി​ത്.

ആം​ബു​ല​ൻ​സ് സ​ർ​വീ​സ് ഉ​ൾ​പ്പ​ടെ ഇ​തു​വ​ഴി​യാ​ണ് ക​ട​ന്നു​പോ​കു​ന്ന​ത്. ഇ​ത്ര​യേ​റെ പ്രാ​ധാ​ന്യ​മു​ള്ള പാ​ത​യാ​യി​ട്ടും വ​ർ​ഷം ക​ഴി​ഞ്ഞി​ട്ടും റോ​ഡ് അ​റ്റ​കു​റ്റ​പ​ണി ന​ട​ത്തി ന​വീ​ക​രി​ക്കാ​ൻ അ​ധി​കൃ​ത​ർ ത​യ്യാ​റാ​യി​ട്ടി​ല്ല. ഈ ​റോ​ഡു​ക​ൾ ഉ​ട​ൻ സ​ഞ്ചാ​ര​യോ​ഗ്യ​മാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് കോ​ൺ​ഗ്ര​സ് ക​രു​മാ​ല്ലൂ​ർ വെ​സ്റ്റ് മ​ണ്ഡ​ലം ക​മ്മി​റ്റി​യു​ടെ നേ​തൃ​ത്വ​ത്തി​ൽ പ്ര​ക്ഷോ​ഭ പ​രി​പാ​ടി​ക​ൾ​ക്ക് തു​ട​ക്കം​കു​റി​ക്കു​ക​യാ​ണ്. ഇ​തി​ന്റെ തു​ട​ക്ക​മെ​ന്ന നി​ല​യി​ൽ തി​ങ്ക​ളാ​ഴ്ച രാ​വി​ലെ ഒ​മ്പ​ത്​ മു​ത​ൽ വൈ​കി​ട്ട് അ​ഞ്ചു വ​രെ മ​ണ്ഡ​ലം പ്ര​സി​ഡ​ന്റ് ടി.​എ. മു​ജീ​ബി​ന്റെ നേ​തൃ​ത്വ​ത്തി​ൽ മാ​ഞ്ഞാ​ലി തെ​ക്കേ​ത്താ​ഴം ജ​ങ്​​ഷ​നി​ൽ ഉ​പ​വാ​സ സ​മ​രം അ​നു​ഷ്ഠി​ക്കു​ക​യാ​ണ്.