30 പവൻ കവർന്ന കേസിലെ പ്രതി പിടിയിൽ

കൊച്ചി: ആദായനികുതി വകുപ്പ്​ ഉദ്യോഗസ്ഥരുടെ ക്വാർ​ട്ടേഴ്​സിൽനിന്ന്​ 12 ലക്ഷം രൂപവരുന്ന 30 പവൻ സ്വർണം കവർന്ന കേസിലെ പ്രതി പിടിയിൽ. വീട്ട​ുടമയുടെ ബന്ധുവായ മൂവാറ്റുപുഴ നെല്ലാട് മുട്ടംതോട്ടിൽ ജോവി ജോർജിനെയാണ്​ (37) ​ ടൗൺ സൗത്ത്​ പൊലീസ്​ അറസ്​റ്റ്​ ചെയ്​തത്​. ഒക്​ടോബർ 29നാണ്​ കേസിനാസ്​പദമായ സംഭവം.

പനമ്പിള്ളിനഗർ ഭാഗ​െത്ത ഇൻകം ടാക്സ് ക്വാർ​ട്ടേഴ്​സിലെ സി73ാം നമ്പർ വീട്ടിൽനിന്ന്​ അലമാരയിൽ സൂക്ഷിച്ച 30 പവൻ മോഷ്​ടിക്കുകയായിരുന്നു.

വീട്ടുകാരുമായി അടുപ്പമുള്ളവരായിരിക്കാം മോഷണത്തിനു​ പിന്നിലെന്ന്​ ആദ്യമേ ​പൊലീസ്​ സംശയിച്ചിരുന്നു. ഹെൽമറ്റ്​ ധരിച്ച ഒരാൾ ക്വാർട്ടേസിൽനിന്ന്​ പോകുന്നത്​ കണ്ടതായി അയൽവാസി മൊഴി നൽകിയിരുന്നു. ഈ വിവരത്തി​െൻറ അടിസ്ഥാനത്തിൽ ഷർട്ടി​െൻറ നിറവും ഹെൽമറ്റി​െൻറ അടയാളവും വെച്ച്​ സി.സി ടി.വി ദൃശ്യങ്ങൾ പരിശോധിച്ചു. തുടർന്ന്​, സംഭവദിവസം ക്വാർട്ടേഴ്​സിന് സമീപമെത്തിയ സ്​കൂട്ടറിനെക്കുറിച്ച്​ സൂചന ലഭിച്ചു.

വീട്ടുടമയുടെ അടുത്ത ബന്ധുവായ ജോവി ഈ വീട്ടിൽ താമസിച്ചിരുന്നതായും ഇയാൾക്ക്​ ഉപയോഗിക്കാൻ നൽകിയിരുന്ന സ്​കൂട്ടറിൽ വീടി​െൻറ മറ്റൊരു താക്കോൽ ഉണ്ടായിരുന്നതായും വ്യക്തമായി. കുടുംബം മൂവാറ്റുപുഴയിൽ നിർമിക്കുന്ന പുതിയ വീടി​െൻറ തറക്കല്ലിടൽ ചടങ്ങിനുപോയ സമയത്തായിരുന്നു മോഷണം.

മൂവാറ്റുപുഴയിലെ സ്വകാര്യ പണമിടപാട്​ സ്ഥാപനത്തിൽ പ്രതി സ്വർണം പണയം വെച്ചിട്ടുള്ളതായും അന്വേഷണത്തിൽ കണ്ടെത്തി. സ്വർണത്തിൽ ഒരു ഭാഗം പെരുമ്പാവൂരി​ൽ വിറ്റ പ്രതി, ബംഗളൂരു, മുംബൈ എന്നിവിടങ്ങളിൽ ഒളിവിൽ കഴിയുകയും ചെയ്​തു. ശനിയാഴ്​ച മുംബൈയിൽനിന്ന്​ വിമാനമാർഗം കൊച്ചിയിലേക്ക്​ വരുന്നതായി രഹസ്യവിവരം ലഭിച്ചതി​െൻറ അടിസ്ഥാനത്തിൽ പൊലീസ്​ നെടുമ്പാശ്ശേരി വിമാനത്താവളത്തിലെത്തി അറസ്​റ്റ്​ ചെയ്യുകയായിരുന്നു. ഇയാളിൽനിന്ന്​ ഒന്നരലക്ഷം രൂപയും പിടിച്ചെടുത്തു. ശീട്ടുകളിമൂലം ഉണ്ടായ കടം തീർക്കാനാണ്​ മോഷണം നടത്തിയതെന്ന്​ പ്രതി സമ്മതിച്ചു.

സൗത്ത്​ ഇൻസ്​പെക്​ടർ പി. രാജ്​കുമാർ, എസ്​.ഐ വിനോജ്​, എ.എസ്​.ഐ ശ്രീകുമാർ, പ്രബേഷൻ എസ്​.ഐ ജോസി എം. ജോൺസൺ, എസ്​.സി.പി.ഒ ജിഷ, സി.പി.ഒമാരായ എം.ജി. സുരേഷ്, പ്രസൂൺ, എം.എ. സുരേഷ്​ എന്നിവർ ചേർന്നാണ്​ പ്രതിയെ പിടികൂടിയത്​.