മ​ല​യി​ടംതു​രു​ത്ത് ന​ട​ക്കാ​വ് പ​ര്യ​ത്ത് കോ​ള​നി; വീണ്ടും കുടിയൊഴിപ്പിക്കാൻ നീക്കം

കി​ഴ​ക്ക​മ്പ​ലം: മ​ല​യി​ടം തു​രു​ത്ത് ന​ട​ക്കാ​വ് പ​ര്യ​ത്ത് കോ​ള​നി നി​വാ​സി​ക​ളെ വീ​ണ്ടും കു​ടി​യൊ​ഴി​പ്പി​ക്കാ​ൻ നീ​ക്കം. സു​പ്രിം കോ​ട​തി ഉ​ത്ത​ര​വി​നെ തു​ട​ർ​ന്ന് ക​ഴി​ഞ്ഞ സെം​പ്റ്റ​ബ​റി​ൽ കു​ടി​യൊ​ഴി​പ്പി​ക്കാ​ൻ നീ​ക്കം ന​ട​ത്തി​യി​രു​ന്നെ​ങ്കി​ലും പ്ര​തി​ഷേ​ധ​ത്തെ തു​ട​ർ​ന്ന് ത​ൽ​ക്കാ​ലം നി​ർ​ത്തി​വെ​ച്ചി​രു​ന്നു. നാ​ല് ദി​വ​സ​ത്തേ​ക്ക് സാ​വ​കാ​ശം അ​നു​വ​ദി​ച്ച​തി​നെ തു​ട​ർ​ന്ന് കോ​ള​നി നി​വാ​സി​ക​ൾ പെ​രു​മ്പാ​വൂ​ർ മു​ൻ​സി​ഫ് കോ​ട​തി​യെ സ​മീ​പി​ക്കു​ക​യും ത​ൽ​ക്കാ​ലി​ക സ്റ്റേ ​അ​നു​വ​ദി​ക്കു​ക​യും ചെ​യ്തു.

എ​ന്നാ​ൽ അ​ത് ത​ള്ളി​യ​തോ​ടെ​യാ​ണ്​ വീ​ണ്ടും ഒ​ഴി​പ്പി​ക്ക​ൽ നീ​ക്കം ശ​ക്ത​മാ​ക്കി​യ​ത്. ഇ​തേ തു​ട​ർ​ന്ന് കോ​ള​നി നി​വാ​സി​ക​ൾ ഹൈ ​കോ​ട​തി​യെ സ​മീ​പി​ച്ചി​രി​ക്കു​ക​യാ​ണ്.​ഏ​ഴ് പ​ട്ടി​ക​ജാ​തി കു​ടും​ബ​ങ്ങ​ൾ ഉ​ൾ​പ്പെ​ടെ എ​ട്ട്​ കു​ടും​ബ​ങ്ങ​ളാ​ണ് ഇ​വി​ടെ താ​മ​സി​ക്കു​ന്ന​ത്.

ദ​ശാ​ബ്ദ​ങ്ങ​ള്‍ക്കു മു​മ്പ് ത​ല​മു​റ​ക​ളാ​യി അ​നു​ഭ​വി​ച്ചു​വ​ന്ന ഭൂ​മി​യാ​ണെ​ങ്കി​ലും പെ​രു​വ​ഴി​യി​ലേ​ക്ക്​ ഇ​റ​ങ്ങേ​ണ്ട അ​വ​സ്ഥ​യി​ലാ​ണ് ഈ ​കു​ടം​ബ​ങ്ങ​ള്‍. 50 വ​ര്‍ഷം മു​മ്പാ​ണ് ത​ന്റെ ഭൂ​മി പ​ട്ടി​ക​ജാ​തി വി​ഭാ​ഗ​ത്തി​ല്‍പ്പെ​ട്ട കാ​ളു​കു​റു​മ്പ​ന്‍ അ​ന്യാ​യ​മാ​യി കൈ​യേ​റി​യി​രി​ക്കു​ന്ന​താ​യി ചൂ​ണ്ടി​ക്കാ​ട്ടി മ​ല​യി​ടം​തു​രു​ത്ത് ക​ണ്ണോ​ത്ത് ശ​ങ്ക​ര​ന്‍നാ​യ​ര്‍ ഇ​വ​ര്‍ താ​മ​സി​ക്കു​ന്ന ഭൂ​മി​ക്കെ​തി​രെ രം​ഗ​ത്തെ​ത്തു​ന്ന​ത്. പി​ന്നീ​ട് ഈ ​ഭൂ​മി​യി​ക്കു​വേ​ണ്ടി​യു​ള്ള നി​യ​മ​യു​ദ്ധം സു​പ്രീം​കോ​ട​തി വ​രെ നീ​ണ്ടു​വെ​ങ്കി​ലും വി​ധി എ​തി​രാ​യ​താ​ണ് ഇ​പ്പോ​ള്‍ ന​ട​പ​ടി​യി​ലേ​യ്ക്ക് നീ​ങ്ങാ​ന്‍ കാ​ര​ണ​മാ​യ​ത്.

ത​ങ്ങ​ളു​ടെ മു​ത്ത​ച്ഛ​നാ​യി​ട്ട് ല​ഭി​ച്ച ഭൂ​മി​യാ​ണി​തെ​ന്ന് കാ​ളു​കു​റു​മ്പ​ന്റെ മ​ക​ന്‍ അ​യ്യ​പ്പ​ന്‍(73) പ​റ​ഞ്ഞു. മു​പ്പ​ത് വ​ര്‍ഷം മു​മ്പാ​ണ് 80 വ​യ​സോ​ളം പ്രാ​യ​മു​ണ്ടാ​യി​രു​ന്ന ത​ങ്ങ​ളു​ടെ അ​ച്ഛ​ന്‍ മ​ര​ണ​മ​ട​ഞ്ഞ​ത്. അ​തി​നും വ​ര്‍ഷ​ങ്ങ​ള്‍ക്കു​മു​മ്പാ​ണ് ത​ങ്ങ​ളു​ടെ കു​ടും​ബ​ങ്ങ​ള്‍ താ​മ​സി​ക്കു​ന്ന ഭൂ​മി ത​ങ്ങ​ളു​ടെ പൂ​ര്‍വി​ക​രു​ടേ​താ​ണെ​ന്ന് ചൂ​ണ്ടി​ക്കാ​ട്ടി ക​ണ്ണോ​ത്ത് ശ​ങ്ക​ര​ന്‍ നാ​യ​ര്‍ നി​യ​മ​ന​ട​പ​ടി​ക​ളു​മാ​യി കോ​ട​തി​ക​ളെ സ​മീ​പി​ക്കു​ന്ന​ത്. പി​ന്നീ​ട് ത​ന്റെ അ​ച്ഛ​നും നി​ല​നി​ല്‍പ്പി​നാ​യി നി​യ​മ​ന​ട​പ​ടി​ക​ളു​മാ​യി മു​ന്നോ​ട്ട് പോ​യി.

ഇ​തി​നി​ടെ ശ​ങ്ക​ര​ന്‍ നാ​യ​രും മ​ര​ണ​പ്പെ​ട്ടു. അ​തോ​ടെ ശ​ങ്ക​ര​ന്‍ നാ​യ​രു​ടെ പെ​ണ്‍മ​ക്ക​ളു​ടെ മ​ക്ക​ളാ​ണ് ഈ ​കേ​സ് ഏ​റ്റെ​ടു​ത്ത് ന​ട​ത്തി​യ​തെ​ന്ന് കോ​ള​നി നി​വാ​സി​ക​ൾ പ​റ​ഞ്ഞു. എ​ന്നാ​ല്‍ സാ​മ്പ​ത്തി​ക​മാ​യി ഏ​റെ പി​ന്നാ​ക്കം നി​ന്ന ത​ന്റെ കു​ടും​ബ​ത്തി​ന് കേ​സു​മാ​യി മു​ന്നോ​ട്ടു​പോ​കാ​ന്‍ ക​ഴി​ഞ്ഞി​ല്ലെ​ന്നും അ​യ്യ​പ്പ​ന്‍ പ​റ​ഞ്ഞു. ഭൂ​പ​രി​ഷ്‌​ക​ര​ണ നി​യ​മം ന​ട​പ്പാ​ക്കി​യ കാ​ല​ത്തു​പോ​ലും ത​ങ്ങ​ളു​ടേ​താ​യി​രു​ന്ന ഭൂ​മി വ​ര്‍ഷ​ങ്ങ​ള്‍ക്കി​പ്പു​റം ന​ഷ്ട​പ്പെ​ട്ടു​പോ​കു​മ്പോ​ള്‍ ഇ​നി​യെ​ന്തും ചെ​യ്യും എ​ന്ന ആ​ശ​ങ്ക​യി​ലാ​ണ് കു​ടും​ബ​ങ്ങ​ൾ.

ജ​നി​ച്ച മ​ണ്ണി​ല്‍ നി​ന്നും ത​ങ്ങ​ളെ ആ​ട്ടി​പ്പാ​യി​ച്ചാ​ല്‍ ആ​ത്മ​ഹ​ത്യ​ല്ലാ​തെ മ​റ്റു​മാ​ര്‍ഗ​ങ്ങ​ളി​ല്ലെ​ന്നാ​ണ് അ​വ​ര്‍ പ​റ​യു​ന്ന​ത്.