മഹാരാജാസ് കോളജ് സിന്തറ്റിക് ട്രാക്ക് നിർമാണത്തിന് അനുമതി

കൊ​ച്ചി: മ​ഹാ​രാ​ജാ​സ് കോ​ള​ജ് സി​ന്ത​റ്റി​ക് ട്രാ​ക്കി​ന്റെ ന​വീ​ക​ര​ണം ന​ട​ത്തു​ന്ന​തി​ന് ഉ​ന്ന​ത വി​ദ്യാ​ഭ്യാ​സ വ​കു​പ്പി​ന്റെ അ​നു​മ​തി ല​ഭി​ച്ച​താ​യി ടി.​ജെ. വി​നോ​ദ്​ അ​റി​യി​ച്ചു. 6.90 കോ​ടി രൂ​പ അ​നു​വ​ദി​ച്ച് സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ മു​ഖേ​നെ​യാ​ണ്​ ന​വീ​ക​ര​ണം ന​ട​ത്തു​ന്ന​ത്.

2006ൽ ​മ​ഹാ​രാ​ജാ​സ് കോ​ള​ജി​ൽ നി​ർ​മാ​ണം പൂ​ർ​ത്തി​യാ​ക്കി​യ സി​ന്ത​റ്റി​ക് ട്രാ​ക്ക് ന​വീ​ക​രി​ക്കാ​ൻ തീ​രു​മാ​നി​ച്ചു. 2018ല്‍ ​ആ​സ്തി മെ​യി​ന്‍റ​ന​ൻ​സ് ഫ​ണ്ടി​ൽ ഉ​ൾ​പ്പെ​ടു​ത്തി സി​ന്ത​റ്റി​ക് ട്രാ​ക്കി​നെ റീ​ലേ ചെ​യ്യാ​നാ​യി അ​പേ​ക്ഷ​യും സ​മ​ർ​പ്പി​ച്ചു. തു​ട​ർ​ന്ന് പി.​ഡ​ബ്ല്യു.​ഡി സ്പെ​ഷ​ൽ ബി​ൽ​ഡി​ങ്​ വി​ഭാ​ഗം ത​യാ​റാ​ക്കി​യ എ​സ്റ്റി​മേ​റ്റ് പ്ര​കാ​രം 2021ൽ 6.90 ​കോ​ടി​യാ​ണ് പു​ന​ർ​മാ​ണ​ത്തി​നാ​യി ക​ണ​ക്കാ​ക്കി സ​ർ​ക്കാ​ർ അ​നു​മ​തി ന​ൽ​കു​ക​യും ചെ​യ്തു.

സ​മ​യ​ബ​ന്ധി​ത​മാ​യി നി​ർ​മാ​ണം തു​ട​ങ്ങാ​ത്ത​തി​നാ​ൽ മെ​റ്റീ​രി​യ​ൽ വി​ല​വ​ർ​ധ​ന, ജി.​എ​സ്.​ടി എ​ന്നി​വ ക​ണ​ക്കി​ലെ​ടു​ത്ത് എ​സ്റ്റി​മേ​റ്റ് തു​ക വ​ർ​ധി​പ്പി​ക്കാ​നാ​യി (8.87 കോ​ടി) 2021ൽ ​ഉ​ന്ന​ത വി​ദ്യാ​ഭ്യാ​സ വ​കു​പ്പി​ന് അ​പേ​ക്ഷ ന​ൽ​കി. അ​ധി​ക തു​ക അ​നു​വ​ദി​ക്കേ​ണ്ട​തി​ല്ല എ​ന്ന ഫി​നാ​ൻ​സ് വ​കു​പ്പി​ന്റെ ടെ​ക്നി​ക്ക​ൽ ക​മ്മി​റ്റി തീ​രു​മാ​നി​ച്ച​തി​നാ​ൽ പു​ന​ർ​ക്ര​മീ​ക​രി​ച്ച എ​സ്റ്റി​മേ​റ്റ് ന​ൽ​കാ​ൻ കോ​ള​ജ് വി​ദ്യാ​ഭ്യാ​സ വ​കു​പ്പി​നോ​ട് ആ​വ​ശ്യ​പ്പെ​ട്ടു.

തു​ട​ർ​ന്ന്​ എം.​എ​ൽ.​എ വി​ദ്യ​ഭ്യാ​സ മ​ന്ത്രി​യു​മാ​യി ന​ട​ത്തി​യ ച​ർ​ച്ച​യെ തു​ട​ർ​ന്ന്​ 6.83 കോ​ടി​ക്ക്​ ഈ ​പ്ര​വൃ​ത്തി​ക​ൾ ചെ​യ്യാ​മെ​ന്ന് ക​ണ്ടെ​ത്തി. തു​ട​ർ​ന്ന്​ സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ വ​ഴി ന​വീ​ക​ര​ണം ന​ട​ത്താ​നു​ള്ള ഉ​ത്ത​ര​വ് വി​ദ്യാ​ഭ്യാ​സ വ​കു​പ്പ് ഇ​റ​ക്കി.​ഉ​ട​ൻ പ്ര​വൃ​ത്തി ആ​രം​ഭി​ക്കാ​നു​ള്ള നി​ർ​ദേ​ശം ഉ​ദ്യോ​ഗ​സ്ഥ​ർ​ക്ക്‌ ന​ൽ​കി​യി​ട്ടു​ണ്ടെ​ന്നും ടി.​ജെ. വി​നോ​ദ് എം.​എ​ൽ.​എ അ​റി​യി​ച്ചു.