Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightജീവനക്കാർക്ക്...

ജീവനക്കാർക്ക് 'കെ.എസ്.ആർ.ടി.സി വീട്'​ ഒരുങ്ങുന്നു

text_fields
bookmark_border
ജീവനക്കാർക്ക് കെ.എസ്.ആർ.ടി.സി വീട്​ ഒരുങ്ങുന്നു
cancel
camera_alt

1. എ​റ​ണാ​കു​ളം കെ.​എ​സ്.​ആ​ർ.​ടി.​സി ഡി​പ്പോ​യി​ൽ ജീ​വ​ന​ക്കാ​ർ​ക്ക് വി​ശ്ര​മ​ത്തി​നു​ള്ള സ്​റ്റാ​ഫ് സ്ലീ​പ്പ​റി​െൻറ ഉ​ൾ​വ​ശം

കൊ​ച്ചി: എ​റ​ണാ​കു​ളം കെ.​എ​സ്.​ആ​ർ.​ടി.​സി ഡി​പ്പോ​ക്കു​കീ​ഴി​ലെ ജീ​വ​ന​ക്കാ​രു​ടെ ദു​രി​ത​ത്തി​ന് അ​റു​തി​വ​രു​ത്തി എ.​സി സൗ​ക​ര്യ​ങ്ങ​ളോ​ടെ 'വീ​ടൊ'​രു​ങ്ങു​ന്നു. കെ.​എ​സ്.​ആ​ർ.​ടി.​സി​യു​ടെ മൂ​ന്ന് പ​ഴ​യ ബ​സാ​ണ് ആ​ധു​നി​ക സൗ​ക​ര്യ​ങ്ങ​ളോ​ടെ സ്​​റ്റാ​ഫ് സ്ലീ​പ്പ​ർ ആ​ക്കി മാ​റ്റു​ന്ന​ത്.

ഇ​തി​ൽ ഒ​രെ​ണ്ണ​ത്തിെൻറ പ്ര​വൃ​ത്തി കെ.​എ​സ്.​ആ​ർ.​ടി.​സി ഡി​പ്പോ​ക്ക് സ​മീ​പ​ത്തെ ഗാ​രേ​ജി​ൽ പൂ​ർ​ത്തി​യാ​യി. ര​ണ്ട് ബ​സ്​ ഒ​രു​മി​ച്ച് േച​ർ​ത്തു​ള്ള നീ​ണ്ട സ്ലീ​പ്പ​റിെൻറ രൂ​പ​മാ​റ്റ പ്ര​ക്രി​യ പു​രോ​ഗ​മി​ക്കു​ക​യാ​ണ്.

പ​ഴ​യ ബ​സി​ലെ സീ​റ്റു​ക​ൾ എ​ടു​ത്തു​മാ​റ്റി ത​ൽ​സ്ഥാ​ന​ത്ത് കു​ഷ്യ​നി​ട്ട സ്ലീ​പ്പ​ർ ബെ​ർ​ത്തു​ക​ളാ​ണ് ഒ​രു​ക്കി​യ​ത്. ര​ണ്ട് നി​ല​യി​ലാ​യി ആ​കെ 16 പേ​ർ​ക്ക് ഒ​രു ബ​സി​ൽ കി​ട​ക്കാ​നു​ള്ള സൗ​ക​ര്യ​മു​ണ്ട്. ഇ​തു​കൂ​ടാ​തെ ജീ​വ​ന​ക്കാ​രു​ടെ വി​ല​പി​ടി​പ്പു​ള്ള വ​സ്തു​ക്ക​ൾ സൂ​ക്ഷി​ക്കാ​നാ​യി ഓ​രോ ബ​ർ​ത്തി​നു​കീ​ഴി​ലും ലോ​ക്ക​റു​മു​ണ്ട്. സ്ലീ​പ്പ​ർ ബ​സി​ന​ക​ത്തു​ത​ന്നെ ഭ​ക്ഷ​ണം ക​ഴി​ക്കാ​നു​ള്ള ഊ​ൺ​മേ​ശ, കു​ടി​വെ​ള്ളം, തു​ട​ങ്ങി​യ​വ​യും ഒ​രു​ക്കി​യി​ട്ടു​ണ്ട്.

എ​റ​ണാ​കു​ളം കെ.​എ​സ്.​ആ​ർ.​ടി.​സി ഡി​പ്പോ​യി​ൽ നി​ത്യേ​ന എ​ത്തു​ന്ന നി​ര​വ​ധി ഡ്രൈ​വ​ർ​മാ​രും ക​ണ്ട​ക്ട​ർ​മാ​രും പൊ​ട്ടി​പ്പൊ​ളി​ഞ്ഞ വി​ശ്ര​മ​മു​റി​യി​ലാ​ണ് ഏ​റെ കാ​ല​മാ​യി ക​ഴി​യു​ന്ന​ത്. പൊ​ളി​ഞ്ഞു​വീ​ഴാ​റാ​യ കെ​ട്ടി​ട​ത്തി​ൽ ഒ​രു മ‍ഴ പെ​യ്താ​ൽ വെ​ള്ള​ക്കെ​ട്ടാ​വു​ന്ന വ​ഴി​ക​ളി​ലൂ​ടെ വേ​ണം എ​ത്താ​ൻ.

ഒ​ട്ടും സു​ര​ക്ഷി​ത​മ​ല്ലാ​ത്ത ഇ​ട​ത്ത്, പേ​ടി​സ്വ​പ്നം ക​ണ്ടു​റ​ങ്ങു​ന്ന ജീ​വ​ന​ക്കാ​രു​ടെ ദു​രി​തം ക​ണ്ട​റി​ഞ്ഞ മ​നു​ഷ്യാ​വ​കാ​ശ ക​മീ​ഷ​നാ​ണ് സ​ത്വ​ര ന​ട​പ​ടി​ക്ക് നി​ർ​ദേ​ശം ന​ൽ​കി​യ​ത്.

പ​ഴ​കി​യ കെ​ട്ടി​ട​ങ്ങ​ൾ ന​ന്നാ​ക്കാ​ൻ സാ​മ്പ​ത്തി​ക​സ്ഥി​തി അ​നു​വ​ദി​ക്കാ​ത്ത​തി​നെ​ത്തു​ട​ർ​ന്നാ​ണ് ഇ​ത്ത​ര​മൊ​രു ആ​ശ​യ​ത്തി​ലേ​ക്ക് വ​ന്ന​ത്. ഒ​രു ബ​സ് രൂ​പ​മാ​റ്റം വ​രു​ത്തി വി​ശ്ര​മ​സ​ങ്കേ​ത​മാ​ക്കു​ന്ന​തി​ന് ര​ണ്ടു ല​ക്ഷം രൂ​പ​യാ​ണ് ചെ​ല​വ്. നി​ല​വി​ൽ പൂ​ർ​ത്തി​യാ​യ ബ​സ് മ​റ്റി​ട​ങ്ങ​ളി​ലേ​ക്ക് കൊ​ണ്ടു​പോ​കാ​നാ​വു​ന്ന​താ​ണെ​ന്ന്​ ഡി.​ടി.​ഒ വി.​എം. താ​ജു​ദ്ദീ​ൻ പ​റ​ഞ്ഞു.

ഇ​തി​ലേ​ക്ക് വൈ​ദ്യു​തി​ബ​ന്ധം ന​ൽ​കു​ക, കൈ ​ക​ഴു​കാ​നു​ള്ള സം​വി​ധാ​നം ഒ​രു​ക്കു​ക ജോ​ലി​ക​ൾ​കൂ​ടി ബാ​ക്കി​യു​ണ്ട്. ഇ​വ പൂ​ർ​ത്തി​യാ​യ​ശേ​ഷം താ​ൽ​ക്കാ​ലി​ക​മാ​യി ജീ​വ​ന​ക്കാ​ർ​ക്ക് വി​ട്ടു​ന​ൽ​കാ​നാ​ണ് ല​ക്ഷ്യ​മി​ടു​ന്ന​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:KSRTC DepotKSRTCSleeping coach
Next Story