കാറ്റിൽ കോതമംഗലത്തും മൂവാറ്റുപുഴയിലും വ്യാപകനാശം

കോ​ത​മം​ഗ​ലം: വെ​ള്ളി​യാ​ഴ്ച വൈ​കീ​ട്ടു​ണ്ടാ​യ കാ​റ്റി​ലും മ​ഴ​യി​ലും താ​ലൂ​ക്കി​ൽ പ​ര​ക്കെ നാ​ശ​ന​ഷ്ടം. വാ​ഴ, തെ​ങ്ങ്, ക​മു​ക്, റ​ബ​ർ അ​ട​ക്ക​മു​ള്ള​വ​യും മ​ര​ങ്ങ​ളും ക​ട​പു​ഴ​കി. 24 മ​ണി​ക്കൂ​ർ പി​ന്നി​ട്ടി​ട്ടും വൈ​ദ്യു​തി ബ​ന്ധം പൂ​ർ​ണ​മാ​യി പു​നഃ​സ്ഥാ​പി​ക്കാ​നാ​യി​ട്ടി​ല്ല.

മൂ​ന്ന് വീ​ടി​ന്​ ഭാ​ഗി​ക നാ​ശം സം​ഭ​വി​ച്ചു. കോ​ത​മം​ഗ​ലം മു​നി​സി​പ്പാ​ലി​റ്റി, ക​വ​ള​ങ്ങാ​ട്, പി​ണ്ടി​മ​ന വാ​ര​പ്പെ​ട്ടി, നെ​ല്ലി​ക്കു​ഴി, കീ​രം​പാ​റ, കോ​ട്ട​പ്പ​ടി, കു​ട്ട​മ്പു​ഴ, പോ​ത്താ​നി​ക്കാ​ട്, പൈ​ങ്ങോ​ട്ടൂ​ർ പ​ഞ്ചാ​യ​ത്തു​ക​ളി​ലാ​ണ് നാ​ശ​ന​ഷ്ടം ഉ​ണ്ടാ​യി​രി​ക്കു​ന്ന​ത്. കാ​ർ​ഷി​ക മേ​ഖ​ല​യി​ൽ പ്രാ​ഥ​മി​ക​മാ​യ ക​ണ​ക്കെ​ടു​പ്പി​ൽ ഏ​ക​ദേ​ശം 11,500 കു​ല​ച്ച ഏ​ത്ത​വാ​ഴ​ക​ളും 8000 ഏ​ത്ത വാ​ഴ​ക​ളും അ​ട​ക്കം19,500 വാ​ഴ​ക​ൾ​ക്ക് നാ​ശ​ന​ഷ്ടം സം​ഭ​വി​ച്ചി​ട്ടു​ണ്ട്.

പു​റ​മെ ഒ​രു ഹെ​ക്ട​ർ സ്ഥ​ല​ത്തെ ക​പ്പ​കൃ​ഷി, 20 റ​ബ​ർ എ​ന്നി​വ​യും ന​ശി​ച്ചു. 125 ക​ർ​ഷ​ക​രു​ടെ വി​ള​ക​ൾ​ക്കാ​ണ് നാ​ശ​ന​ഷ്ടം സം​ഭ​വി​ച്ചി​രി​ക്കു​ന്ന​ത്. നാ​ശ​ന​ഷ്ട​ങ്ങ​ൾ പ​രി​ശോ​ധ​ന ന​ട​ത്തി തി​ട്ട​പ്പെ​ടു​ത്തി വ​രി​ക​യാ​ണെ​ന്ന് കൃ​ഷി അ​സി. ഡ​യ​റ​ക്ട​ർ പ​റ​ഞ്ഞു. കാ​ർ​ഷി​ക മേ​ഖ​ല​യി​ൽ മാ​ത്രം 98 ല​ക്ഷം രൂ​പ​യു​ടെ ന​ഷ്ട​മാ​ണ് ക​ണ​ക്കാ​ക്കി​യി​രി​ക്കു​ന്ന​ത്.

കോ​ത​മം​ഗ​ലം ഇ​ല​ക്​​ട്രി​ക് സെ​ക്ഷ​ന് കീ​ഴി​ൽ 10ല​ധി​കം വൈ​ദ്യു​തി കാ​ലു​ക​ൾ ഒ​ടി​ഞ്ഞു​വീ​ണു. നെ​ല്ലി​ക്കു​ഴി​യി​ൽ 314, ഇ​ര​മ​ല്ലൂ​ർ, ചെ​റു​വ​ട്ടൂ​ർ പ്ര​ദേ​ശ​ങ്ങ​ളി​ൽ മാ​ത്രം നി​ര​വ​ധി വൈ​ദ്യു​തി കാ​ലു​ക​ൾ പൂ​ർ​ണ​മാ​യും ഒ​ടി​യു​ക​യും ഗാ​ർ​ഹി​ക വൈ​ദ്യു​തി വി​ത​ര​ണ ലൈ​ൻ ത​ക​രാ​റി​ലാ​കു​ക​യും ചെ​യ്തു.

ശ​നി​യാ​ഴ്ച രാ​വി​ലെ ഊ​ന്നു​ക​ൽ സെ​ൻ​ട്ര​ൽ മ​സ്ജി​ദി​ന് സ​മീ​പം പാ​ർ​ക്ക് ചെ​യ്തി​രു​ന്ന കാ​റി​ലേ​ക്കും ബൈ​ക്കി​ലേ​ക്കും മ​ര​ത്തി​ന്‍റെ ശി​ഖ​രം ഒ​ടി​ഞ്ഞു​വീ​ണ് ബൈ​ക്ക് പൂ​ർ​ണ​മാ​യും ത​ക​രു​ക​യും കാ​റി​ന് ഭാ​ഗി​ക​മാ​യി നാ​ശ​ന​ഷ്ടം സം​ഭ​വി​ക്കു​ക​യും ചെ​യ്തു.