ഇഞ്ചത്തൊട്ടിയിൽ കാട്ടാനയെ തുരത്തി; വെറ്റിലപ്പാറയിൽ കൃഷി നാശം

കോ​ത​മം​ഗ​ലം: നേ​ര്യ​മം​ഗ​ല​ത്തി​ന് സ​മീ​പം ഇ​ഞ്ച​ത്തൊ​ട്ടി​യി​ൽ ജ​ന​വാ​സ മേ​ഖ​ല​യി​ൽ പ​ക​ൽ ത​ങ്ങി​യ കാ​ട്ടു​കൊ​മ്പ​നെ നാ​ട്ടു​കാ​രും വ​ന​പാ​ല​ക​രും ചേ​ർ​ന്ന് കാ​ട്ടി​ലേ​ക്ക് തു​ര​ത്തി. ബു​ധ​നാ​ഴ്ച രാ​ത്രി ഇ​ഞ്ച​ത്തൊ​ട്ടി വ​ന​മേ​ഖ​ലി​ൽ നി​ന്നെ​ത്തി​യ കൊ​മ്പ​നാ​ന ജ​ന​വാ​സ മേ​ഖ​ല​യി​ൽ നി​ന്ന് പ​ക​ലും മ​ട​ങ്ങി​യി​രു​ന്നി​ല്ല.

നാ​ട്ടു​കാ​രും വ​ന​പാ​ല​ക​രും പ​ട​ക്കം പൊ​ട്ടി​ച്ചും മ​റ്റും ആ​ന​യെ തു​ര​ത്തു​ക​യാ​യി​രു​ന്നു. വി​ര​​ണ്ടോ​ടി​യ ആ​ന റോ​ഡ​രി​കി​ൽ നി​ർ​ത്തി​യി​ട്ട സ്കൂ​ട്ട​ർ ത​ട്ടി മ​റി​ച്ചി​ട്ടു. ആ​ന വ​രു​ന്ന​ത് ക​ണ്ട് പേ​ടി​ച്ചോ​ടി​യ ഏ​താ​നും പേ​ർ​ക്ക് വീ​ണ് പ​രി​ക്കേ​ൽ​ക്കു​ക​യും ചെ​യ്തു.

ബു​ധ​നാ​ഴ്ച രാ​ത്രി പി​ണ്ടി​മ​ന പ​ഞ്ചാ​യ​ത്തി​ലെ വെ​റ്റി​ല​പ്പാ​റ​യി​ൽ കാ​ട്ടാ​ന​ക്കൂ​ട്ട​മി​റ​ങ്ങി വ്യാ​പ​ക​മാ​യി കൃ​ഷി ന​ശി​പ്പി​ച്ചു. സെ​ന്‍റ്​ തോ​മ​സ് ചാ​പ്പ​ലി​ന് സ​മീ​പം മേ​നോ​നി​ക്ക​ൽ ചാ​ക്കോ​യു​ടെ പു​ര​യി​ട​ത്തി​ലെ ചു​റ്റു​മ​തി​ലും ത​ക​ർ​ത്ത് എ​ത്തി​യ ആ​ന​ക​ൾ വാ​ഴ, തെ​ങ്ങ്, ക​പ്പ, പ്ലാ​വ്, ജാ​തി, മ​ഞ്ഞ​ൾ തു​ട​ങ്ങി​യ​വ ന​ശി​പ്പി​ച്ചു. കാ​ട്ടാ​ന​ശ​ല്യം പ​തി​വാ​യി​ട്ടും പ​രി​ഹാ​രം കാ​ണാ​ത്ത​തി​ൽ നാ​ട്ടു​കാ​ർ​ക്ക് പ്ര​തി​ഷേ​ധ​മു​ണ്ട്.