പൊ​ലീ​സ്​ ക​ള്ള​ക്കേ​സി​ൽ കു​ടു​ക്കി​യ ഭി​ന്ന​ശേ​ഷി​ക്കാ​ര​നെ കോ​ട​തി കു​റ്റ​വി​മു​ക്ത​നാ​ക്കി

കോ​ത​മം​ഗ​ലം: പൊ​ലീ​സ് മോ​ഷ​ണ​ക്കേ​സി​ൽ കു​ടു​ക്കി​യ ഭി​ന്ന​ശേ​ഷി​ക്കാ​ര​നെ കോ​ട​തി കു​റ്റ​വി​മു​ക്ത​നാ​ക്കി. പ​ല്ലാ​രി​മം​ഗ​ലം വെ​യ്റ്റി​ങ്​ ഷെ​ഡ് പാ​മ്പ്ര​ക്കാ​ട്ടി​ൽ ഗോ​പി​യെ​യാ​ണ് കോ​ത​മം​ഗ​ലം ജു​ഡീ​ഷ്യ​ൽ ഒ​ന്നാം​ക്ലാ​സ് മ​ജി​സ്ട്രേ​റ്റ് ഇ.​എ​ൻ. ഹ​രി​ദാ​സ​ൻ കു​റ്റ​ക്കാ​ര​ന​ല്ലെ​ന്നു​ക​ണ്ട് വി​ട്ട​യ​ച്ച​ത്. കേ​സ് വി​സ്താ​രം ആ​രം​ഭി​ക്കാ​നി​രി​ക്കെ കേ​സ് ഫ​യ​ൽ പ​രി​ശോ​ധി​ച്ച മ​ജി​സ്ട്രേ​റ്റ് കേ​സി​ൽ ര​ണ്ടാം​പ്ര​തി​യാ​യി ഗോ​പി​യെ ഉ​ൾ​പ്പെ​ടു​ത്തി​യ​ത് അ​ന്യാ​യ​മാ​ണെ​ന്ന് ക​ണ്ടെ​ത്തി. 2022 ആ​ഗ​സ്റ്റ് നാ​ലി​ന് പ​ല്ലാ​രി​മം​ഗ​ലം ചെ​മ്പ​കു​ഴി​യി​ൽ അ​ബ്ദു​സ്സ​ലാ​മി​ന്റെ വീ​ട്ടി​ൽ​നി​ന്ന്​ സ്വ​ർ​ണാ​ഭ​ര​ണ​ങ്ങ​ൾ മോ​ഷ​ണം​പോ​യ പ​രാ​തി​യി​ലാ​ണ് പോ​ത്താ​നി​ക്കാ​ട് പൊ​ലീ​സ് കേ​സെ​ടു​ത്ത​ത്.

കു​പ്ര​സി​ദ്ധ കു​റ്റ​വാ​ളി ആ​സി​ഡ് ബി​ജു​വി​നെ പൊ​ലീ​സ് പി​ടി​കൂ​ടു​ക​യും ഇ​യാ​ളി​ൽ​നി​ന്ന് സ്വ​ർ​ണാ​ഭ​ര​ണ​ങ്ങ​ൾ ക​ണ്ടെ​ടു​ക്കു​ക​യും ചെ​യ്തു. ന​ഷ്ട​പ്പെ​ട്ട സ്വ​ർ​ണാ​ഭ​ര​ണ​ങ്ങ​ൾ ബി​ജു​വി​ൽ​നി​ന്ന് ക​ണ്ടെ​ടു​ത്ത​ത് മ​റ​ച്ചു​വെ​ച്ച് പൊ​ലീ​സ് ഗോ​പി​യെ ബി​ജു​വി​നോ​ടൊ​പ്പം ര​ണ്ടാം​പ്ര​തി​യാ​ക്കി. ഒ​ന്നാം​പ്ര​തി ബി​ജു​വി​ൽ​നി​ന്ന് സ്വ​ർ​ണം വാ​ങ്ങു​ക​യും ക​ള​വ് മു​ത​ലാ​ണെ​ന്ന് അ​റി​ഞ്ഞ് വി​ൽ​പ​ന ന​ട​ത്തു​ക​യും ചെ​യ്തെ​ന്ന കു​റ്റ​മാ​ണ് ചാ​ർ​ത്തി​യി​രു​ന്ന​ത്. കോ​ട​തി​യി​ൽ താ​ൻ നി​ര​പ​രാ​ധി​യാ​ണെ​ന്നും ഒ​രു കു​റ്റ​വും ചെ​യ്തി​ട്ടി​ല്ല എ​ന്നും ക​ള​വ് മു​ത​ലു​ക​ൾ ഒ​ന്നാം​പ്ര​തി​യി​ൽ​നി​ന്ന് പൊ​ലീ​സ് ക​ണ്ടെ​ടു​ത്തി​ട്ടു​ണ്ടെ​ന്ന് കേ​സ് ഫ​യ​ലി​ൽ കാ​ണാ​മെ​ന്നും ബോ​ധി​പ്പി​ക്കു​ക​യാ​യി​രു​ന്നു. കു​റ്റ​പ​ത്രം പ​രി​ശോ​ധി​ച്ച മ​ജി​സ്ട്രേ​റ്റ് ര​ണ്ടാം​പ്ര​തി​യാ​യി ഗോ​പി​യെ ഉ​ൾ​പ്പെ​ടു​ത്തി​യ​ത് അ​ടി​സ്ഥാ​ന​മി​ല്ലാ​തെ​യാ​ണെ​ന്ന് ക​ണ്ടാ​ണ് വെ​റു​തെ​വി​ടാ​ൻ ഉ​ത്ത​ര​വി​ട്ട​ത്. നി​ര​പ​രാ​ധി​യാ​യ ത​ന്നെ പൊ​ലീ​സ് മ​നഃ​പൂ​ർ​വം കേ​സി​ൽ കു​ടു​ക്കി ലോ​ക്ക​പ്പി​ലി​ട്ട് മ​ർ​ദി​ക്കു​ക​യും പ​ല്ലാ​രി​മം​ഗ​ല​ത്ത് ന​ട​ത്തി​ക്കൊ​ണ്ടി​രു​ന്ന ക​ട​ക​ൾ പൂ​ട്ടി​ക്കു​ക​യും പ​ല്ലാ​രി​മം​ഗ​ല​ത്തു​നി​ന്ന് നാ​ടു​ക​ട​ത്തു​ക​യും ചെ​യ്ത​തി​നെ​തി​രെ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് കോ​ട​തി​യെ സ​മീ​പി​ക്കാ​ൻ ഒ​രു​ങ്ങു​ക​യാ​ണ് ഗോ​പി.