നി​​ർ​​മാ​​ണ​​ത്തി​​ലെ അ​​ഴി​​മ​​തി അ​​ന്വേ​​ഷി​​ക്ക​​ണ​​മെ​ന്ന്​ കോ​​ൺ​​ഗ്ര​​സ്; ചോർന്നൊലിച്ച് ചെ​റു​വ​ട്ടൂ​ർ കുടുംബാരോഗ്യ കേന്ദ്രം

കോ​ത​മം​ഗ​ലം: മ​ഴ പെ​യ്താ​ൽ ഒ​രു​തു​ള്ളി വെ​ള്ളം​പോ​ലും പു​റ​ത്തു​പോ​കാ​തെ ചെ​റു​വ​ട്ടൂ​ർ കു​ടും​ബാ​രോ​ഗ്യ കേ​ന്ദ്രം. നെ​ല്ലി​ക്കു​ഴി ഗ്രാ​മ​പ​ഞ്ചാ​യ​ത്തി​ലെ 16ാം വാ​ർ​ഡ് മു​ണ്ടോ​ത്തി​ൽ പ്ര​വ​ർ​ത്തി​ച്ചു​കൊ​ണ്ടി​രു​ന്ന പ്രാ​ഥ​മി​കാ​രോ​ഗ്യ കേ​ന്ദ്ര​മാ​ണ്​ 42 ല​ക്ഷം രൂ​പ മു​ട​ക്കി കു​ടും​ബാ​രോ​ഗ്യ കേ​ന്ദ്ര​മാ​യി ഉ​യ​ർ​ത്തി​യ​ത്.

അ​ര​ക്കോ​ടി​യോ​ളം രൂ​പ മു​ട​ക്കി ന​വീ​ക​ര​ണം പൂ​ർ​ത്തി​യാ​ക്കി​യ കു​ടും​ബാ​രോ​ഗ്യ കേ​ന്ദ്ര​ത്തി​നാ​ണ്​ ഈ ​ദു​ര​വ​സ്ഥ. ഇ​ത്ര​യ​ധി​കം പ​ണം മു​ട​ക്കി കു​ടും​ബാ​രോ​ഗ്യ കേ​ന്ദ്ര​മാ​യി ഉ​യ​ർ​ത്തി​യി​ട്ട് ഒ​രു വ​ർ​ഷം​പോ​ലും ആ​യി​ട്ടി​ല്ല.

മാ​സ​ങ്ങ​ൾ​ക്ക് മു​മ്പ്​ ഇ​ങ്ങ​നെ ഒ​രു ആ​ക്ഷേ​പം വ​ന്ന​പ്പോ​ൾ പ​ഞ്ചാ​യ​ത്ത് ഭ​ര​ണ​സ​മി​തി ഇ​ട​പെ​ട്ട് പു​ന​രു​ദ്ധാ​ര​ണം ന​ട​ത്തി​യി​രു​ന്നു. എ​ന്നാ​ൽ, വീ​ണ്ടും മ​ഴ പെ​യ്യു​മ്പോ​ൾ വെ​ള്ളം പു​റ​ത്തു​പോ​കാ​ത്ത അ​വ​സ്ഥ​യാ​ണ്.

അ​ര​ക്കോ​ടി​യി​ല​ധി​കം ജ​ന​സം​ഖ്യ​യു​ള്ള നെ​ല്ലി​ക്കു​ഴി പ​ഞ്ചാ​യ​ത്തി​ൽ നൂ​റു​ക​ണ​ക്കി​ന് പാ​വ​പ്പെ​ട്ട​വ​രും സാ​ധാ​ര​ണ​ക്കാ​രും നി​ത്യ​വും ആ​ശ്ര​യി​ക്കു​ന്ന കു​ടും​ബാ​രോ​ഗ്യ കേ​ന്ദ്ര​ത്തി​ന്‍റെ കെ​ട്ടി​ട​ത്തി​ന്റെ നി​ർ​മാ​ണ​ത്തി​ലെ അ​ഴി​മ​തി അ​ന്വേ​ഷി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് വി​ജി​ല​ൻ​സി​ന് പ​രാ​തി ന​ൽ​കു​മെ​ന്ന് കോ​ൺ​ഗ്ര​സ് നെ​ല്ലി​ക്കു​ഴി മ​ണ്ഡ​ലം പ്ര​സി​ഡ​ന്റ് അ​ലി പ​ടി​ഞ്ഞാ​റെ​ച്ചാ​ലി​ൽ പ​റ​ഞ്ഞു.