വ​​ന്യ​​ജീ​​വി ആ​​ക്ര​​മ​​ണം; പ്രതിരോധ നടപടികൾ സജ്ജമാകുന്നു

അ​ങ്ക​മാ​ലി: മ​ല​യാ​റ്റൂ​ര്‍, അ​യ്യ​മ്പു​ഴ, മൂ​ക്ക​ന്നൂ​ര്‍, ക​റു​കു​റ്റി പ​ഞ്ചാ​യ​ത്തു​ക​ളി​ലെ രൂ​ക്ഷ​മാ​യ വ​ന്യ​ജീ​വി ശ​ല്യ​ത്തി​ന്​ പ​രി​ഹാ​ര മാ​ര്‍ഗ​ങ്ങ​ള്‍ ച​ര്‍ച്ച​ചെ​യ്യാ​ന്‍ റോ​ജി എം. ​ജോ​ണ്‍ എം.​എ​ല്‍.​എ​യു​ടെ അ​ധ്യ​ക്ഷ​ത​യി​ല്‍ യോ​ഗം ചേ​ര്‍ന്നു. വി​ഷ​യം നി​ര​വ​ധി ത​വ​ണ നി​യ​മ​സ​ഭ​യി​ലും മ​ന്ത്രി​ത​ല യോ​ഗ​ങ്ങ​ളി​ലും ഉ​ന്ന​യി​ച്ച​തി​ന്‍റെ ഫ​ല​മാ​യി ഏ​താ​നും പ്ര​ദേ​ശ​ങ്ങ​ളി​ല്‍ വൈ​ദ്യു​തി വേ​ലി​ക​ള്‍ സ്ഥാ​പി​ക്കാ​ൻ തു​ക അ​നു​വ​ദി​ച്ച​താ​യും പ്ര​വൃ​ത്തി​ക​ള്‍ പു​രോ​ഗ​മി​ക്കു​ന്ന​താ​യും എം.​എ​ല്‍.​എ അ​റി​യി​ച്ചു. ക​ണ്ണി​മം​ഗ​ലം ഫോ​റ​സ്റ്റ് സ്റ്റേ​ഷ​നു കീ​ഴി​ല്‍ ക​ണ്ണി​മം​ഗ​ലം മു​ത​ല്‍ പോ​ട്ട വ​രെ ര​ണ്ട​ര കി​ലോ​മീ​റ്റ​റും കാ​ര​ക്കാ​ട് ഫോ​റ​സ്റ്റ് സ്റ്റേ​ഷ​നു കീ​ഴി​ല്‍ പോ​ട്ട മു​ത​ല്‍ ഇ​ല്ലി​ത്തോ​ട് വ​രെ അ​ഞ്ച്​ കി​ലോ​മീ​റ്റ​റും എ​വ​ര്‍ഗ്രീ​ന്‍ ഫോ​റ​സ്റ്റ് സ്റ്റേ​ഷ​നു കീ​ഴി​ല്‍ മ​ഹാ​ഗ​ണി​ത്തോ​ട്ടം മു​ത​ല്‍ ഇ​ട​മ​ല​യാ​ര്‍ ക​നാ​ലു​വ​രെ 2.15 കി​ലോ​മീ​റ്റ​റി​ലും വൈ​ദ്യു​തി​വേ​ലി പൂ​ര്‍ത്തീ​ക​രി​ച്ചു. മു​ള​ങ്കു​ഴി മു​ത​ല്‍ എ​വ​ര്‍ഗ്രീ​ന്‍ ക്യാ​മ്പ് ഷെ​ഡ് വ​രെ 2.9 കി​ലോ​മീ​റ്റ​റി​ലും വി​ജ​യ ക്വാ​റി മു​ത​ല്‍ ചേ​ല​ച്ചു​വ​ട് വ​രെ 1.7 കി​ലോ​മീ​റ്റ​റും പോ​ട്ട മു​ത​ല്‍ അ​യ്യ​മ്പു​ഴ പാ​ലം വ​രെ 3.5 കി​ലോ​മീ​റ്റ​റും വൈ​ദ്യു​തി വേ​ലി സ്ഥാ​പി​ക്കാ​ൻ തു​ക അ​നു​വ​ദി​ച്ചി​ട്ടു​ണ്ട്.

കാ​ര​ക്കാ​ട് ഫോ​റ​സ്റ്റ് സ്റ്റേ​ഷ​നു കീ​ഴി​ല്‍ ജ​ന​ജാ​ഗ്ര​ത സ​മി​തി രൂ​പ​വ​ത്​​ക​രി​ക്കാ​ൻ തീ​രു​മാ​ന​മാ​യി. ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് കൊ​ച്ചു​ത്രേ​സ്യ ത​ങ്ക​ച്ച​ന്‍, പ​ഞ്ചാ​യ​ത്ത് പ്ര​സി​ഡ​ന്‍റു​മാ​രാ​യ വി​ന്‍സ​ണ്‍ കോ​യ​ക്ക​ര, പി.​യു. ജോ​മോ​ന്‍, ല​തി​ക ശ​ശി​കു​മാ​ര്‍, ജി​ല്ല പ​ഞ്ചാ​യ​ത്തം​ഗം അ​നി​മോ​ള്‍ ബേ​ബി, ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ബി​ജു കാ​വു​ങ്ങ, ബ്ലോ​ക്ക് പ​ഞ്ചാ​യ​ത്ത്​ അം​ഗ​ങ്ങ​ളാ​യ ലാ​ലി ആ​ന്‍റു, റാ​ണി പോ​ളി തു​ട​ങ്ങി​യ​വ​ർ സം​ബ​ന്ധി​ച്ചു.