വാട്ടർ മെട്രോ ബോട്ട് റോ റോ ജങ്കാറിൽ ഇടിച്ചു

വൈ​പ്പി​ൻ: വൈ​പ്പി​ൻ ജെ​ട്ടി​യി​ൽ ​വാ​ട്ട​ർ മെ​ട്രോ​ബോ​ട്ട് അ​ടു​പ്പി​ക്ക​വെ സ​മീ​പ​ത്തു​ള്ള റോ​റോ​ജെ​ട്ടി​യി​ല്‍ കെ​ട്ടി​യി​ട്ടി​രു​ന്ന സേ​തു സാ​ഗ​ർ - 1 എ​ന്ന റോ​റോ ജ​ങ്കാ​റി​ൽ ഇ​ടി​ച്ചു. ജ​ങ്കാ​റി​ന്‍റെ റാ​മ്പി​നും ബോ​ട്ടി​നും ചെ​റി​യ കേ​ടു​പാ​ട്​ സം​ഭ​വി​ച്ചു. യാ​ത്ര​ക്കാ​ർ​ക്ക് അ​പ​ക​ട​മൊ​ന്നു​മി​ല്ല. ശ​നി​യാ​ഴ്ച ഉ​ച്ച​യോ​ടെ​യാ​ണ് സം​ഭ​വം. ഫോ​ര്‍ട്ട്‌​കൊ​ച്ചി​യി​ല്‍നി​ന്ന്​ വൈ​പ്പി​ന്‍വ​ഴി ഹൈ​കോ​ട​തി ജെ​ട്ടി​യി​ലേ​ക്കു സ​ര്‍വി​സ് ന​ട​ത്തു​ന്ന ബോ​ട്ടാ​ണ് അ​പ​ക​ട​മു​ണ്ടാ​ക്കി​യ​ത്.

ബോ​ട്ട് അ​ടു​പ്പി​ക്കു​ന്ന​തി​നി​ടെ പി​ന്‍ഭാ​ഗം റോ​റോ​യു​ടെ റാ​മ്പി​ലേ​ക്കു ക​യ​റു​ക​യാ​യി​രു​ന്നു. സം​ഭ​വ​ത്തെ തു​ട​ര്‍ന്ന വൈ​പ്പി​ന്‍ ജെ​ട്ടി​യി​ല്‍നി​ന്നു​ള്ള മെ​ട്രോ​ബോ​ട്ട് സ​ര്‍വി​സ് ഒ​ന്ന​ര മ​ണി​ക്കൂ​റോ​ളം മു​ട​ങ്ങി. മ​റ്റൊ​രു ബോ​ട്ടി​ന്റെ സ​ഹാ​യ​ത്തോ​ടെ ബോ​ട്ട് ജെ​ട്ടി​യോ​ട് ചേ​ര്‍ത്ത് യാ​ത്ര​ക്കാ​രെ ഇ​റ​ക്കി. ഒ​ഴു​ക്കി​ന്റെ ശ​ക്തി കു​റ​യു​ന്ന​തു​വ​രെ സ​ര്‍വി​സ് മ​ര​വി​പ്പി​ക്കു​ക​യും അ​തി​നു​ശേ​ഷം സ​ര്‍വി​സ് പു​ര​നാ​രം​ഭി​ക്കു​ക​യും ചെ​യ്തു. സം​ഭ​വ​ത്തെ​ക്കു​റി​ച്ച് ആ​ഭ്യ​ന്ത​ര അ​ന്വേ​ഷ​ണം കെ.​എം.​ആ​ര്‍.​എ​ല്‍ ആ​രം​ഭി​ച്ചു.