കടപ്പുറത്തിന്‍റെ ശോച്യാവസ്ഥ വിവരിക്കുന്ന വിദേശിയുടെ വിഡിയോ ​വൈറൽ

ഫോ​ർ​ട്ട്​​കൊ​ച്ചി: മ​ലി​ന​മാ​യി കി​ട​ക്കു​ന്ന ഫോ​ർ​ട്ട്​​കൊ​ച്ചി ബീ​ച്ചി​നെ സം​ബ​ന്ധി​ച്ച വി​ദേ​ശ സ​ഞ്ചാ​രി​യു​ടെ വി​ഡി​യോ വൈ​റ​ലാ​യ​ത് വി​വാ​ദം ഉ​യ​ർ​ത്തു​ന്നു.

ഡെ​ൻ​മാ​ർ​ക്കി​ൽ നി​ന്നു​മെ​ത്തി​യ വി​നോ​ദ സ​ഞ്ചാ​രി​യാ​ണ് ഫോ​ർ​ട്ട്​​കൊ​ച്ചി ക​ട​പ്പു​റ​ത്തെ മാ​ലി​ന്യ കൂ​മ്പാ​ര​വും, ശു​ചി​ത്വ​മി​ല്ലാ​യ്മ​യും, അ​ധി​കാ​രി​ക​ളു​ടെ അ​വ​ഗ​ണ​ന​യ​യും രൂ​ക്ഷ​മാ​യി വി​മ​ർ​ശി​ച്ചു​ള്ള വി​ഡി​യോ ചി​ത്രീ​ക​രി​ച്ച് പ്ര​ച​രി​പ്പി​ച്ചി​രി​ക്കു​ന്ന​ത്. ഒ​ട്ടേ​റെ രാ​ജ്യ​ങ്ങ​ൾ സ​ന്ദ​ർ​ശി​ക്കു​ന്ന ത​നി​ക്ക് ഇ​ത്ത​ര​മൊ​രു ബീ​ച്ച് കാ​ണാ​ൻ ക​ഴി​ഞ്ഞി​ട്ടി​ല്ലെ​ന്നും ഇ​ന്ത്യ​യി​ലെ മ​ലീ​മ​സ തീ​രം (ഡെ​ർ​ട്ടി ബീ​ച്ച് ഇ​ൻ ഇ​ന്ത്യ) എ​ന്നു​മാ​ണ്​ വി​ഡി​യോ​യു​ടെ സ​ന്ദേ​ശം.

ഒ​രു മി​നി​റ്റ് ദൈ​ർ​ഘ്യ​മു​ള്ള വി​ഡി​യോ ക​ട​ൽ തീ​ര​ത്തെ മാ​ലി​ന്യം, കു​പ്പി​ക​ൾ, മാം​സാ​വ​ശി​ഷ്ട​ങ്ങ​ൾ, വ​ല​ക​ളു​ടെ​യും പ്ലാ​സ്റ്റി​ക്കി​ന്‍റെ​യും അ​വ​ശി​ഷ്ട​ങ്ങ​ൾ തു​ട​ങ്ങി​യ​വ​യെ പ​രാ​മ​ർ​ശി​ച്ചാ​ണ് ചി​ത്രീ​ക​രി​ച്ചി​രി​ക്കു​ന്ന​ത്.

അ​ധി​കൃ​ത​രെ രൂ​ക്ഷ​മാ​യി വി​മ​ർ​ശി​ക്കു​ന്ന വി​ഡി​യോ ന​വ മാ​ധ്യ​മ​ങ്ങ​ളി​ൽ വൈ​റ​ലാ​യ​തോ​ടെ വ​ൻ വി​വാ​ദ​ത്തി​നു​മി​ട​യാ​ക്കി. സം​ര​ക്ഷി​ത തീ​ര പ​ട്ടി​ക​യി​ൽ കൊ​ച്ചി തീ​രം ത​ഴ​യ​പ്പെ​ട്ട​ത് സം​ബ​ന്ധ​മാ​യ വാ​ർ​ത്ത​ക്ക് പി​ന്നാ​ലെ വി​ദേ​ശി​യു​ടെ വി​മ​ർ​ശ​ന വി​ഡി​യോ അ​ധി​കൃ​ത​രെ ഇ​നി​യെ​ങ്കി​ലും ഉ​ണ​ർ​ത്തു​മോ എ​ന്ന ചോ​ദ്യ​മാ​ണ് നാ​ട്ടു​കാ​ർ ഉ​യ​ർ​ത്തു​ന്ന​ത്.