ടൂറിസം വകുപ്പിന്‍റെ വാഗ്ദാനം പാഴായി ചീനവല പുനർനിർമിച്ച മത്സ്യത്തൊഴിലാളി കടക്കെണിയിൽ

ഫോ​ർ​ട്ട്​​കൊ​ച്ചി: സം​സ്ഥാ​ന ടൂ​റി​സം വ​കു​പ്പി​നെ വി​ശ്വ​സി​ച്ച് ചീ​ന​വ​ല നി​ർ​മി​ച്ച മ​ത്സ്യ​ത്തൊ​ഴി​ലാ​ളി ക​ട​ക്കെ​ണി​യി​ൽ. പൈ​തൃ​ക സം​ര​ക്ഷ​ണ​ത്തി​ന്​ അ​ഞ്ച​ര​ല​ക്ഷം രൂ​പ പ​ലി​ശ​ക്കെ​ടു​ത്ത് ചീ​ന​വ​ല നി​ർ​മി​ച്ച മ​ത്സ്യ​ത്തൊ​ഴി​ലാ​ളി​യാ​ണ് ദു​രി​ത​ത്തി​ലാ​യ​ത്.

10 ദി​വ​സ​ത്തി​ന​കം പ​ണം ന​ൽ​കാ​മെ​ന്ന് ടൂ​റി​സം വ​കു​പ്പ് അ​ധി​കൃ​ത​ർ ന​ൽ​കി​യ ഉ​റ​പ്പി​ലാ​ണ് വി​ൻ​സെ​ന്‍റ്​ എ​ന്ന തൊ​ഴി​ലാ​ളി ഫോ​ർ​ട്ട്​​കൊ​ച്ചി​യി​ലെ പാ​ലം വ​ല എ​ന്ന​റി​യ​പ്പെ​ടു​ന്ന ചീ​ന​വ​ല പു​ന​ർ​നി​ർ​മി​ച്ച​ത്. എ​ന്നാ​ൽ, അ​ധി​കാ​രി​ക​ളു​ടെ മു​ന്നി​ൽ പ​ല ത​വ​ണ ക​യ​റി​യി​റ​ങ്ങി​യി​ട്ടും ഇ​തു​വ​രെ പ​ണം ല​ഭി​ച്ചി​ട്ടി​ല്ലെ​ന്ന് വി​ൻ​സെ​ന്‍റ്​ പ​റ​ഞ്ഞു. സ​ർ​ക്കാ​റി​ന്‍റെ ടൂ​റി​സം വി​ക​സ​ന പ​ദ്ധ​തി​ക​ളു​ടെ ഭാ​ഗ​മാ​യാ​ണ് കൊ​ച്ചി​യു​ടെ കൈ​യൊ​പ്പാ​യി വി​ശേ​ഷി​പ്പി​ക്കു​ന്ന ഫോ​ർ​ട്ട്​​കൊ​ച്ചി ക​ട​ൽ​ത്തീ​ര​ത്തെ സ​ഞ്ചാ​രി​ക​ളു​ടെ ആ​ക​ർ​ഷ​ണ​മാ​യ ചീ​ന​വ​ല​ക​ൾ പൈ​തൃ​ക ത​നി​മ​യോ​ടെ പു​ന​ർ​നി​ർ​മി​ക്കാ​ൻ തീ​രു​മാ​നി​ച്ച​ത്.

ഇ​തു​പ്ര​കാ​രം തേ​ക്കി​ൻ ക​ഴ​ക​ളും കി​ട​ന്ന് ദ്ര​വി​ച്ച ത​മ്പ​കം ത​ടി​യും വി​ൻ​സെ​ന്‍റി​ന് ടൂ​റി​സം വ​കു​പ്പ് ന​ൽ​കു​ക​യും നി​ർ​മാ​ണ ചെ​ല​വ്, അ​നു​ബ​ന്ധ സാ​മ​ഗ്രി​ക​ൾ എ​ന്നി​വ​യ​ട​ക്കം തു​ക 10 ദി​വ​സ​ത്തി​ന​കം ന​ൽ​കാ​മെ​ന്നും അ​ധി​കൃ​ത​ർ ഉ​റ​പ്പ് ന​ൽ​കി​യ​തോ​ടെ​യാ​ണ് നി​ർ​മാ​ണം ആ​രം​ഭി​ച്ച​ത്. അ​ഞ്ച​ര​ല​ക്ഷം രൂ​പ​യോ​ളം ചെ​ല​വാ​കു​ക​യും ബി​ല്ലു​ക​ൾ അ​ട​ക്കം നി​ർ​മാ​ണ ചു​മ​ത​ല​ക്കാ​രാ​യ കി​റ്റ്​​കോ മു​ഖാ​ന്ത​രം ടൂ​റി​സം വ​കു​പ്പി​ന് ന​ൽ​കു​ക​യും ചെ​യ്തു. ക​ല​ക്ട​റും സ്ഥ​ലം എം.​എ​ൽ.​എ​യും ടൂ​റി​സം വ​കു​പ്പ് ഉ​ദ്യോ​ഗ​സ്ഥ​രും ചേ​ർ​ന്ന് ജൂ​ണി​ൽ കൊ​ട്ടി​യാ​ഘോ​ഷി​ച്ച് ചീ​ന​വ​ല ന​വീ​ക​ര​ണ പ​ദ്ധ​തി ഉ​ദ്ഘാ​ട​ന​വും ചെ​യ്തു. അ​ന്നു മു​ത​ൽ ചെ​ല​വ​ഴി​ച്ച പ​ണ​ത്തി​നാ​യി ഓ​ടി ന​ട​ക്കു​ക​യാ​ണ് വി​ൻ​സെ​ന്‍റ്. പ​ദ്ധ​തി പ്ര​കാ​രം ആ​ദ്യം പ​ണി​ത ചീ​ന​വ​ല​ക്ക്​ പ​ണം കി​ട്ടാ​താ​യ​തോ​ടെ മ​റ്റു​ള്ള പു​ന​ർ​നി​ർ​മാ​ണ​വും നി​ർ​ത്തി വെ​ച്ചി​രി​ക്കു​ക​യാ​ണ്.