മുക്കന്നൂരിൽ വീട്ടുമുറ്റത്ത്​ പുലി

അ​ങ്ക​മാ​ലി: ഏ​ഴാ​റ്റു​മു​ഖം വ​ന​മേ​ഖ​ല​യു​മാ​യി ബ​ന്ധ​പ്പെ​ട്ട മൂ​ക്ക​ന്നൂ​ർ പ​ഞ്ചാ​യ​ത്തി​ലെ ഒ​ലി​വ് മൗ​ണ്ട് ഭാ​ഗ​ത്ത് അ​ർ​ധ​രാ​ത്രി വീ​ടി​ന് മു​റ്റ​ത്ത് പു​ലി​യി​റ​ങ്ങി. നൂ​റു​ക​ണ​ക്കി​ന് കു​ടും​ബ​ങ്ങ​ൾ താ​മ​സി​ക്കു​ന്ന ജ​ന​വാ​സ​കേ​ന്ദ്ര​മാ​യ ഒ​ലി​വ് മൗ​ണ്ടി​ലെ ആ​ഞ്ഞി​ലി​ക്ക​ൽ സി​ജു ഫ്രാ​ൻ​സി​സി​ന്‍റെ വീ​ട്ടു​മു​റ്റ​ത്താ​ണ് ക​ഴി​ഞ്ഞ ദി​വ​സം രാ​ത്രി​യി​ൽ പു​ലി ഇ​റ​ങ്ങി​യ​താ​യി സി.​സി ടി.​വി ദൃ​ശ്യ​ങ്ങ​ളി​ൽ ക​ണ്ട​ത്. അ​ർ​ധ​രാ​ത്രി പു​ലി​യു​ടെ ചി​ത്രം കാ​മ​റ​യി​ൽ പ​തി​ഞ്ഞ​തോ​ടെ നാ​ട്ടു​കാ​ർ പു​ലി​പ്പേ​ടി​യി​ലാ​യി​രി​ക്കു​ക​യാ​ണ്.

വീ​ടി​നു​മു​ന്നി​ൽ അ​ൽ​പ​നേ​രം നി​ല​യു​റ​പ്പി​ച്ച പു​ലി നാ​യു​ടെ കു​ര​ച്ചി​ൽ കേ​ട്ടി​ട്ടാ​കാം, ഓ​ടി​മ​റ​യു​ന്ന ദൃ​ശ്യ​വും കാ​മ​റ​യി​ൽ പ​തി​ഞ്ഞി​ട്ടു​ണ്ട്. രാ​ത്രി 11ഓ​ടെ​യാ​ണ്​ പു​ലി വ​ന്ന​ത്. സി​ജു​വും കു​ടും​ബ​വും പ​ള്ളി​പ്പെ​രു​ന്നാ​ൾ ക​ഴി​ഞ്ഞ് 11.30ഓ​ടെ​യാ​ണ് വീ​ട്ടി​ലെ​ത്തു​ന്ന​ത്. ഈ​സ​മ​യം വീ​ട്ടി​ലെ വ​ള​ർ​ത്തു​നാ​യ്​ അ​സാ​ധാ​ര​ണ​മാ​യ നി​ല​യി​ൽ കു​ര​ക്കു​ക​യും പ​രി​ഭ്രാ​ന്ത​മാ​യ നി​ല​യി​ലു​മാ​യി​രു​ന്നു. ഉ​റ​ങ്ങാ​നു​ള്ള തി​ര​ക്കി​ൽ അ​ത് കാ​ര്യ​മാ​ക്കാ​തെ വീ​ട്ടി​ൽ പ്ര​വേ​ശി​ച്ചു. എ​ന്നാ​ൽ, പി​റ്റേ​ന്ന് രാ​വി​ലെ സി.​സി ടി.​വി പ​രി​ശോ​ധി​ച്ച​പ്പോ​ഴാ​ണ് ഞെ​ട്ടി​പ്പി​ക്കു​ന്ന ദൃ​ശ്യം ക​ണ്ട​തെ​ന്ന് സി​ജു പ​റ​ഞ്ഞു.

ഏ​ഴാ​റ്റു​മു​ഖം കാ​ടി​ന് ഏ​താ​നും കി​ലോ​മീ​റ്റ​റു​ക​ൾ​ക്ക​ടു​ത്തു​ള്ള പ്ര​ദേ​ശ​മാ​ണി​വി​ടം. പ്രാ​ന്ത​പ്ര​ദേ​ശ​ങ്ങ​ളി​ൽ കാ​ട്ടാ​ന​ക​ളും കാ​ട്ടു​പ​ന്നി​ക​ളും ജ​ന​വാ​സ​കേ​ന്ദ്ര​ങ്ങ​ളി​ൽ ഇ​റ​ങ്ങി കൃ​ഷി​ക്കും മ​റ്റ് വ​സ്തു​വ​ക​ക​ൾ​ക്കും നാ​ശ​ന​ഷ്ട​മു​ണ്ടാ​ക്കു​ന്ന​ത് പ​തി​വാ​ണ്. ഏ​താ​നും വ​ർ​ഷം മു​മ്പ് ഒ​രു കി​ലോ​മീ​റ്റ​റോ​ളം ദൂ​ര​ത്ത് റ​ബ​ർ തോ​ട്ട​ത്തി​ൽ ടാ​പ്പി​ങ്ങി​നെ​ത്തി​യ തൊ​ഴി​ലാ​ളി​യെ റ​ബ​ർ മ​ര​ത്തി​ൽ​നി​ന്ന് ചാ​ടി​വീ​ണ് പു​ലി ഉ​പ​ദ്ര​വി​ച്ചെ​ങ്കി​ലും ജീ​വ​ൻ തി​രി​ച്ചു​കി​ട്ടി. മാ​സ​ങ്ങ​ളോ​ളം ചി​കി​ത്സ ന​ട​ത്തേ​ണ്ടി​വ​ന്നു.

പ്ര​ദേ​ശ​വാ​സി​ക​ൾ പ​ല​രും പ​ല സ​ന്ദ​ർ​ഭ​ങ്ങ​ളി​ൽ പു​ലി​യെ ക​ണ്ട​താ​യി പ​റ​യു​ന്നു​ണ്ടെ​ങ്കി​ലും സി​ജു​വി​ന്‍റെ സി.​സി ടി.​വി ദൃ​ശ്യ​ങ്ങ​ൾ ഭീ​തി ഇ​ര​ട്ടി​പ്പി​ക്കു​ക​യാ​ണ്. ചു​റ്റു​ഭാ​ഗ​ങ്ങ​ളി​ൽ നി​ര​വ​ധി വീ​ടു​ക​ളും സ്ഥാ​പ​ന​ങ്ങ​ളും വ​ഴി​ക​ളു​മു​ണ്ട്. സം​ഭ​വം വ​നം വ​കു​പ്പ് അ​ധി​കൃ​ത​രെ അ​റി​യി​ച്ച​തി​നെ​ത്തു​ട​ർ​ന്ന് റേ​ഞ്ച്​ ഓ​ഫി​സ​റു​ടെ നേ​തൃ​ത്വ​ത്തി​ൽ വ​ന​പാ​ല​ക​ർ സ്ഥ​ല​ത്തെ​ത്തി പ​രി​ശോ​ധ​ന ഊ​ർ​ജി​ത​മാ​ക്കി​യി​ട്ടു​ണ്ട്. സി.​സി ടി.​വി ചി​ത്രം പു​ലി​യു​ടേ​താ​ണെ​ന്ന് സ്ഥി​രീ​ക​രി​ക്കു​ക​യും ചെ​യ്തു. അ​തേ​സ​മ​യം മ​റ്റ് സൂ​ച​ന​ക​ളൊ​ന്നും ല​ഭി​ച്ചി​ട്ടി​ല്ല.