നഗരദ്വീപിലെ നരകജീവിതങ്ങൾ

വെ​യി​ൽ ചാ​ഞ്ഞാ​ൽ ച​ല​നം നി​ല​ക്കു​ന്നൊ​രു തു​രു​ത്തു​ണ്ട്. 62 കു​ടും​ബ​ങ്ങ​ളു​​ണ്ടെ​ങ്കി​ലും ഒ​രു പെ​ട്ടി​ക്ക​ട പോ​ലു​മി​ല്ലാ​ത്തൊ​രി​ടം. ഓ​ടി​ച്ചു​ന​ട​ക്കാ​ൻ ഇ​രു​ച​ക്ര​വാ​ഹ​ന​ങ്ങ​ളി​ല്ലാ​ത്ത നാ​ട്. റോ​ഡെ​ന്ന്​ പ​റ​യാ​ൻ കാ​യ​ൽ അ​ര​പ്പ​ട്ട കെ​ട്ടി​യ ഒ​റ്റ ചു​റ്റു​വ​ഴി മാ​ത്രം. അ​തി​വി​ദൂ​ര​മാ​യ ഏ​തോ കു​ഗ്രാ​മ​ത്തി​ലെ ജ​ന​ത​യു​ടെ ജീ​വി​ത​ക​ഥ​യ​ല്ലി​ത്. ഇ​ന്നോ ഇ​ന്ന​ലെ​യോ പൊ​ട്ടി​യു​ണ്ടാ​യ ഏ​തെ​ങ്കി​ലും അ​ത്​​ഭു​ത​ദ്വീ​പു​മ​ല്ല. പേ​ര്​ -താ​ന്തോ​ണി തു​രു​ത്ത്. മെ​ട്രോ ന​ഗ​ര​മാ​യ ​കൊ​ച്ചി​യി​ൽ രാ​ത്രി​യി​ലും ക​ണ്ണ​ട​ക്കാ​ത്ത മ​റൈ​ൻ​ഡ്രൈ​വി​ൽ​നി​ന്ന്​ കേ​വ​ലം 200-300 മീ​റ്റ​ർ മാ​ത്രം അ​ക​ല​ത്തി​ലു​ള്ള ഒ​രു ‘ന​ഗ​ര ദ്വീ​പ്​’. കൊ​ച്ചി കോ​ർ​പ​റേ​ഷ​ന്‍റെ 74ാം ഡി​വി​ഷ​നാ​യ ത​ട്ടാ​ഴ​ത്തി​ന്‍റെ ഭാ​ഗ​മാ​ണ്​ ഈ ​തു​രു​ത്ത്. ന​ഗ​ര​ഹൃ​ദ​യ​ത്തി​ൽ​നി​ന്ന്​ വി​ളി​പ്പാ​ട്​ മാ​ത്ര​മാ​ണ്​ അ​ക​ല​മെ​ങ്കി​ലും ത​ങ്ങ​ളെ ചു​റ്റി പ​ര​ന്ന കാ​യ​ലി​ലും നി​ലം പ​റ്റാ​റാ​യ വീ​ട​ക​ങ്ങ​ളി​ലും നി​സ്സ​ഹാ​യ​മാ​യ ക​ണ്ണു​ക​ളി​ലും ഒ​രി​ക്ക​ലും വ​റ്റാ​തെ നി​റ​യു​ന്ന നീ​രു​റ​വ​ക​ൾ മാ​ത്രം കൂ​ട്ടി​നു​ള്ള ഒ​രു കൂ​ട്ടം മ​നു​ഷ്യ​ർ. കൊ​ച്ചി ന​ഗ​ര​ത്തി​ന്‍റെ ശീ​ത​ളഛാ​യ​യി​ൽ​നി​ന്ന്​ താ​ന്തോ​ണി തു​രു​ത്തി​ന്‍റെ ദു​രി​ത​ക്കാ​ഴ്​​ച​ക​ളി​ലേ​ക്കു​ള്ള​ സ​മ​യ​ദൈ​ർ​ഘ്യം ​​വെ​റും 10​ മി​നി​റ്റി​ൽ താ​ഴെ. ചു​റ്റും കാ​യ​ലാ​യ​തി​നാ​ൽ ഇ​വി​ടേ​ക്ക്​ പോ​കാ​ൻ സ​മ​യം​വെ​ച്ച്​ തീ​രം ​തൊ​ട്ടു ക​ട​ന്നു​പോ​കു​ന്ന ഏ​ക ബോ​ട്ട്​ സ​ർ​വി​സ്​ ത​ന്നെ ആ​ശ്ര​യം. താ​ന്തോ​ണി തു​രു​ത്തി​ലി​റ​ങ്ങി മ​റു​ക​ര​യി​ലേ​ക്ക്​ നോ​ക്കു​മ്പോ​ൾ കൈ​​യെ​ത്തും ദൂ​ര​ത്ത്​ വാ​ഹ​ന​ങ്ങ​ൾ പോ​കു​ന്ന​ത്​ കാ​ണാം. വ​ലി​യ വാ​ഹ​ന​ങ്ങ​ളു​ടെ ഇ​ര​മ്പ​ലും ഹോ​ണ​ടി​യും​പോ​ലും കേ​ൾ​ക്കാം. ന​ഗ​ര​ത്തി​ന്‍റെ ആ​ര​വ​ങ്ങ​​ളൊ​ക്കെ​യും ക​ട​ന്നു​പോ​കു​ന്നു​ണ്ട്. പ​ക്ഷേ, താ​ന്തോ​ണി തു​രു​ത്ത്​ ശാ​ന്തം. നി​ശ്ശ​ബ്​​ദ​ത ഭേ​ദി​ക്കു​ന്ന​ത്​ കി​ളി​ക​ളു​ടെ ശ​ബ്​​ദ​വും അ​വ​യു​ടെ ചി​റ​ക​ടി​യൊ​ച്ച​ക​ളും മാ​ത്രം. ​കേ​ര​ള ജ​ല ഗ​താ​ഗ​ത വ​കു​പ്പി​ന്‍റെ ബോ​ട്ട​ല്ലാ​തെ തു​രു​ത്തു​കാ​ർ​ക്ക്​ ക​ര​പ​റ്റാ​ൻ ആ​ശ്ര​യം സ്വ​ന്തം തോ​ണി​ക​ൾ ത​ന്നെ. ഇ​വി​ടു​ത്തെ താ​മ​സ​ക്കാ​രി​ൽ ചി​ല​ർ​ക്ക്​ സ്വ​ന്ത​മാ​യി വ​ഞ്ചി​യു​ണ്ട്. സ്വ​ന്തം വ​ഞ്ചി തു​ഴ​ഞ്ഞ്​ വേ​ണം ദ്വീ​പി​ലേ​ക്ക്​ വ​രാ​നെ​ന്ന​തി​നാ​ൽ ‘താ​ൻ​ തോ​ണി തു​രു​ത്ത്​’ എ​ന്ന്​ വി​ളി​ച്ച്​ പി​ന്നീ​ട​ത്​ താ​ന്തോ​ണി തു​രു​ത്ത്​ എ​ന്നാ​യി മാ​റി​യെ​ന്നാ​ണ്​ പ​റ​യ​പ്പെ​ടു​ന്ന​ത്. ദ്വീ​പി​ലു​ള്ള​വ​ർ സ്വ​യം തോ​ന്നി വ​ന്ന​തും ത​ങ്ങു​ന്ന​തു​മാ​ണെ​ന്ന അ​ർ​ഥ​ത്തി​ൽ ‘താ​ന്തോ​ന്നി തു​രു​ത്ത്​’ എ​ന്നും അ​റി​യ​പ്പെ​ടു​ന്നു.

ബ്രി​ട്ടീ​ഷ്​ കാ​ല​ത്തെ​ വാ​ണി​ജ്യ​ത്തു​രു​ത്ത്​

125 ഏ​ക്ക​റോ​ളം വ​രു​ന്ന താ​ന്തോ​ണി തു​രു​ത്തി​ന്‍റെ തെ​ക്ക്​ കി​ഴ​ക്കേ ക​ര​യി​ൽ പ​ണ്ടു​ണ്ടാ​യി​രു​ന്ന ഓ​യി​ൽ ക​മ്പ​നി തു​രു​ത്തി​ന്‍റെ ജീ​വി​ത​ത്തെ​യും സാ​മ്പ​ത്തി​കാ​വ​സ്ഥ​യെ​യും ഏ​റെ സ്വാ​ധീ​നി​ച്ചി​രു​ന്നു. അ​ന്ന്​ ഇ​വി​ടെ പാ​ർ​ത്തി​രു​ന്ന​വ​ർ ക​മ്പ​നി​യി​ൽ​നി​ന്ന്​ ല​ഭി​ക്കു​ന്ന ഉ​ൽ​പ​ന്ന​ങ്ങ​ൾ ശേ​ഖ​രി​ച്ചും വി​പ​ണ​നം ന​ട​ത്തി​യും ജീ​വി​തം പു​ല​ർ​ത്തി​യി​രു​ന്ന​വ​രാ​ണ്. ഓ​യി​ൽ ക​മ്പ​നി​യെ ആ​ശ്ര​യി​ച്ച്​ ഇ​ക്കാ​ല​ത്ത്​ ഈ ​ദ്വീ​പി​ൽ സോ​പ്പ്​ ക​മ്പ​നി​യും പ്ര​വ​ർ​ത്തി​ച്ചു​വ​ന്നി​രു​ന്നു. മ​റ്റി​ട​ങ്ങ​ളി​ൽ​നി​ന്ന്​ മ​ര​മെ​ത്തി​ച്ച്​ സൂ​ക്ഷി​ച്ചി​രു​ന്ന ഡി​പ്പോ​യും ഇ​ത്​ ഉ​പ​യോ​ഗി​ച്ച്​ ചെ​റു​കി​ട ക​ര​കൗ​ശ​ല ഉ​ൽ​പ​ന്ന​ങ്ങ​ളു​ണ്ടാ​ക്കി ക​യ​റ്റു​മ​തി​യ​ട​ക്കം ചെ​യ്യു​ന്ന വ്യ​വ​സാ​യ​വും ഉ​ണ്ടാ​യി​രു​ന്നു. കാ​ല​മേ​റെ പി​ന്നി​ട്ടി​ട്ടും ഇ​തി​ന്‍റെ അ​വ​ശി​ഷ്ട​ങ്ങ​ൾ ദ്വീ​പി​ലു​ണ്ട്. ഓ​യി​ൽ ക​മ്പ​നി ഇ​ല്ലാ​താ​യ​തോ​ടെ ദ്വീ​പി​ലെ വ്യ​വ​സാ​യ​ങ്ങ​ളും പോ​യി. ഇ​വി​ടെ താ​മ​സി​ച്ചി​രു​ന്ന​വ​ർ മ​ത്സ്യ​ബ​ന്ധ​ന​ത്തി​ലേ​ക്കും മ​റ്റും പൂ​ർ​ണ​മാ​യി തി​രി​ഞ്ഞു. ദ്വീ​പി​ലെ താ​മ​സ​ക്കാ​രു​ടെ എ​ണ്ണ​വും വ​ർ​ധി​ച്ചു. കു​ടി​വെ​ള്ള​ത്തി​ന്​ മ​റു​ക​ര​ക​ളെ ആ​ശ്ര​യി​ച്ചും മ​​ണ്ണെ​ണ്ണ വി​ള​ക്കി​ന്‍റെ വെ​ളി​ച്ച​ത്തി​ൽ ആ​ശ്വ​സി​ച്ച്​ പോ​കു​മ്പോ​ഴും നാ​ളെ​യൊ​രി​ക്ക​ൽ ന​ഗ​ര​മാ​യി മാ​റു​ന്ന സ്വ​പ്നം ക​ണ്ടാ​യി​രു​ന്നു ആ ​ത​ല​മു​റ​യു​ടെ അ​ന്തി​യു​റ​ക്കം. ഇ​പ്പോ​ൾ ദ്വീ​പി​ലേ​ക്ക്​ വൈ​ദ്യു​തി​യെ​ത്തി. കു​ടി​വെ​ള്ള​മെ​ത്തി. പ​ക്ഷേ, അ​ടി​സ്ഥാ​ന ആ​വ​ശ്യ​ങ്ങ​ൾ​ക്ക്​ മ​റു​ക​ര താ​ണ്ടാ​തെ പ​റ്റി​ല്ലെ​ന്ന അ​വ​സ്ഥ തു​ട​രു​ന്നു. താ​ന്തോ​ണി തു​രു​ത്തി​ലെ ത​ല​മു​റ​ക​ളെ​ല്ലാം സ്വ​പ്നം കാ​ണു​ന്നു​ണ്ട്. എ​ന്നാ​ൽ, ക​ണ്ട സ്വ​പ്ന​ങ്ങ​ൾ​പോ​ലെ അ​വ​യെ​ല്ലാം ചാ​മ്പ​ലാ​യൊ​ടു​ങ്ങു​ന്നു.

തു​രു​ത്തി​നെ കൊ​തി​പ്പി​ച്ച്​ വ​ഴി​മാ​റി​പ്പോ​യ ഗോ​ശ്രീ പാ​ലം

​കൊ​ച്ചി​യി​ലെ ദ്വീ​പു​ക​ളു​ടെ വി​ക​സ​ന​ത്തി​ന്​ ഗോ​ശ്രീ ദ്വീ​പ്​ വി​ക​സ​ന അ​തോ​റി​റ്റി (ജി​ഡ) രൂ​പം കൊ​ണ്ട​തോ​ടെ ഏ​റ്റ​വു​മ​ധി​കം പ്ര​തീ​ക്ഷ​യോ​ടെ കാ​ത്തി​രു​ന്ന​ത്​​ താ​ന്തോ​ണി തു​രു​ത്തു​കാ​രാ​യി​രു​ന്നു. ന​ഗ​ര​ത്തോ​ട്​ ഏ​റ്റ​വു​മ​ടു​ത്ത്​ സ്ഥി​തി ചെ​യ്യു​ന്ന ഈ ​മ​നോ​ഹ​ര ദ്വീ​പി​നെ ഒ​ഴി​വാ​ക്കി ദ്വീ​പ്​ വി​ക​സ​ന​മെ​ന്ന അ​ജ​ണ്ട ഒ​രി​ക്ക​ലും ആ​ലോ​ചി​ക്കാ​നാ​കു​മാ​യി​രു​ന്നി​ല്ല. വൈ​പ്പി​ൻ ദ്വീ​പു​ക​ളെ ബ​ന്ധി​പ്പി​ക്കു​ന്ന ഗോ​ശ്രീ പാ​ല​ങ്ങ​ളെ​ക്കു​റി​ച്ച്​ ചി​ന്ത​യു​ണ​ർ​ന്ന​പ്പോ​​ഴെ​ല്ലാം താ​ന്തോ​ണി തു​രു​ത്ത്​ ചി​ത്ര​ത്തി​ൽ ഇ​ടം പി​ടി​ച്ചു. താ​ന്തോ​ണി തു​രു​ത്തി​ലെ​ത്തി അ​വി​ടെ നി​ന്ന്​ മു​ള​വു​കാ​ട്ടേ​ക്കും പി​ന്നീ​ട്​ പ​മ്പ​മ്പു​കാ​ട്ടേ​ക്കും അ​വി​ടെ നി​ന്ന്​ വൈ​പ്പി​നി​ലേ​ക്കു​മാ​യി​രു​ന്നു പാ​ലം വ​രേ​ണ്ടി​യി​രു​ന്ന​ത്. എ​ന്നാ​ൽ, കാ​യ​ൽ നി​ക​ത്തി പ​ണ​മു​ണ്ടാ​ക്കി പാ​ലം നി​ർ​മി​ക്കു​ന്ന പ​ദ്ധ​തി​യു​മാ​യി ബ​ന്ധ​പ്പെ​ട്ട പ​രി​സ്ഥി​തി പ്ര​ശ്ന​ങ്ങ​ളെ​യും കോ​ട​തി ഇ​ട​പെ​ട​ലു​ക​ളെ​യും തു​ട​ർ​ന്ന്​ നാ​ല്​ പാ​ലം എ​ന്ന പ​ദ്ധ​തി മൂ​ന്ന്​ പാ​ല​ത്തി​ലൊ​തു​ങ്ങി. അ​തോ​ടെ താ​ന്തോ​ണി തു​രു​ത്തി​ലേ​ക്കെ​ത്താ​തെ പാ​ലം 200 മീ​റ്റ​ർ അ​ക​ലെ മാ​റി ക​ട​ന്നു​പോ​യി. അ​ന്ന്​ പാ​ല​ത്തി​നു​വേ​ണ്ടി അ​ള​ന്ന്​ തി​രി​ച്ച കു​റ്റി​ക​ൾ ഇ​ന്നും തു​രു​ത്തി​ന്​ ഓ​രം ചേ​ർ​ന്ന്​ കാ​ണാം.

(കൊ​ച്ചി ന​ഗ​രം വ​ള​രു​മ്പോ​ൾ അ​ടി​മ​ണ്ണ് ചോ​ർ​ന്ന്​ കാ​യ​ലി​ലേ​ക്ക്​ ഇ​ടി​യു​ക​യാ​ണ്​ താ​ന്തോ​ണി തു​രു​ത്ത്. ഈ ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ തു​രു​ത്തു​കാ​രു​ടെ ജീ​വി​ത​ത്തി​ന്‍റെ ദു​രി​തം ഏ​റ്റു​ക​യാ​ണ്​ ചെ​യ്ത​ത്. അ​തേ​ക്കു​റി​ച്ച്​ നാ​ളെ)