അഴുക്ക​ുചാൽ സംവിധാനം; മട്ടാഞ്ചേരിയും ഫോർട്ട്കൊച്ചിയും 'ഫുൾ ക്ലീനെന്ന്​' നഗരസഭ

വി​വ​രാ​വ​കാ​ശ അപേക്ഷയിലാണ്​ മറുപടി

കൊ​ച്ചി: തു​ലാ​വ​ർ​ഷം ആ​രം​ഭി​ച്ച​തോ​ടെ കൊ​ച്ചി​യി​ലെ അഴുക്കുചാൽ സംവിധാനം എ​ത്ര ശ​ത​മാ​നം പ്ര​വ​ർ​ത്ത​ന​സ​ജ്ജ​മെ​ന്ന ചോ​ദ്യ​ത്തി​ന്​ മ​ട്ടാ​ഞ്ചേ​രി​യും ഫോ​ർ​ട്ട്കൊ​ച്ചി​യും ഫു​ൾ 'ക്ലീ​ൻ' ആ​ണെ​ന്ന് കൊ​ച്ചി ന​ഗ​ര​സ​ഭ​യു​ടെ വി​വ​രാ​വ​കാ​ശ മ​റു​പ​ടി. ന​ഗ​ര​സ​ഭ പ​രി​ധി​യി​ലു​ള്ള എ​ല്ലാ ക​നാ​ലു​ക​ളും മ​ഴ​ക്കാ​ല പൂ​ർ​വ ശു​ചീ​ക​ര​ണ​ത്തി​ൽ ഉ​ൾ​പ്പെ​ടു​ത്തി എ​ൻ​ജി​നീ​യ​റി​ങ്​ വി​ഭാ​ഗ​ത്തി‍െൻറ മേ​ൽ​നോ​ട്ട​ത്തി​ൽ ക്ലീ​ൻ ചെ​യ്തെ​ന്നാ​ണ്​ ന​ഗ​ര​സ​ഭ​യു​ടെ അ​വ​കാ​ശ​വാ​ദം.

കൊ​ച്ചി സ്വ​ദേ​ശി വി​വ​രാ​വ​കാ​ശ പ്ര​വ​ർ​ത്ത​ക​ൻ കെ. ​ഗോ​വി​ന്ദ​ൻ ന​മ്പൂ​തി​രി​ക്ക് ഫോ​ർ​ട്ട്കൊ​ച്ചി സോ​ണ​ൽ ഓ​ഫി​സ് ന​ൽ​കി​യ മ​റു​പ​ടി​യി​ലാ​ണ് ഈ ​വി​വ​ര​ങ്ങ​ൾ ഉ​ള്ള​ത്. 2014 മു​ത​ൽ ക്രോ​ഡീ​ക​രി​ച്ചുള്ള വി​വ​ര​ങ്ങ​ൾ ല​ഭ്യ​മ​ല്ല. 2020-2021 വ​ർ​ഷ​ത്തി​ൽ 2,48,39,357 രൂ​പ​യു​ടെ​യും, 2021-2022 ൽ 3,08,72,900 ​രൂ​പ​യു​ടെ​യും പ്ര​വൃ​ത്തി​ക​ൾ ത​യാ​റാ​ക്കി ന​ട​പ​ടി​ക​ൾ സ്വീ​ക​രി​ച്ചു​വെ​ന്ന് വി​വ​രാ​വ​കാ​ശ മ​റു​പ​ടി​യി​ൽ പ​റ​യു​ന്നു.

മ​ഴ പെ​യ്‌​താ​ൽ അ​ഞ്ചു ശ​ത​മാ​നം പോ​ലും വെ​ള്ളം ഒ​ഴു​കി​പ്പോ​കു​ന്നി​ല്ലെ​ന്ന യാ​ഥാ​ർ​ഥ്യം നി​ല​നി​ൽ​ക്കെ​യാ​ണ്​ ഇ​ത്ത​ര​മൊ​രു മ​റു​പ​ടി. അ​ശാ​സ്ത്രീ​യ​മാ​യ റോ​ഡ് നി​ർ​മാ​ണം മൂ​ലം മ​ട്ടാ​ഞ്ചേ​രി, ഫോ​ർ​ട്ട് കൊ​ച്ചി മേ​ഖ​ല​ക​ളി​ലെ 90 ശ​ത​മാ​നം അഴുക്ക​ുചാൽ സംവിധാനം പ്ര​വ​ർ​ത്ത​ന​ക്ഷ​മ​മ​ല്ല. ഓ​രോ വ​ർ​ഷ​വും കോ​ടി​ക​ൾ ന​ഗ​ര​സ​ഭ ചെ​ല​വ​ഴി​ക്കു​ന്നു​ണ്ടെ​ങ്കി​ലും വെ​ള്ള​ക്കെ​ട്ട് രൂ​ക്ഷ​മാ​ണ് ഗോ​വി​ന്ദ​ൻ ന​മ്പൂ​തി​രി പറയുന്നു.