കാ​ണാ​താ​യ സൈക്കിൾ കണ്ടെത്തിയ പൊലീസിന് ഏഴാം ക്ലാസുകാരിയുടെ സമ്മാനം

കൊ​ച്ചി: കാ​ണാ​താ​യ ത​െൻറ സൈ​ക്കി​ൾ ക​ണ്ടെ​ത്തി ന​ൽ​കി​യ എ​റ​ണാ​കു​ളം സെ​ൻ​ട്ര​ൽ പൊ​ലീ​സി​ന് ഏ​ഴാം ക്ലാ​സ് വി​ദ്യാ​ർ​ഥി​നി കീ​ർ​ത്ത​ന​യു​ടെ സ്നേ​ഹ സ​മ്മാ​നം. കോ​വി​ഡ് തി​ര​ക്കു​ക​ൾ​ക്കി​ട​യി​ലും മ​ണി​ക്കൂ​റു​ക​ൾ​ക്കു​ള്ളി​ൽ സൈ​ക്കി​ൾ ക​ണ്ടെ​ത്തി ന​ൽ​കി​യ ഇ​ൻ​സ്പെ​ക്ട​ർ നി​സാ​റി​നും സം​ഘ​ത്തി​നും ന​ന്ദി അ​റി​യി​ച്ചു​ള്ള വ​രി​ക​ളും പൊ​ലീ​സി​െൻറ ചി​ത്ര​വു​മ​ട​ങ്ങി​യ ക​ത്താ​ണ് കു​ട്ടി കൈ​മാ​റി​യ​ത്. എ​റ​ണാ​കു​ളം കേ​ന്ദ്രീ​യ വി​ദ്യാ​ല​യ​ത്തി​ൽ പ​ഠി​ക്കു​ന്ന കു​ട്ടി നേ​രി​ട്ടാ​ണ് എ​സ്.​ഐ​യു​ടെ ഫോ​ണി​ൽ വി​ളി​ച്ച് പ​രാ​തി അ​റി​യി​ച്ച​ത്.

വാ​ത്സ​ല്യ​ത്തോ​ടെ കു​ട്ടി​യു​ടെ ആ​വ​ശ്യം എ​ന്താ​ണെ​ന്ന് ചോ​ദി​ച്ച​പ്പോ​ൾ ത​ങ്ങ​ൾ കു​ടും​ബ​മാ​യി മ​ഹാ​രാ​ജാ​സ് കോ​ള​ജി​ന് പി​റ​കി​ൽ വാ​ട​ക​ക്ക് താ​മ​സി​ക്കു​ക​യാ​ണെ​ന്നും ക​ഴി​ഞ്ഞ ദി​വ​സം സ്വ​ന്തം വീ​ട്ടി​ൽ പോ​യി തി​രി​കെ വ​ന്ന​പ്പോ​ൾ വീ​ട്ടി​ൽ ​െവ​ച്ചി​രു​ന്ന സൈ​ക്കി​ൾ കാ​ണാ​നി​ല്ലെ​ന്നും അ​റി​യി​ച്ചു. ആ ​സൈ​ക്കി​ൾ ത​െൻറ സ്വ​പ്നം ആ​യി​രു​െ​ന്ന​ന്നും ര​ണ്ടു​വ​ർ​ഷം കൊ​ണ്ട് സ്വ​രൂ​പി​ച്ച പ​ണം കൊ​ടു​ത്ത് വാ​ങ്ങി​യ​താ​ണെ​ന്നും എ​ങ്ങ​നെ​യെ​ങ്കി​ലും പൊ​ലീ​സ് അ​ങ്കി​ൾ സൈ​ക്കി​ൾ ക​ണ്ടു​പി​ടി​ച്ചു ത​ര​ണ​മെ​ന്നു​മാ​യി​രു​ന്നു കു​ട്ടി പ​റ​ഞ്ഞ​ത്.

കു​ട്ടി​യു​ടെ വി​ഷ​മം ക്ഷ​മ​യോ​ടെ കേ​ട്ടി​രു​ന്ന ഇ​ൻ​സ്പെ​ക്ട​ർ നി​സാ​റി​െൻറ സ്നേ​ഹ​പൂ​ർ​വ​മു​ള്ള ഉ​റ​പ്പി​ൽ കു​ട്ടി ഫോ​ൺ ക​ട്ട് ചെ​യ്തു.

അ​ന്വേ​ഷ​ണ​ത്തി​ൽ​ത​ന്നെ സെ​ൻ​ട്ര​ൽ പൊ​ലീ​സ് സൈ​ക്കി​ൾ ക​ണ്ടെ​ത്തി. ഈ ​വാ​ർ​ത്ത ഫോ​ണി​ലൂ​ടെ അ​റി​യി​ച്ച​പ്പോ​ൾ സ​ന്തോ​ഷ​ത്തോ​ടെ വാ​ക്കു​ക​ൾ​കൊ​ണ്ട് ന​ന്ദി​യ​റി​യി​ച്ച​തോ​ടൊ​പ്പം ആ ​കൊ​ച്ചു​മി​ടു​ക്കി ഇ​ന്‍സ്പെ​ക്ട​റു​ടെ വാ​ട്സ്​​ആ​പ്പി​ൽ ഒ​രു ക​ത്തു​കൂ​ടി അ​യ​ച്ചു.