സെർവർ തകരാർ: ജനറൽ ആശുപത്രിയിൽ രോഗികളുടെ നീണ്ട ക്യൂ

കൊ​ച്ചി: എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ലെ ബി​ല്ലി​ങ് കൗ​ണ്ട​ർ പ്ര​വ​ർ​ത്ത​നം മ​ന്ദ​ഗ​തി​യി​ലാ​യ​ത് രോ​ഗി​ക​ളെ വ​ല​ച്ചു. സോ​ഫ്റ്റ്​​വെ​യ​ർ സെ​ർ​വ​ർ ത​ക​രാ​റി​നെ തു​ട​ർ​ന്നാ​ണ് ബി​ല്ലി​ങ് വൈ​കി​യ​ത്. ഇ​തോ​ടെ കൗ​ണ്ട​റി​ന് മു​ന്നി​ലെ നി​ര നീ​ണ്ടു. ഏ​റ്റ​വു​മ​ധി​കം തി​ര​ക്കു​ണ്ടാ​കാ​റു​ള്ള രാ​വി​ലെ മു​ത​ൽ ഉ​ച്ച​വ​രെ വ​ലി​യ വ​രി​യാ​ണ് രൂ​പ​പ്പെ​ട്ട​ത്. പ​ല​വി​ധ അ​സു​ഖ​ങ്ങ​ളാ​ൽ ചി​കി​ത്സ തേ​ടി​യെ​ത്തി​യ രോ​ഗി​ക​ളും കൂ​ട്ടി​രി​പ്പു​കാ​രും മ​ണി​ക്കൂ​റു​ക​ളോ​ളം വ​രി നി​ന്ന് വ​ല​ഞ്ഞു. ഏ​താ​നും ദി​വ​സ​ങ്ങ​ളാ​യി സെ​ർ​വ​ർ ത​ക​രാ​ർ കാ​ര​ണം പ്ര​ശ്നം അ​നു​ഭ​വി​ക്കു​ന്നു​ണ്ട്.

ബു​ധ​നാ​ഴ്ച ഇ​ത് കൂ​ടു​ത​ൽ രൂ​ക്ഷ​മാ​കു​ക​യാ​യി​രു​ന്നു. ആ​ശു​പ​ത്രി​യു​മാ​യി ബ​ന്ധ​പ്പെ​ട്ട എ​ല്ലാ ബി​ല്ലി​ങ് പ്ര​വ​ർ​ത്ത​ന​ങ്ങ​ളും ന​ട​ക്കു​ന്ന​ത് ഇ-​ഹെ​ൽ​ത്ത് സോ​ഫ്റ്റ്​​വെ​യ​റി​ലൂ​ടെ​യാ​ണ്. ഇ​തി​ലു​ണ്ടാ​കു​ന്ന സാ​ങ്കേ​തി​ക ത​ക​രാ​റു​ക​ളാ​ണ് പ്ര​ശ്ന​ങ്ങ​ൾ​ക്ക് വ​ഴി​വെ​ക്കു​ന്ന​ത്. നി​ര​വ​ധി സ​ർ​ക്കാ​ർ ആ​ശു​പ​ത്രി​ക​ളി​ൽ ഇ​തേ സോ​ഫ്റ്റ്​​വെ​യ​ർ ഉ​പ​യോ​ഗി​ക്കു​ന്നു​ണ്ട്. ഇ​ങ്ങ​നെ തി​ര​ക്കേ​റു​മ്പോ​ഴാ​ണ് പ്ര​വ​ർ​ത്ത​നം മ​ന്ദ​ഗ​തി​യി​ലാ​കു​ന്ന​തെ​ന്ന് അ​ധി​കൃ​ത​ർ പ​റ​ഞ്ഞു.

ഡെ​ങ്കി​പ്പ​നി​യ​ട​ക്കം രോ​ഗ​ങ്ങ​ളു​മാ​യി നി​ര​വ​ധി​യാ​ളു​ക​ൾ ജ​ന​റ​ൽ ആ​ശു​പ​ത്രി​യി​ൽ ചി​കി​ത്സ തേ​ടു​ന്നു​ണ്ട്. സ്കാ​നി​ങ്, എ​ക്സ്റേ തു​ട​ങ്ങി​യ​വ​യു​ടെ ബി​ല്ല് അ​ട​ക്കാ​നും നി​ര​വ​ധി​യാ​ളു​ക​ൾ സാ​ങ്കേ​തി​ക പ്ര​ശ്നം കാ​ര​ണം കാ​ത്ത് നി​ൽ​ക്കേ​ണ്ടി വ​രു​ന്നു. വ​രും​ദി​വ​സ​ങ്ങ​ളി​ലും സ​മാ​ന ബു​ദ്ധി​മു​ട്ട് ഉ​ണ്ടാ​കാ​തി​രി​ക്കാ​ൻ അ​ടി​യ​ന്ത​ര ഇ​ട​പെ​ട​ൽ വേ​ണ​മെ​ന്നാ​ണ് രോ​ഗി​ക​ളു​ടെ ആ​വ​ശ്യം. സാ​ങ്കേ​തി​ക പ്ര​ശ്ന​ത്തി​ന് ഉ​ട​ൻ പ​രി​ഹാ​രം കാ​ണു​മെ​ന്ന് അ​ധി​കൃ​ത​ർ വ്യ​ക്ത​മാ​ക്കി.