യുവാവിനെ മർദിച്ചവശനാക്കി കവർച്ച: ഒളിവിലായിരുന്ന പ്രതി അറസ്റ്റിൽ

കൊ​ച്ചി: യു​വാ​വി​നെ മ​ർ​ദി​ച്ച​വ​ശ​നാ​ക്കി ക​വ​ർ​ച്ച ന​ട​ത്തി​യ കേ​സി​ൽ ഒ​ളി​വി​ലാ​യി​രു​ന്ന പ്ര​തി​ക​ളി​ൽ ഒ​രാ​ൾ​കൂ​ടി പി​ടി​യി​ൽ. എ​റ​ണാ​കു​ളം താ​ന്തോ​ണി​ത്തു​രു​ത്ത് ചു​ങ്ക​ത്തു വീ​ട്ടി​ൽ ശ്രീ​രാ​ജി​നെ​യാ​ണ്​ സെ​ൻ​ട്ര​ൽ പൊ​ലീ​സി​ന്‍റെ സ​ഹാ​യ​ത്തോ​ടെ മു​ള​വു​കാ​ട് പൊ​ലീ​സ് അ​റ​സ്റ്റ്​ ചെ​യ്ത​ത്.

ഇ​ൻ​സ്റ്റ​ഗ്രാ​മി​ലൂ​ടെ പ​രി​ച​യ​പ്പെ​ട്ട പാ​ല​ക്കാ​ട്‌ വ​ട​ക്കാ​ഞ്ചേ​രി സ്വ​ദേ​ശി​യാ​യ പ​രാ​തി​ക്കാ​ര​നെ മ​യ​ക്കു​മ​രു​ന്ന് ന​ൽ​കാം എ​ന്ന് പ​റ​ഞ്ഞു പ്ര​ലോ​ഭി​പ്പി​ച്ച്​ മേ​യ്​ അ​ഞ്ചി​ന്​ രാ​ത്രി മു​ള​വു​കാ​ട് പൊ​ന്നാ​രി​മം​ഗ​ലം ക​ര​യി​ൽ ബോ​ട്ടു​ജെ​ട്ടി​ക്ക് സ​മീ​പ​ത്തെ ഒ​ഴി​ഞ്ഞ വീ​ട്ടി​ലേ​ക്ക് നി‍ർ​ബ​ന്ധി​ച്ച് വി​ളി​ച്ചു വ​രു​ത്തി.

മ​ദ്യം കൊ​ടു​ത്ത​ശേ​ഷം മു​റി​യി​ല്‍ പൂ​ട്ടി​യി​ട്ട് കാ​ല്​ ത​ല്ലി​യൊ​ടി​ക്കു​മെ​ന്നും കൊ​ന്ന് കാ​യ​ലി​ൽ ത​ള്ളു​മെ​ന്നും ഭീ​ഷ​ണി​പ്പെ​ടു​ത്തി യു​വാ​വി​െ​ന്‍റ മൊ​ബൈ​ൽ ഫോ​ണി​ലൂ​ടെ 2500 രൂ​പ ഗൂ​ഗി​ൾ പേ ​വ​ഴി വാ​ങ്ങി​ച്ചെ​ടു​ത്തു. ഫോ​ണും പ​ഴ്​​സും അ​തി​ലു​ണ്ടാ​യി​രു​ന്ന 1500 രൂ​പ​യും ക​വ​ർ​ന്നെ​ടു​ക്കു​ക​യും ചെ​യ്തു. പി​റ്റേ​ദി​വ​സം പു​ല​ർ​ച്ചെ വീ​ടി​ന്റെ പി​ൻ​ഭാ​ഗ​ത്തു​കൂ​ടി ര​ക്ഷ​പെ​ട്ട യു​വാ​വ് പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.

തു​ട​ർ​ന്ന് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ പ്ര​തി​ക​ളാ​യ മു​ള​വു​കാ​ട് സ്വ​ദേ​ശി​ക​ളാ​യ അ​ക്ഷ​യ്, ഫ്രാ​ൻ​സി​സ് ജോ​സ​ഫ്, സാ​ജു, ആ​ന്‍റ​ണി ലൂ​യി​സ് കൊ​റേ​യ, എ​ബെ​നെ​സ​ർ എ​ന്നി​വ​രെ അ​റ​സ്റ് ചെ​യ്തു റി​മാ​ൻ​ഡ് ചെ​യ്തി​രു​ന്നു. എ​ന്നാ​ൽ, ശ്രീ​രാ​ജ് ഒ​ളി​വി​ൽ പോ​കു​ക​യാ​യി​രു​ന്നു. ചൊ​വ്വാ​ഴ്ച വൈ​കീ​ട്ട് എ​റ​ണാ​കു​ള​ത്തെ​ത്തി​യ ശ്രീ​രാ​ജ് ന​ഗ​ര​ത്തി​ലെ ബാ​റി​ൽ വ​ച്ചു പ്ര​ശ്ന​മു​ണ്ടാ​ക്കു​ക​യും തു​ട​ർ​ന്ന് വി​വ​രം അ​റി​ഞ്ഞ മു​ള​വു​കാ​ട് പോ​ലീ​സ് സെ​ൻ​ട്ര​ൽ പൊ​ലീ​സി​ന്റെ സ​ഹാ​യ​ത്തോ​ടെ പി​ടി​കൂ​ടു​ക​യു​മാ​യി​രു​ന്നു.​എ​റ​ണാ​കു​ളം, ഞാ​റ​ക്ക​ൽ, എ​റ​ണാ​കു​ളം സെ​ൻ​ട്ര​ൽ,എ​റ​ണാ​കു​ളം നോ​ർ​ത്ത്, മു​ള​വു​കാ​ട് എ​ന്നീ സ്റ്റേ​ഷ​നു​ക​ളി​ൽ കൊ​ല​പാ​ത​ക ശ്ര​മം, ആ​ക്ര​മി​ച്ചു പ​രി​ക്കേ​ൽ​പ്പി​ക്ക​ൽ തു​ട​ങ്ങി​യ വ​കു​പ്പു​ക​ൾ പ്ര​കാ​രം പ​ന്ത്ര​ണ്ടോ​ളം കേ​സു​ക​ളി​ലെ പ്ര​തി​യാ​ണ് അ​റ​സ്റ്റി​ലാ​യ ശ്രീ​രാ​ജ്.