'റോ റോ' കട്ടപ്പുറത്തായിട്ട് മൂന്നാഴ്ച

ഫോ​ർ​ട്ട്കൊ​ച്ചി: വൈ​പ്പി​ൻ ഫോ​ർ​ട്ട്​​കൊ​ച്ചി ക​ര​ക​ളെ ബ​ന്ധി​പ്പി​ച്ച് സ​ർ​വി​സ് ന​ട​ത്തു​ന്ന In Ro-Ro vessels ഒ​ന്ന് ക​ട്ട​പു​റ​ത്താ​യി​ട്ട് മൂ​ന്നാ​ഴ്ച പി​ന്നി​ടു​ന്നു. നി​ല​വി​ൽ സ​ർ​വി​സ് ന​ട​ത്തു​ന്ന റോ ​റോ വെ​സ​ലും ബോ​ട്ടും ഭാ​ഗി​ക​മാ​യി മു​ട​ങ്ങു​ന്ന​തും പ​തി​വാ​യി മാ​റി​യി​രി​ക്കു​ക​യാ​ണ്. ആ​യി​ര​ക്ക​ണ​ക്കി​നാ​ളു​ക​ൾ ആ​ശ്ര​യി​ക്കു​ന്ന ഫോ​ർ​ട്ട്കൊ​ച്ചി വൈ​പ്പി​ൻ റോ ​റോ സ​ർ​വി​സ് ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള​താ​ണെ​ങ്കി​ലും ന​ട​ത്തി​പ്പ് ചു​മ​ത​ല പൊ​തു​മേ​ഖ​ല സ്ഥാ​പ​ന​മാ​യ കി​ൻ​കോ​ക്കാ​ണ്. ഇ​രു വി​ഭാ​ഗ​ത്തി​ന്‍റെ​യും കെ​ടു​കാ​ര്യ​സ്ഥ​ത മൂ​ലം യാ​ത്ര​ക്കാ​ർ ദു​രി​തം പേ​റു​ക​യാ​ണ്. നേ​ര​ത്തേ സേ​തു​സാ​ഗ​ർ ര​ണ്ട് എ​ന്ന വെ​സ​ൽ അ​റ്റ​കു​റ്റ​പ്പ​ണി​ക​ൾ​ക്കാ​യി ക​യ​റ്റി 130 ദി​വ​സ​ങ്ങ​ൾ​ക്ക് ശേ​ഷ​മാ​ണ് വീ​ണ്ടും ഇ​റ​ക്കി​യ​ത്. ഇ​പ്പോ​ൾ ത​ക​രാ​റി​ലാ​യ റോ ​റോ​യും ഇ​തു​പോ​ലെ അ​നി​ശ്ചി​ത​മാ​യി ക​ട്ട​പു​റ​ത്തി​രി​ക്കു​മോ​യെ​ന്ന ആ​ശ​ങ്ക​യാ​ണ് യാ​ത്ര​ക്കാ​ർ​ക്കു​ള്ള​ത്.

സ്പെ​ഷ​ൽ പ​ർ​പ്പ​സ് വെ​ഹി​ക്കി​ൾ സം​വി​ധാ​ന​ത്തി​ൽ ടെ​ൻ​ഡ​റി​ലൂ​ടെ സ​ർ​വി​സ് ന​ട​ത്താ​നു​ള്ള ന​ഗ​ര​സ​ഭ നീ​ക്ക​ത്തെ അ​ന്ന​ത്തെ പ്ര​തി​പ​ക്ഷം എ​തി​ർ​ത്ത​താ​ണ് കി​ൻ​കോ​യെ ഏ​ൽ​പ്പി​ക്കാ​ൻ കാ​ര​ണ​മാ​യ​ത്. മു​ഖ്യ​മ​ന്ത്രി​യു​ടെ കീ​ഴി​ലു​ള്ള കി​ൻ​കോ റോ ​റോ സ​ർ​വി​സ് ന​ട​ത്തി​പ്പ് കാ​ര്യ​ക്ഷ​മ​മാ​ക്കാ​ത്ത​തി​നെ​തി​രെ ന​ഗ​ര​സ​ഭ പ്ര​തി​പ​ക്ഷ നേ​താ​വ് ആ​ന്‍റ​ണി കു​രീ​ത്ത​റ രം​ഗ​ത്തെ​ത്തി.

റോ ​റോ വെ​സ​ലു​ക​ളും ബോ​ട്ടും ത​ക​രാ​റി​ലാ​കു​ന്ന​ത് പ​തി​വാ​യി മാ​റി​യി​രി​ക്കു​ക​യാ​ണെ​ന്നും ന​ഗ​ര​സ​ഭ​ക്ക് കി​ൻ​കോ ലാ​ഭ വി​ഹി​തം ന​ൽ​കു​ന്നി​ല്ലെ​ന്നും കു​രീ​ത്ത​റ മു​ഖ്യ​മ​ന്ത്രി​ക്ക് അ​യ​ച്ച പ​രാ​തി​യി​ൽ ചൂ​ണ്ടി​ക്കാ​ട്ടി. ക്രി​സ്മ​സ്, ന്യൂ ​ഇ​യ​ർ, ബി​നാ​ലെ ഉ​ൾ​പ്പെ​ടെ​യു​ള്ള ആ​ഘോ​ഷ​ങ്ങ​ൾ അ​ടു​ത്തി​രി​ക്കെ യാ​ത്രാ ദു​രി​തം പ​രി​ഹ​രി​ക്കാ​ൻ ന​ട​പ​ടി വേ​ണ​മെ​ന്നും പ​രാ​തി​യി​ൽ പ​റ​യു​ന്നു.