പൊള്ളുന്ന വെയിലും കൊതുക് ശല്യവും; കൊച്ചിക്ക് കിടക്കപ്പൊറുതിയില്ല...

കൊ​ച്ചി: ക​ത്തു​ന്ന വെ​യി​ലും വൈ​കീ​ട്ടോ​ടെ ന​ഗ​രം നി​റ​യു​ന്ന കൊ​തു​കും ജ​ന​ത്തെ വ​ല​ക്കു​ന്നു. കൊ​ച്ചി ന​ഗ​ര​വും സ​മീ​പ പ്ര​ദേ​ശ​വു​മാ​ണ് കി​ട​ക്ക​പ്പൊ​റു​തി​യി​ല്ലാ​ത്ത​വി​ധം ദു​രി​ത​ത്തി​ലാ​യ​ത്. ബ്ര​ഹ്മ​പു​രം തീ​പി​ടി​ത്ത​ത്തോ​ടെ ന​ഗ​രം മാ​ലി​ന്യ​ക്കെ​ണി​യി​ല​മ​ർ​ന്നു. ഇ​തോ​ടെ​യാ​ണ് കൊ​തു​കു​ക​ൾ വ​ർ​ധി​ച്ച​ത്. കൊ​തു​ക്​ നി​വാ​ര​ണ​ത്തി​നു​ള്ള ഫോ​ഗി​ങ്ങും സ്പ്രേ​യി​ങ്ങു​മെ​ല്ലാം താ​ളം തെ​റ്റി​യി​രു​ന്നു. കൊ​തു​ക്​ നി​വാ​ര​ണ​ത്തി​ൽ കോ​ർ​പ​റേ​ഷ​നും ആ​രോ​ഗ്യ​വ​കു​പ്പി​നു​മു​ണ്ടാ​യ വീ​ഴ്ച​ക്ക്​ ജ​നം വ​ലി​യ വി​ല​കൊ​ടു​ക്കേ​ണ്ടി വ​രു​ക​യാ​ണ്. നേ​ര​ത്തേ വൈ​കീ​ട്ടും രാ​ത്രി​യു​മാ​യി​രു​ന്നു കൊ​തു​ക് ശ​ല്യ​മു​ണ്ടാ​യി​രു​ന്ന​തെ​ങ്കി​ൽ ഇ​പ്പോ​ൾ പ​ക​ലും ശ​ല്യ​മേ​റി. കൊ​തു​ക്​ തി​രി​ക​ൾ​കൊ​ണ്ടും കാ​ര്യ​മാ​യ ഗു​ണ​മൊ​ന്നു​മി​​ല്ലെ​ന്ന്​ നാ​ട്ടു​കാ​ർ പ​റ​യു​ന്നു. പ​ക​ർ​ച്ച​വ്യാ​ധി ഭീ​ഷ​ണി​യി​ലാ​ണ് ന​ഗ​രം. ഡെ​ങ്കി​പ്പ​നി പ​ര​ത്തു​ന്ന ഈ​ഡി​സ് കൊ​തു​കു​ക​ളാ​ണ് ഇ​വ​യി​ൽ വി​ല്ല​നാ​കു​ന്ന​ത്.

വ്യാ​പാ​ര മേ​ഖ​ല​യു​ടെ ന​ട്ടെ​ല്ലൊ​ടി​ച്ച് കൊ​ടും​ചൂ​ട്

ര​ണ്ട് വ​ർ​ഷ​ത്തെ കോ​വി​ഡ് മ​ഹാ​മാ​രി​ക്ക് ശേ​ഷം ഇ​ത്ത​വ​ണ​യെ​ത്തി​യ ഉ​ത്സ​വ​കാ​ലം വ്യാ​പാ​ര മേ​ഖ​ല​ക്ക് നി​റ​ഞ്ഞ പ്ര​തീ​ക്ഷ​യു​ടേ​താ​യി​രു​ന്നു. എ​ന്നാ​ൽ, വേ​ന​ൽ ചൂ​ട് വി​ല്ല​നാ​യി. ജ​ന​ങ്ങ​ൾ പു​റ​ത്തി​റ​ങ്ങാ​ൻ മ​ടി​ച്ച​ത് വി​ഷു, ഈ​സ്റ്റ​ർ, റ​മ​ദാ​ൻ വ്യാ​പാ​ര​ത്തെ ദോ​ഷ​ക​ര​മാ​യി ബാ​ധി​ച്ചെ​ന്ന് വ്യാ​പാ​രി​ക​ൾ പ​റ​ഞ്ഞു. ചൂ​ട് ഏ​റ്റ​വും തി​രി​ച്ച​ടി​യാ​യ​ത് പ​ഴം പ​ച്ച​ക്ക​റി വ്യാ​പാ​ര മേ​ഖ​ല​ക്കാ​ണ്. എ​ടു​ക്കു​ന്ന ച​ര​ക്കു​ക​ൾ കേ​ടാ​കാ​ൻ തു​ട​ങ്ങി​യ​തോ​ടെ പ​ല​ർ​ക്കും വ​ലി​യ തു​ക​യു​ടെ ന​ഷ്ട​വു​മു​ണ്ടാ​യി. റ​മ​ദാ​ൻ വി​പ​ണി ല​ക്ഷ​മാ​ക്കി പ്ര​വ​ർ​ത്തി​ച്ചി​രു​ന്ന പ​ഴം, പ​ച്ച​ക്ക​റി മേ​ഖ​ല​ക്കും ഇ​ത് തി​രി​ച്ച​ടി​യാ​യി. ജ​ന​ങ്ങ​ൾ പു​റ​ത്തി​റ​ങ്ങാ​ൻ മ​ടി​ച്ച​ത് ഇ​ത​ര വ്യാ​പാ​ര മേ​ഖ​ല​യെ​യും ബാ​ധി​ച്ചി​ട്ടു​ണ്ട്.

ക​വി​ക​ളെ കൊ​തു​കു​ക​ടി​ച്ചാ​ൽ...

കൊ​ച്ചി: ന​ഗ​ര​ങ്ങ​ളും ഗ്രാ​മ​ങ്ങ​ളും നി​റ​ഞ്ഞ്​ കൊ​തു​കു​ശ​ല്യം രൂ​ക്ഷ​മാ​യ​തോ​ടെ ര​സ​ക​ര​മാ​യ പോ​സ്റ്റു​ക​ളു​മാ​യി സ​മൂ​ഹ​മാ​ധ്യ​മ​ങ്ങ​ളും നി​റ​ഞ്ഞു​തു​ട​ങ്ങി. അ​തി​ലൊ​ന്നാ​ണ്​ ചി​ല ക​വി​ക​ളെ കൊ​തു​കു​ക​ടി​ച്ചാ​ൽ ​പ്ര​തി​ക​രി​ക്കു​ന്ന​ത്​ എ​ങ്ങ​നെ​യെ​ന്ന പേ​രി​ൽ പ്ര​ച​രി​ക്കു​ന്ന കു​റി​പ്പും ക​വി​ത ശ​ക​ല​ങ്ങ​ളും. ആ​​​രെ​ഴു​തി​യ​തെ​ന്ന്​ വ്യ​ക്ത​മ​ല്ലെ​ങ്കി​ലും ചി​രി​യും ചി​ന്ത​യും ഉ​ണ​ർ​ത്തു​ന്ന ഈ ​കു​റി​പ്പ്​ ഏ​റെ ശ്ര​ദ്ധേ​യ​മാ​യി ക​ഴി​ഞ്ഞു. പ്ര​മു​ഖ ക​വി​ക​ളു​ടെ ക​വി​ത​ക​ളി​ലെ ചി​ല വാ​ക്കു​ക​ൾ മാ​റ്റി കൊ​തു​കി​നെ ക​ഥാ​പാ​ത്ര​മാ​ക്കി ​കു​റ​ച്ചു വ​രി​ക​ൾ കൂ​ട്ടി​ച്ചേ​ർ​ത്തു കൊ​ണ്ടു​ള്ള​ ക​വി​ത രൂ​പ​ത്തി​ലാ​ണ്​ ഇ​വ പ്ര​ച​രി​ക്കു​ന്ന​ത്.

വ​യ​ലാ​ർ, ഒ.​എ​ൻ.​വി, ക​ട​മ്മ​നി​ട്ട, കു​ഞ്ഞു​ണ്ണി മാ​ഷ്, വി. ​മ​ധു​സൂ​ദ​ന​ൻ നാ​യ​ർ, ബാ​ല​ച​ന്ദ്ര​ൻ ചു​ള്ളി​ക്കാ​ട്, കു​രീ​പ്പു​ഴ ശ്രീ​കു​മാ​ർ തു​ട​ങ്ങി​യ​വ​രു​ടെ ക​വി​ത​ക​​ളു​ടെ അ​ടി​സ്ഥാ​ന​ത്തി​ലാ​ണ്​ ഈ ​കൊ​തു​കു ക​വി​ത​ക​ൾ ഉ​ണ്ടാ​ക്കി​യി​രി​ക്കു​ന്ന​ത്. ‘നീ ​എ​ത്ര ധ​ന്യ’ എ​ന്ന സി​നി​മ​യി​ലെ ഒ.​എ​ൻ.​വി​യു​ടെ വ​രി​ക​ൾ കൊ​ണ്ടാ​ണ്​ അ​ദ്ദേ​ഹ​ത്തി​ന്‍റെ പേ​രി​ൽ കൊ​തു​കു​ക​വി​ത ര​ചി​ച്ചി​രി​ക്കു​ന്ന​ത്. മ​റ്റു ക​വി​ക​ളു​ടെ കേ​ട്ടു പ​രി​ച​യി​ച്ച വ​രി​ക​ളാ​ണ്​ ക​വി​ത​ക്ക്​ ഉ​പ​യോ​ഗി​ച്ചി​രി​ക്കു​ന്ന​ത്.

കൊ​തു​ക് ന​ശീ​ക​ര​ണം കാ​ര്യ​ക്ഷ​മ​മാ​ക്കും -ടി.​കെ. അ​ഷ​റ​ഫ് (ന​ഗ​ര​സ​ഭ ആ​രോ​ഗ്യ​സ്ഥി​രം സ​മി​തി അ​ധ്യ​ക്ഷ​ൻ)

ഫോ​ഗി​ങ്, സ്പ്രേ​യി​ങ് അ​ട​ക്ക​മു​ള്ള പ്ര​വ​ർ​ത്ത​ന​ങ്ങ​ളി​ലൂ​ടെ കൊ​തു​ക് ന​ശീ​ക​ര​ണം കാ​ര്യ​ക്ഷ​മ​മാ​ക്കും. ബ്ര​ഹ്മ​പു​രം വി​വാ​ദ​ങ്ങ​ളു​ടെ പ​ശ്ചാ​ത്ത​ല​ത്തി​ലും ന​ഗ​ര​ത്തി​ലെ കൊ​തു​ക് ന​ശീ​ക​ര​ണ പ്ര​വ​ർ​ത്ത​ന​ങ്ങ​ൾ പ​തി​വു​പേ​ലെ ന​ട​ന്നി​രു​ന്നു. വാ​ർ​ഡു​ക​ൾ കേ​ന്ദ്രീ​ക​രി​ച്ച് ന​ഗ​ര​സ​ഭ നി​യോ​ഗി​ക്കു​ന്ന ജീ​വ​ന​ക്കാ​രാ​ണ് ഇ​തി​ന് നേ​തൃ​ത്വം ന​ൽ​കു​ന്ന​ത്. സാ​ധാ​ര​ണ ചൂ​ടു​കാ​ല​ത്ത് കൊ​തു​കു​ശ​ല്യം കു​റ​യ​ലാ​ണ് പ​തി​വ്. കാ​ലാ​വ​സ്ഥ​യി​ലു​ണ്ടാ​യ മാ​റ്റ​മാ​യി​രി​ക്കാം കൊ​തു​കു​ക​ൾ വ​ർ​ധി​ച്ച​തി​ന് പി​ന്നി​ൽ. പ്ര​വ​ർ​ത്ത​നം കൂ​ടു​ത​ൽ കാ​ര്യ​ക്ഷ​മ​മാ​ക്കാ​ൻ ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കും.