രേവതി: പവർലിഫ്റ്റിങ്ങിലെ മിന്നും താരോദയം

കൊ​ച്ചി: പ​രി​മി​തി​ക​ളാ​യി​രു​ന്നു രേ​വ​തി​യു​ടെ ‘പ​വ​ർ’... അ​വ​ളു​ടെ നി​ശ്ച​യ​ദാ​ർ​ഢ്യ​ത്തി​നൊ​പ്പം തോ​ളി​ലേ​റി​യ​ത് ദേ​ശീ​യ റെ​ക്കോ​ഡ്. പ​ഞ്ചാ​ബി​ൽ സ​മാ​പി​ച്ച ദേ​ശീ​യ സീ​നി​യ​ർ ക്ലാ​സി​ക് പ​വ​ർ​ലി​ഫ്റ്റി​ങ് ചാ​മ്പ്യ​ൻ​ഷി​പ്പ് 2025ൽ ​കൊ​ച്ചി ന​ഗ​ര​ത്തി​ലെ ഉ​ദ​യ കോ​ള​നി​യി​ൽ​നി​ന്നു​ള്ള കെ. ​രേ​വ​തി​യാ​ണ് ജൂ​നി​യ​ർ വി​ഭാ​ഗ​ത്തി​ലെ ദേ​ശീ​യ റെ​ക്കോ​ർ​ഡ് സ്വ​ന്തം പേ​രി​ലാ​ക്കി​യ​ത്.

പ​വ​ർ​ലി​ഫ്റ്റി​ങ് ഇ​ന്ത്യ സം​ഘ​ടി​പ്പി​ച്ച ചാ​മ്പ്യ​ൻ​ഷി​പ്പി​ൽ 63 കി​ലോ വി​ഭാ​ഗം ഡെ​ഡ് ലി​ഫ്റ്റി​ൽ 167.5 കി​ലോ ഭാ​രം ഉ​യ​ർ​ത്തി​യാ​ണ് രേ​വ​തി കേ​ര​ള​ത്തി​നാ​യി സ്വ​ർ​ണ മെ​ഡ​ൽ സ്വ​ന്ത​മാ​ക്കി​യ​തും ഈ ​ഇ​ന​ത്തി​ലെ ദേ​ശീ​യ റെ​ക്കോ​ഡ് സ്വ​ന്ത​മാ​ക്കി​യ​തും. എ​റ​ണാ​കു​ളം മ​ഹാ​രാ​ജാ​സ് കോ​ള​ജി​ൽ പി.​ജി എ​ക്ക​ണോ​മി​ക്സ് ര​ണ്ടാം വ​ർ​ഷ വി​ദ്യാ​ർ​ഥി​നി​യാ​യ ഈ ​പെ​ൺ​കു​ട്ടി രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള 20 പെ​ൺ​കു​ട്ടി​ക​ളെ​യാ​ണ് തോ​ൽ​പ്പി​ച്ച​ത്.

പ്ല​സ്ടു കാ​ലം മു​ത​ൽ ചെ​റി​യ​തോ​തി​ൽ പ​വ​ർ​ലി​ഫ്റ്റി​ങ്, വെ​യ്റ്റ് ലി​ഫ്റ്റി​ങ് ഇ​ന​ങ്ങ​ളി​ൽ മാ​റ്റു​ര​ച്ചി​ട്ടു​ണ്ടെ​ങ്കി​ലും ഇ​ട​ക്കു​ണ്ടാ​യ വാ​ഹ​നാ​പ​ക​ടം സ്വ​പ്ന​ങ്ങ​ൾ​ക്ക് ത​ൽ​ക്കാ​ല​ത്തേ​ക്ക് വി​രാ​മ​മി​ട്ടു. എ​ന്നാ​ൽ, ഒ​രു വ​ർ​ഷം മു​മ്പ് വീ​ണ്ടും ക​ള​ത്തി​ലേ​ക്കി​റ​ങ്ങി​യ രേ​വ​തി, ജോ​ർ​ജ് ജേ​ക്ക​ബ് എ​ന്ന കോ​ച്ചി​ന്‍റെ കീ​ഴി​ലാ​യി​രു​ന്നു പ​രി​ശീ​ല​നം.

ഗാ​ന്ധി​ന​ഗ​റി​ലും പ​രി​സ​ര​ത്തും ന​ട​ന്ന് ലോ​ട്ട​റി വി​ൽ​ക്കു​ന്ന ക​റു​പ്പു​സാ​മി​യു​ടെ​യും ഹ​രി​ത​ക​ർ​മ സേ​നാം​ഗ​മാ​യ ക​ണ്ണ​മ്മ​യു​ടെ​യും മ​ക​ളാ​ണ് രേ​വ​തി. ആ​രോ​ഗ്യ പ്ര​ശ്ന​ങ്ങ​ൾ അ​ല​ട്ടു​ന്ന പി​താ​വി​ന് കാ​ര്യ​മാ​യ വ​രു​മാ​ന​മി​ല്ല. അ​മ്മ​യു​ടെ തു​ച്ഛ​മാ​യ വ​രു​മാ​ന​ത്തി​ൽ നി​ന്നാ​ണ് ഇ​വ​ൾ ഇ​ഷ്ട​പ്പെ​ടു​ന്ന പ​വ​ർ​ലി​ഫ്റ്റി​ങ്ങി​ൽ പ​രി​ശീ​ല​ന​ത്തി​നും മ​റ്റു ചെ​ല​വു​ക​ൾ​ക്കു​മു​ള്ള തു​ക ക​ണ്ടെ​ത്തു​ന്ന​ത്. പ​രി​ശീ​ല​ക​നും ഇ​ക്കാ​ര്യ​ത്തി​ൽ വ​ലി​യ പി​ന്തു​ണ ന​ൽ​കു​ന്നു​ണ്ടെ​ന്ന് രേ​വ​തി പ​റ​ഞ്ഞു. ഈ ​രം​ഗ​ത്ത് കൂ​ടു​ത​ൽ നേ​ട്ട​ങ്ങ​ൾ കീ​ഴ​ട​ക്ക​ണ​മെ​ന്നാ​ണ് ആ​ഗ്ര​ഹം. സ​ഹോ​ദ​രി അ​ശ്വ​തി ബി​കോം വി​ദ്യാ​ർ​ഥി​നി​യാ​ണ്.

ഫെ​ബ്രു​വ​രി 19 മു​ത​ൽ 23 വ​രെ ന​ട​ന്ന ചാ​മ്പ്യ​ൻ​ഷി​പ്പ് ക​ഴി​ഞ്ഞ് വ്യാ​ഴാ​ഴ്ച ട്രെ​യി​ൻ മാ​ർ​ഗം തി​രി​ച്ചെ​ത്തി​യ രേ​വ​തി​യെ ഏ​റെ അ​ഭി​മാ​ന​ത്തോ​ടെ​യാ​ണ് കു​ടും​ബം സ്വീ​ക​രി​ച്ച​ത്. ഉ​ദ​യ കോ​ള​നി​യി​ലു​ള്ള​വ​രും രേ​വ​തി​യു​ടെ നേ​ട്ട​ത്തി​ൽ വ​ലി​യ സ​ന്തോ​ഷ​ത്തി​ലാ​ണ്. കോ​ൺ​ഗ്ര​സ് എ​ളം​കു​ളം മ​ണ്ഡ​ലം ക​മ്മി​റ്റി​യു​ടെ നേ​തൃ​ത്വ​ത്തി​ൽ അ​നു​മോ​ദ​ന​ച​ട​ങ്ങ് ഒ​രു​ക്കു​മെ​ന്ന് കോ​ൺ​ഗ്ര​സ് മു​ൻ ബ്ലോ​ക്ക്​ സെ​ക്ര​ട്ട​റി അ​ജ​യ കു​മാ​ർ അ​റി​യി​ച്ചു.