ലേബർ കോൺട്രാക്ട് സംഘങ്ങൾക്ക്​ കരാർ ലൈസൻസ് പുതുക്കൽ: പോർട്ടലിൽ മാറ്റം വരുത്തണമെന്ന്​ ഹൈകോടതി

കൊ​ച്ചി: ലേ​ബ​ർ കോ​ൺ​ട്രാ​ക്ട് സ​ഹ​ക​ര​ണ സം​ഘ​ങ്ങ​ൾ​ക്ക്​ ക​രാ​ർ ലൈ​സ​ൻ​സ് പു​തു​ക്കാ​ൻ അ​പേ​ക്ഷ ന​ൽ​കാ​നാ​കും​വി​ധം പൊ​തു​മ​രാ​മ​ത്ത് വ​കു​പ്പി​ന്റെ ഓ​ൺ​ലൈ​ൻ പോ​ർ​ട്ട​ലി​ൽ ര​ണ്ടു​ മാ​സ​ത്തി​ന​കം മാ​റ്റം വ​രു​ത്ത​ണ​മെ​ന്ന്​ ഹൈ​കോ​ട​തി. ഇ​ത്ത​രം സ​ഹ​ക​ര​ണ സം​ഘ​ങ്ങ​ൾ​ക്ക് ലൈ​സ​ൻ​സ് പു​തു​ക്കാ​നു​ള്ള അ​പേ​ക്ഷ ന​ൽ​കാ​ൻ പോ​ർ​ട്ട​ലി​ൽ ഓ​പ്ഷ​നി​ല്ലാ​ത്ത​ത് വി​വേ​ച​ന​പ​ര​മാ​ണെ​ന്ന് വി​ല​യി​രു​ത്തി​യാ​ണ്​ ജ​സ്റ്റി​സ് എ​ൻ. ന​ഗ​രേ​ഷി​ന്‍റെ ഉ​ത്ത​ര​വ്.

പൊ​തു​മ​രാ​മ​ത്ത് വ​കു​പ്പി​ന്റെ പോ​ർ​ട്ട​ലി​ൽ അ​പേ​ക്ഷ ന​ൽ​കാ​ൻ അ​നു​വ​ദി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് കോ​ഴി​ക്കോ​ട് വ​ട​ക​ര ക​ട​ത്ത​നാ​ട് ലേ​ബ​ർ കോ​ൺ​ട്രാ​ക്‌​ട് കോ​ഓ​പ​റേ​റ്റി​വ് സൊ​സൈ​റ്റി​യ​ട​ക്ക​മു​ള്ള​വ​ർ ന​ൽ​കി​യ ഹ​ര​ജി​ക​ളി​ലാ​ണ് ഉ​ത്ത​ര​വ്. പൊ​തു​മ​രാ​മ​ത്ത് വ​കു​പ്പി​ന്റെ പോ​ർ​ട്ട​ലി​ൽ സ​ഹ​ക​ര​ണ സം​ഘ​ങ്ങ​ൾ​ക്ക് അ​പേ​ക്ഷ ന​ൽ​കാ​ൻ ഓ​പ്ഷ​ൻ ഇ​ല്ലാ​ത്ത​തി​നാ​ൽ ലൈ​സ​ൻ​സ് പു​തു​ക്കാ​നാ​കു​ന്നി​ല്ല.

ഏ​റ്റ​വും കു​റ​ഞ്ഞ ടെ​ൻ​ഡ​ർ തു​ക​യു​ടെ 10 ശ​ത​മാ​നം വ​രെ ഉ​യ​ർ​ന്ന തു​ക ക്വോ​ട്ട്​ ചെ​യ്‌​ത സ​ഹ​ക​ര​ണ സം​ഘ​ങ്ങ​ൾ​ക്ക് ക​രാ​ർ ന​ൽ​കാ​മെ​ന്ന് വ്യ​വ​സ്ഥ​യു​ണ്ട്. സ​ഹ​ക​ര​ണ സം​ഘ​മെ​ന്ന ത​ര​ത്തി​ൽ ര​ജി​സ്റ്റ​ർ ചെ​യ്യാ​നാ​കാ​ത്ത സാ​ഹ​ച​ര്യ​ത്തി​ൽ ഈ ​ആ​നു​കൂ​ല്യം ന​ഷ്ട​മാ​കു​മെ​ന്നും ഹ​ര​ജി​യി​ൽ പ​റ​യു​ന്നു.