ബ്രഹ്മപുരത്ത് ബയോമൈനിങ് ഷെഡ് കെട്ടിയില്ല; കരാർ ലംഘനമെന്ന് പ്രതിപക്ഷം

കൊ​ച്ചി: ബ്ര​ഹ്മ​പു​ര​ത്ത് കോ​ർ​പ​റേ​ഷ​നി​ൽ നി​ന്നു​ള്ള മാ​ലി​ന്യം സം​സ്ക​രി​ക്കാ​ൻ ബ​യോ മൈ​നി​ങ് ക​രാ​ർ ഏ​റ്റെ​ടു​ത്ത ക​മ്പ​നി വ്യ​വ​സ്ഥ പ്ര​കാ​ര​മ​ല്ല പ്ര​വ​ർ​ത്തി​ക്കു​ന്ന​തെ​ന്നാ​രോ​പി​ച്ച് കോ​ർ​പ​റേ​ഷ​ൻ കൗ​ൺ​സി​ൽ യോ​ഗ​ത്തി​ൽ പ്ര​തി​പ​ക്ഷം രം​ഗ​ത്തെ​ത്തി.

ക​രാ​ർ പ്ര​കാ​രം ബ്ര​ഹ്മ​പു​ര​ത്ത് പു​തി​യ 50,000 സ്ക്വ​യ​ർ ഫീ​റ്റ് വി​സ്തൃ​തി​യു​ള്ള ഷെ​ഡ് നി​ർ​മി​ച്ച് ഇ​തി​ൽ ബ​യോ​മൈ​നി​ങ് മെ​ഷീ​നു​ക​ൾ സ്ഥാ​പി​ക്ക​ണ​മെ​ന്നാ​ണ് വ്യ​വ​സ്ഥ. എ​ന്നാ​ൽ, ഭൂ​മി ഗ്രീ​ൻ എ​ന​ർ​ജി എ​ന്ന പു​ണെ ആ​സ്ഥാ​ന​മാ​യു​ള്ള ക​രാ​ർ ക​മ്പ​നി, ബ്ര​ഹ്മ​പു​ര​ത്ത് ച​തു​പ്പു​നി​ല​മാ​യ​തി​നാ​ൽ ഷെ​ഡ് നി​ർ​മി​ക്കാ​ൻ സാ​ധി​ക്കു​ന്നി​ല്ലെ​ന്നു ചൂ​ണ്ടി​ക്കാ​ട്ടി നി​ല​വി​ലെ കോ​ർ​പ​റേ​ഷ​ന്‍റെ ത​ന്നെ ഷെ​ഡി​ൽ ത​ന്നെ ഉ​പ​ക​ര​ണ​ങ്ങ​ൾ സ്ഥാ​പി​ക്കു​ക​യാ​യി​രു​ന്നു.

ഇ​ത് കൗ​ൺ​സി​ൽ അ​റി​യാ​തെ​യാ​ണ് ന​ട​പ്പാ​ക്കി​യ​തെ​ന്ന്​ ചൂ​ണ്ടി​ക്കാ​ട്ടി​യാ​ണ്​ പ്ര​തി​പ​ക്ഷം പ്ര​തി​ഷേ​ധ​വു​മാ​യി രം​ഗ​​ത്തെ​ത്തി​യ​ത്. പ്ര​തി​പ​ക്ഷ നേ​താ​വ് ആ​ന്‍റ​ണി കു​രീ​ത്ത​റ, അം​ഗം എം.​ജി. അ​രി​സ്റ്റോ​ട്ടി​ൽ എ​ന്നി​വ​രാ​ണ് ഇ​ക്കാ​ര്യ​ത്തി​ൽ വി​മ​ർ​ശ​ന​മു​ന്ന​യി​ച്ച​ത്. ബ​യോ​മൈ​നി​ങി​നാ​യി 16 മാ​സം അ​നു​വ​ദി​ച്ച​ത്​ മ​തി​യാ​കി​ല്ലെ​ന്നും ഇ​ത് ഭീ​മ​മാ​യ ന​ഷ്ട​മാ​ണ് ഉ​ണ്ടാ​ക്കു​ക​യെ​ന്നും പ്ര​തി​പ​ക്ഷം ചൂ​ണ്ടി​ക്കാ​ട്ടി. ക​രാ​ര്‍ ക​മ്പ​നി​ക്ക് അ​മി​ത ലാ​ഭം നേ​ടി​ക്കൊ​ടു​ക്കാ​നാ​ണ് മേ​യ​റും ഭ​ര​ണ​പ​ക്ഷ​വും കൂ​ട്ടു​നി​ല്‍ക്കു​ന്ന​ത്. അ​ജ​ണ്ട​യി​ല്‍പ്പോ​ലും ഉ​ള്‍പ്പെ​ടു​ത്താ​തെ ഷെ​ഡ് കൈ​മാ​റി​യ​തി​ന് പി​ന്നി​ല്‍ അ​ഴി​മ​തി​യാ​ണെ​ന്നും വി​യോ​ജ​ന​ക്കു​റി​പ്പ് ന​ൽ​കു​മെ​ന്നും പ്ര​തി​പ​ക്ഷം ചൂ​ണ്ടി​ക്കാ​ട്ടി. വി​ഷ​യ​ത്തി​ൽ സ​മ​ഗ്ര​മാ​യ അ​ന്വേ​ഷ​ണം വേ​ണ​മെ​ന്ന് പ്ര​തി​പ​ക്ഷ നേ​താ​വ് ആ​വ​ശ്യ​പ്പെ​ട്ടു.

എ​ന്നാ​ൽ, ബ്ര​ഹ്മ​പു​ര​ത്ത് വ​ൻ തീ​പി​ടി​ത്ത​മു​ണ്ടാ​യ​പ്പോ​ൾ മാ​ലി​ന്യ സം​സ്ക​ര​ണ ചു​മ​ത​ല​യു​ണ്ടാ​യി​രു​ന്ന സോ​ണ്ട ഇ​ൻ​ഫ്രാ​ടെ​കും ഇ​തേ ഷെ​ഡ് ത​ന്നെ​യാ​ണ് ഉ​പ​യോ​ഗി​ച്ചു​വ​ന്ന​തെ​ന്ന് മേ​യ​ർ എം. ​അ​നി​ൽ​കു​മാ​ർ വി​ശ​ദീ​ക​രി​ച്ചു. അ​വ​ർ വാ​ട​ക​യൊ​ന്നും ത​രാ​തെ​യാ​ണ് ഉ​പ​യോ​ഗി​ച്ച​ത്.

പു​തി​യ ക​മ്പ​നി​ക്ക് ഷെ​ഡ് ഉ​ണ്ടാ​ക്കാ​ൻ കാ​ല​താ​മ​സ​മു​ണ്ടാ​കും, എ​ന്നാ​ൽ ബ​യോ​മൈ​നി​ങി​നാ​ണ് പ​രി​ഗ​ണ​ന ന​ൽ​കേ​ണ്ട​ത്. ഭൂ​മി ഗ്രീ​ൻ എ​ന​ർ​ജി ക​മ്പ​നി പ്ര​തി​മാ​സം 75,000 രൂ​പ വാ​ട​ക​യാ​യി ന​ൽ​കാ​മെ​ന്ന് അ​റി​യി​ച്ചി​ട്ടു​ണ്ട്. എ​ന്നാ​ൽ, ഈ ​തു​ക മ​തി​യാ​വി​ല്ലെ​ന്നും 1.30 ല​ക്ഷം രൂ​പ പ്ര​തി​മാ​സം ന​ൽ​ക​ണ​മെ​ന്നു​മാ​ണ് നി​ല​വി​ൽ കോ​ർ​പ​റേ​ഷ​ൻ ആ​വ​ശ്യ​പ്പെ​ട്ടി​ട്ടു​ള്ള​ത്.

വെ​റു​തേ കി​ട​ക്കു​ന്ന​തി​നേ​ക്കാ​ൾ വാ​ട​ക​യി​ന​ത്തി​ൽ വ​രു​മാ​നം കി​ട്ടു​ന്ന​താ​ണ് ഉ​ചി​തം. വാ​ട​ക തു​ക സം​ബ​ന്ധി​ച്ച് കൗ​ൺ​സി​ലി​ൽ കൂ​ടി​യാ​ലോ​ചി​ച്ച് അ​ന്തി​മ തീ​രു​മാ​ന​മെ​ടു​ക്കാ​മെ​ന്നും മേ​യ​ർ കൂ​ട്ടി​ച്ചേ​ർ​ത്തു.

തെ​രു​വു​നാ​യെ പി​ടി​ക്കാ​നാ​ളു​ണ്ട്, വ​ണ്ടി​യി​ല്ല

കോ​ർ​പ​റേ​ഷ​ന്‍റെ വി​വി​ധ ഡി​വി​ഷ​നു​ക​ളി​ൽ തെ​രു​വു​നാ​യ് ശ​ല്യം രൂ​ക്ഷ​മാ​ണെ​ന്നും ഇ​തി​നെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്നും വി​വി​ധ കൗ​ൺ​സി​ല​ർ​മാ​ർ ആ​വ​ശ്യ​പ്പെ​ട്ടു. തെ​രു​വു​നാ​യ്ക്ക​ളെ പി​ടി​ക്കാ​ൻ കോ​ർ​പ​റേ​ഷ​ൻ ഏ​ർ​പ്പെ​ടു​ത്തി​യ പ്ര​ത്യേ​ക ടീ​മി​നു​ള്ള വാ​ഹ​നം ഒ​രു​മാ​സ​മാ​യി ക​ട്ട​പ്പു​റ​ത്താ​ണെ​ന്ന് പ​ല​രും ചൂ​ണ്ടി​ക്കാ​ട്ടി. ഓ​രോ ഡി​വി​ഷ​നി​ലെ​യും കൗ​ൺ​സി​ല​ർ​മാ​ർ വി​ളി​ക്കു​മ്പോ​ൾ ര​ണ്ടു​പേ​ര​ട​ങ്ങി​യ സം​ഘം വാ​ഹ​ന​വു​മാ​യി എ​ത്തി, അ​ക്ര​മാ​സ​ക്ത​നാ​യ തെ​രു​വു​നാ​യ​യെ പി​ടി​കൂ​ടി ബ്ര​ഹ്മ​പു​ര​ത്തെ എ.​ബി.​സി സെ​ന്‍റ​റി​ലേ​ത്തി​ച്ച് വ​ന്ധ്യം​ക​ര​ണം ന​ട​ത്തു​ക​യാ​ണ് ചെ​യ്യു​ന്ന​ത്. എ​ന്നാ​ൽ, വാ​ഹ​നം ത​ക​രാ​റി​ലാ​യ​തി​നാ​ൽ ഇ​വ​രു​ടെ സേ​വ​നം ല​ഭ്യ​മാ​വു​ന്നി​ല്ല. മ​നു ജേ​ക്ക​ബ്, എം.​ജി. അ​രി​സ്റ്റോ​ട്ടി​ൽ ഉ​ൾ​പ്പ​ടെ​യു​ള്ള​വ​രാ​ണ് തെ​രു​വു​നാ​യ വി​ഷ​യം ഉ​ന്ന​യി​ച്ച​ത്. വ​ണ്ടി ത​ക​രാ​റി​ൽ കി​ട​ക്കു​മ്പോ​ഴും തെ​രു​വു​നാ​യ്​ ശ​ല്യം രൂ​ക്ഷ​മാ​ണെ​ന്നും ഇ​ക്കാ​ര്യ​ത്തി​ൽ പ​ക​രം സം​വി​ധാ​നം കാ​ണ​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു.

വി​വി​ധ വാ​ർ​ഡു​ക​ളി​ലെ കു​ടി​വെ​ള്ള പ്ര​ശ്ന​വും കൗ​ൺ​സി​ലി​ൽ ച​ർ​ച്ച​യാ​യി. ഭ​ര​ണ​പ​ക്ഷ​ത്തെ സി.​എ. ഷ​ക്കീ​ർ, സു​നി​ത ഡി​ക്സ​ൺ, പ്ര​തി​പ​ക്ഷ അം​ഗം സു​ജ ലോ​ന​പ്പ​ൻ തു​ട​ങ്ങി​യ​വ​രാ​ണ് കു​ടി​വെ​ള്ളം കി​ട്ടാ​ത്ത​തി​ന്‍റെ ദു​രി​തം വ്യ​ക്ത​മാ​ക്കി​യ​ത്.