എ.പി.കെ ഫയലിലൂടെ പത്തുലക്ഷം തട്ടി; പ്രതിയെ യു.പിയിൽനിന്ന് പിടികൂടി മട്ടാഞ്ചേരി പൊലീസ്

കൊ​ച്ചി: മ​ട്ടാ​ഞ്ചേ​രി സ്വ​ദേ​ശി​യാ​യ വ്യ​വ​സാ​യി​യു​ടെ ഫോ​ണി​ലേ​ക്ക് വാ​ട്ട്സ്​ആപ്പ്​ സ​ന്ദേ​ശ​മാ​യി എ.​പി.​കെ ഫ​യ​ൽ (ആൻഡ്രോയ്​ഡ്​ പാക്കേജ്​ കിറ്റ്​) അ​യ​ച്ച് പ​ത്തു ല​ക്ഷം രൂ​പ ത​ട്ടി​യെ​ടു​ത്ത ഉ​ത്ത​ർ​പ്ര​ദേ​ശ് സ്വ​ദേ​ശി​യെ അ​വി​ടെ പോ​യി പി​ടി​കൂ​ടി പൊ​ലീ​സ്. ഉ​ത്ത​ർ പ്ര​ദേ​ശ് ഗ്രേ​റ്റ​ർ നോ​യി​ഡ​യി​ലെ ഫ്ലാ​റ്റി​ൽ താ​മ​സി​ക്കു​ന്ന ധീ​ര​ജ് ഗി​രി​യെ​യാ​ണ് (28) മ​ട്ടാ​ഞ്ചേ​രി പൊ​ലീ​സ് ദി​വ​സ​ങ്ങ​ളു​ടെ പ​രി​ശ്ര​മ​ത്തി​നൊ​ടു​വി​ൽ പി​ടി​കൂ​ടി കൊ​ച്ചി​യി​ലെ​ത്തി​ച്ച​ത്. ത​ട്ടി​പ്പു​മാ​യി ബ​ന്ധ​പ്പെ​ട്ട് ഒ​രാ​ൾ​കൂ​ടി പി​ടി​യി​ലാ​കാ​നു​ണ്ട്.

മു​ഹ​മ്മ​ദ് അ​ലി എ​ന്ന​യാ​ളു​ടെ പ​രാ​തി​യി​ലാ​ണ് ന​ട​പ​ടി. 2024 ഒ​ക്ടോ​ബ​ർ 31ന് ​രാ​ത്രി ഇ​ദ്ദേ​ഹ​ത്തി​ന്‍റെ വാ​ട്ട്സ​പ്പി​ലേ​ക്കെ​ത്തി​യ എ.​പി.​കെ ഫ​യ​ൽ ലി​ങ്ക് പ​രാ​തി​ക്കാ​ര​ന്‍റെ മ​ക​ൻ തു​റ​ന്നി​രു​ന്നു. രാ​വി​ലെ എ​ട്ടു​മ​ണി​യോ​ടെ ഇ​ദ്ദേ​ഹ​ത്തി​ന്‍റെ അ​ക്കൗ​ണ്ടി​ൽ നി​ന്ന് പ​ത്തു ല​ക്ഷം രൂ​പ ന​ഷ്ട​പ്പെ​ട്ടു. പ​രാ​തി​യു​ടെ അ​ടി​സ്ഥാ​ന​ത്തി​ൽ അ​ന്വേ​ഷ​ണം ആ​രം​ഭി​ച്ച പൊ​ലീ​സ് നീ​ണ്ട ശ്ര​മ​ങ്ങ​ൾ​ക്കൊ​ടു​വി​ലാ​ണ് പ്ര​തി​ക​ളെ ക​ണ്ടെ​ത്തി​യ​തെ​ന്ന്​ കൊ​ച്ചി ഡി.​സി.​പി ജു​വ​ന​പ്പു​ഡി മ​ഹേ​ഷ് വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു. സൈ​ബ​ർ സെ​ല്ലി​ന്‍റെ​യും സൈ​ബ​ർ ഡോ​മി​ന്‍റെ​യും ഇ​ന്ത്യ​ൻ സൈ​ബ​ർ ക്രൈം ​കോ ഓ​ർ​ഡി​നേ​ഷ​ൻ സെൻറ​റി​ന്‍റെ​യും സ​ഹാ​യ​ത്തോ​ടെ എ.​പി.​കെ ഫ​യ​ൽ ഉ​ണ്ടാ​ക്കി​യ​ത് ആ​രാ​ണെ​ന്ന് ക​ണ്ടെ​ത്തു​ക​യാ​യി​രു​ന്നു. ഗൂ​ഗി​ൾ ക​മ്പ​നി​യു​ടെ സ​ഹാ​യ​ത്തോ​ടെ ഫ​യ​ലു​ണ്ടാ​ക്കി​യ ആ​ളു​ടെ വി​വ​ര​ങ്ങ​ൾ ശ​രി​യാ​ണെ​ന്ന് ഉ​റ​പ്പു​വ​രു​ത്തി. ഗൂ​ഗ്ൾ ന​ൽ​കി​യ ഫോ​ൺ ന​മ്പ​ർ, ഇ​മെ​യി​ൽ ഐ.​ഡി, ഐ.​പി അ​ഡ്ര​സ് തു​ട​ങ്ങി​യ​വ കേ​ന്ദ്രീ​ക​രി​ച്ചാ​യി​രു​ന്നു അ​ന്വേ​ഷ​ണം. പ്ര​തി ബം​ഗ​ളു​രു​വി​ൽ 1.20 കോ​ടി​യു​ടെ ത​ട്ടി​പ്പ് ന​ട​ത്തി​യ​താ​യും വ്യ​ക്ത​മാ​യി.

പ്ര​തി​യു​ടെ വി​വ​ര​ങ്ങ​ൾ ല​ഭി​ച്ച​തോ​ടെ​യാ​ണ്​ എ​സ്.​ഐ ജി​മ്മി ജോ​സി​ന്‍റെ നേ​തൃ​ത്വ​ത്തി​ലു​ള്ള സം​ഘം നോ​യി​ഡ​യി​ലെ​ത്തി​യ​ത്. നോ​യി​ഡ​യി​ൽ 5000ത്തി​ലേ​റെ കു​ടും​ബ​ങ്ങ​ൾ താ​മ​സി​ക്കു​ന്ന എ​ക്കോ വി​ല്ലേ​ജ് എ​ന്ന വ​ലി​യ ഫ്ലാ​റ്റ് സ​മു​ച്ച​യ​ത്തി​ലാ​യി​രു​ന്നു പ്ര​തി ക​ഴി​ഞ്ഞി​രു​ന്ന​ത്. അ​തി​നാ​ൽ ക​​ണ്ടെ​ത്തു​ക പ്ര​യാ​സ​മാ​യി​രു​ന്നു. വാ​ഹ​ന ന​മ്പ​റും പാ​ർ​ക്കി​ങ് ഇ​ട​വും കേ​ന്ദ്രീ​ക​രി​ച്ച് ഫ്ലാ​റ്റി​ൽ അ​ഞ്ചു മ​ണി​ക്കൂ​റി​ലേ​റെ പ​രി​ശോ​ധ​ന ന​ട​ത്തി​യ​ണ് ധീ​ര​ജി​നെ ക​ണ്ടെ​ത്തി​യ​ത്. കൂ​ട്ടു​പ്ര​തി​യു​ടെ പേ​രി​ലാ​ണ് ബാ​ങ്ക് അ​ക്കൗ​ണ്ടു​ക​ളെ​ടു​ത്ത​തെ​ങ്കി​ലും എ​ല്ലാം ഇ​യാ​ൾ ത​ന്നെ​യാ​ണ് കൈ​കാ​ര്യം ചെ​യ്തി​രു​ന്ന​ത്. പി​ടി​കൂ​ടി​യാ​ലും പ​ണം തി​രി​കെ പി​ടി​ക്കാ​തി​രി​ക്കാ​ൻ ഏ​വി​യേ​റ്റ​ർ എ​ന്ന ഓ​ൺ​ലൈ​ൻ ഗെ​യി​മി​ലേ​ക്ക് പ​ണം നി​ക്ഷേ​പി​ച്ച്, ഈ ​പ​ണം പി​ന്നീ​ട് പി​ൻ​വ​ലി​ക്കു​ക​യാ​ണു​ണ്ടാ​യ​ത്. സീ​നി​യ​ർ സി.​പി.​ഒ​മാ​രാ​യ എ​ഡ്വി​ൻ റോ​സ്, സു​ബി​ത്ത് കു​മാ​ർ, ധ​നീ​ഷ്, സി.​പി.​ഒ ഫെ​ബി​ൻ എ​ന്നി​വ​ർ അ​ട​ങ്ങി​യ പ്ര​ത്യേ​ക അ​ന്വേ​ഷ​ണ​സം​ഘ​മാ​ണ് പ്ര​തി​യെ നോ​യി​ഡ​യി​ലെ​ത്തി പി​ടി​കൂ​ടി​യ​ത്. ഇ​യാ​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു.

ക്ലി​ക്ക് ചെ​യ്യ​രു​ത്, എ.​പി.​കെ ഫ​യ​ലി​ൽ

ന​ഗ​ര​ത്തി​ൽ സൈ​ബ​ർ കു​റ്റ​കൃ​ത്യ​ങ്ങ​ൾ വ​ർ​ധി​ക്കു​ന്ന​തി​ൽ മു​ന്ന​റി​യി​പ്പു​മാ​യി കൊ​ച്ചി സി​റ്റി പൊ​ലീ​സ്. അ​ടു​ത്തി​ടെ​യാ​യി നാ​ല് കേ​സു​ക​ളി​ലെ പ്ര​തി​ക​ളെ​യാ​ണ് കൊ​ച്ചി​യി​ലും സ​മീ​പ പ്ര​ദേ​ശ​ങ്ങ​ളി​ലു​മാ​യി പൊ​ലീ​സ് പി​ടി​കൂ​ടി​യ​ത്.

ല​ക്ഷ​ങ്ങ​ൾ ത​ട്ടി​പ്പു​കാ​രി​ൽ നി​ന്ന് പി​ടി​ച്ചെ​ടു​ത്ത​താ​യും പൊ​ലീ​സ് വ്യ​ക്ത​മാ​ക്കി. വാ​ട്ട്സ​്​ആപ്പി​ലും മ​റ്റും വ​രു​ന്ന എ.​പി.​കെ ഫ​യ​ൽ ക്ലി​ക് ചെ​യ്യു​ന്ന​തി​ലൂ​ടെ ത​ട്ടി​പ്പു​കാ​ർ​ക്ക് ഫോ​ണി​ലെ സ​ക​ല വി​വ​ര​ങ്ങ​ളും ബാ​ങ്ക് അ​ക്കൗ​ണ്ടി​ലെ പ​ണം ത​ട്ടി​യെ​ടു​ക്കാ​നു​ള്ള സൗ​ക​ര്യ​വും ഒ​രു​ക്കി ന​ൽ​കു​ക​യാ​ണ് ചെ​യ്യു​ന്ന​തെ​ന്ന് ഡി.​സി.​പി മു​ന്ന​റി​യി​പ്പ് ന​ൽ​കി. സൈ​ബ​ർ ത​ട്ടി​പ്പു​ക​ൾ​ക്കി​ര​യാ​യാ​ൽ ഉ​ട​ന​ടി പ​രാ​തി ന​ൽ​ക​ണ​മെ​ന്നും ജു​വ​ന​പ്പു​ഡി മ​ഹേ​ഷ് വ്യ​ക്ത​മാ​ക്കി.