മാലിന്യം തള്ളിയതിന്​ ഒരു ലക്ഷം രൂപ പിഴ

മൂ​വാ​റ്റു​പു​ഴ: ഉ​ന്ന​ക്കു​പ്പ​യി​ൽ എം.​സി റോ​ഡ​രി​കി​ൽ മാ​ലി​ന്യം ത​ള്ളി​യ ആ​ൾ​ക്ക് ഒ​രു ല​ക്ഷം രൂ​പ പി​ഴ​യീ​ടാ​ക്കി മാ​റാ​ടി ഗ്രാ​മ​പ​ഞ്ചാ​യ​ത്ത്. മൂ​വാ​റ്റു​പു​ഴ മാ​ർ​ക്ക​റ്റി​ൽ​നി​ന്നു​ള്ള പ​ച്ച​ക്ക​റി വേ​സ്റ്റും ഭ​ക്ഷ​ണാ​വ​ശി​ഷ്ട​ങ്ങ​ളും അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളു​ടെ അ​ടി​വ​സ്ത്ര​മ​ട​ക്കം 31 ചാ​ക്കി​ലാ​യി മാ​ലി​ന്യം കൊ​ണ്ടു​വ​ന്നാ​ണ്​ ക​ഴി​ഞ്ഞ​രാ​ത്രി ത​ള്ളി​യ​ത്.

നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് വാ​ർ​ഡ്​ അം​ഗം ര​തീ​ഷ് ച​ങ്ങാ​ലി​മ​റ്റം, പ​ഞ്ചാ​യ​ത്ത് സെ​ക്ര​ട്ട​റി ലി​ജോ ജോ​ൺ, ഹ​രി​ത​ക​ർ​മ സേ​ന അം​ഗ​ങ്ങ​ൾ എ​ന്നി​വ​ർ ന​ട​ത്തി​യ പ​രി​ശോ​ധ​ന​യി​ലാ​ണ് മാ​ലി​ന്യം ത​ള്ളി​യ​വ​രെ ക​ണ്ടെ​ത്തി​യ​ത്. ഈ​സ്റ്റ്‌ മാ​റാ​ടി ഉ​ന്ന​കു​പ്പ​യി​ൽ ശു​ചി​മു​റി മാ​ലി​ന്യം ത​ള്ളി​യ വ​ണ്ടി ക​സ്റ്റ​ഡി​യി​ൽ എ​ടു​ക്കു​ക​യും കേ​സ് എ​ടു​ക്കു​ക​യും ചെ​യ്​​തു. കാ​യ​നാ​ട് പാ​ടം മ​ലി​ന​മാ​ക്കി​യ പ​ന്നി ഫാം ​ഉ​ട​മ​യി​ൽ​നി​ന്ന് 50,000 രൂ​പ ഈ​ടാ​ക്കി.

കാ​യ​നാ​ട് ഗ്രൗ​ണ്ടി​ന് സ​മീ​പം മാ​ലി​ന്യം ത​ള്ളി​യ അ​ധ്യാ​പി​ക​ക്കെ​തി​രെ മൂ​വാ​റ്റു​പു​ഴ ജു​ഡീ​ഷ്യ​ൽ ഫ​സ്റ്റ് ക്ലാ​സ് മാ​ജി​സ്‌​ട്രേ​റ്റ് മു​മ്പാ​കെ കേ​സ് ഫ​യ​ൽ ചെ​യ്​​തു. മാ​റാ​ടി ഗ്രാ​മ​പ​ഞ്ചാ​യ​ത്ത് സ​മ്പൂ​ർ​ണ മാ​ലി​ന്യ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി പ​ഞ്ചാ​യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ എ​ൻ​ഫോ​ഴ്സ്മെ​ന്റ് സ്ക്വാ​ഡ് ന​ട​ത്തി​യ പ​രി​ശോ​ധ​ന​യി​ൽ ക​ണ്ടെ​ത്തി​യ നി​യ​മ ലം​ഘ​ന​ങ്ങ​ളി​ൽ നി​ന്നും, കൂ​ടാ​തെ പ​ഞ്ചാ​യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ പ്ലാ​സ്റ്റി​ക് മാ​ലി​ന്യം ഉ​ൾ​പ്പെ​ടെ തരം ​തി​രി​ക്കാ​തെ നി​ക്ഷേ​പി​ച്ച​വ​ർ​ക്കെ​തി​രെ പി​ഴ ചു​മ​ത്തി​യ​തും ഉ​ൾ​പ്പെ​ടെ 4,60,000 രൂ​പ പി​ഴ​യീ​ടാ മാ​ലി​ന്യ നി​ക്ഷേ​പി​ച്ച ഹോ​ട്ട​ൽ ഉ​ട​മ​യി​ൽ​നി​ന്ന് 50,000 പി​ഴ ഈ​ടാ​ക്കി.

മാ​ലി​ന്യം നി​ക്ഷേ​പി​ക്കു​ന്ന​വ​ർ​ക്കെ​തി​രെ​യും പ്ലാ​സ്റ്റി​ക് ത​രം​തി​രി​ച്ച് ഹ​രി​ത​ക​ർ​മ സേ​ന​യ്ക്ക് യൂ​സ​ർ ഫീ ​ന​ൽ​കി കൈ​മാ​റാ​ത്ത​വ​ർ​ക്കെ​തി​രെ​യും പ​ഞ്ചാ​യ​ത്ത് ക​ർ​ശ​ന ന​ട​പ​ടി​ക​ളെ​ടു​ക്കു​ന്നു​ണ്ട്. പ​ഞ്ചാ​യ​ത്തി​ന്റെ വി​വി​ധ സ്ഥ​ല​ങ്ങ​ളി​ൽ 18 എ.​ഐ നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ചു.​ മാ​ലി​ന്യം ത​ള്ളു​ന്ന​വ​ർ​ക്കെ​തി​രെ ശ​ക്ത​മാ​യ ന​ട​പ​ടി എ​ടു​ക്കു​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ്​ ഒ.​പി. ബേ​ബി പ​റ​ഞ്ഞു.