പനയക്കടവ്-പുത്തൻതോട്ടിൽ ജലമൊഴുക്കില്ല; നവീകരണത്തിന് മുറവിളി ഉയരുന്നു

ചെ​ങ്ങ​മ​നാ​ട്: ചെ​ങ്ങ​മ​നാ​ട് ന​മ്പ​ർ വ​ൺ ലി​ഫ്റ്റ് ഇ​റി​ഗേ​ഷ​ൻ പ​ദ്ധ​തി​യു​ടെ ഭാ​ഗ​മാ​യ പ​ന​യ​ക്ക​ട​വ്-​പു​ത്ത​ൻ​തോ​ട് ഇ​റി​ഗേ​ഷ​ൻ ക​നാ​ലി​ലൂ​ടെ ജ​ല​മൊ​ഴു​ക്ക് സു​ഗ​മ​മ​ല്ലാ​ത്ത​തി​നാ​ൽ പ​മ്പി​ങ് കാ​ര്യ​ക്ഷ​മ​മ​ല്ലെ​ന്ന്​ ആ​ക്ഷേ​പം.

വ​ശ​ങ്ങ​ളി​ൽ കാ​ടു​മൂ​ടു​ക​യും തീ​ര​ങ്ങ​ൾ ഇ​ടി​ഞ്ഞ് മ​ണ്ണും പാ​യ​ലും മു​ള്ള​ൻ​ച​ണ്ടി​യും നി​റ​ഞ്ഞു​മാ​ണ് തോ​ട്ടി​ൽ ഒ​ഴു​ക്ക് നി​ല​ച്ച​ത്. പു​ത്ത​ൻ​തോ​ട് പ​മ്പ് ഹൗ​സി​ലെ കു​ള​ത്തി​ലേ​ക്കു​ള്ള വെ​ള്ള​മൊ​ഴു​ക്കി​ന് ത​ട​സ്സ​മു​ള്ള​തി​നാ​ലാ​ണ് പ​മ്പി​ങ് കാ​ര്യ​ക്ഷ​മ​മ​ല്ലാ​ത്ത​ത്. അ​തി​നാ​ൽ കു​റു​പ്പ​ന​യം പ്ര​ദേ​ശ​മ​ട​ക്കം ഏ​ക്ക​റു​ക​ണ​ക്കി​ന് നെ​ൽ​കൃ​ഷി​ക​ളെ അ​ട​ക്കം സാ​ര​മാ​യി ബാ​ധി​ച്ച​താ​യി ക​ർ​ഷ​ക​ർ ചൂ​ണ്ടി​ക്കാ​ട്ടു​ന്നു.

പെ​രി​യാ​റി​ന്‍റെ കൈ​വ​ഴി​യു​ടെ ഭാ​ഗ​മാ​ണ് പാ​നാ​യി​ത്തോ​ട്. ഇ​വി​ടെ നി​ന്നാ​ണ് ജ​ല​മൊ​ഴു​കു​ന്ന​ത്. പ​ണ്ട് ഒ​രേ​സ​മ​യം മ​ണ്ണ് ക​യ​റ്റി​യ മൂ​ന്ന് ഭീ​മ​ൻ വ​ള്ള​ങ്ങ​ൾ സ​ഞ്ച​രി​ച്ചി​രു​ന്ന തോ​ടാ​ണ് കൈ​യേ​റ്റ​വും സം​ര​ക്ഷ​ണ​വും ഇ​ല്ലാ​തെ നാ​ശ​ത്തി​ലാ​യ​ത്.

അ​തി​നി​ടെ​യാ​ണ് തോ​ടി​ന് കു​റു​കെ പ​ന​യ​ക്ക​ട​വ് പാ​ല​വും നി​ർ​മി​ച്ച​ത്. പ​ന​യ​ക്ക​ട​വ്-​പു​ത്ത​ൻ​തോ​ട് ക​നാ​ൽ ശു​ചീ​ക​ര​ണ​ത്തി​ന് കാ​ല​ങ്ങ​ളാ​യി കേ​ന്ദ്ര, സം​സ്ഥാ​ന, ജി​ല്ല, ബ്ലോ​ക്ക്, ഗ്രാ​മ​പ​ഞ്ചാ​യ​ത്ത് പ​ദ്ധ​തി​ക​ളി​ല​ട​ക്കം ഉ​ൾ​പ്പെ​ടു​ത്തി ശു​ചീ​ക​രി​ച്ചെ​ങ്കി​ലും ശാ​ശ്വ​ത പ​രി​ഹാ​ര​മാ​യി​ല്ല. ഏ​താ​നും വ​ർ​ഷം മു​മ്പ് പാ​റ​ക്ക​ട​വ് ബ്ലോ​ക്ക് പ​ഞ്ചാ​യ​ത്ത്​ അം​ഗം അ​ഡ്വ. ടി.​എ. ഇ​ബ്രാ​ഹിം​കു​ട്ടി മു​ൻ​കൈ​യെ​ടു​ത്ത് കേ​ന്ദ്രാ​വി​ഷ്കൃ​ത നീ​ർ​ത്ത​ട പ​ദ്ധ​തി​യി​ൽ ഉ​ൾ​പ്പെ​ടു​ത്തി മ​ണ്ണ് നീ​ക്കി, ആ​ഴ​വും വീ​തി​യും കൂ​ട്ടി തോ​ട് ന​വീ​ക​രി​ക്കു​ക​യും മ​ഹാ​ത്മാ​ഗാ​ന്ധി തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി വ​ശ​ങ്ങ​ളി​ൽ മ​ണ്ണി​ട്ടു​റ​പ്പാ​ക്കി രാ​മ​ച്ചം വെ​ച്ചു​പി​ടി​പ്പി​ക്കു​ക​യും ചെ​യ്തി​രു​ന്നു. ഇ​തേ തു​ട​ർ​ന്ന് പ്ര​ഭാ​ത, സാ​യാ​ഹ്ന സ​വാ​രി​ക്കാ​ർ​ക്കും പ്ര​ദേ​ശ​വാ​സി​ക​ൾ​ക്കും പു​ത്ത​ൻ​തോ​ട് ഭാ​ഗ​ത്തേ​ക്ക് എ​ളു​പ്പ​ത്തി​ലെ​ത്താ​നും സ​ഹാ​യ​ക​മാ​യി​രു​ന്നു​വെ​ങ്കി​ലും തു​ട​ർ സം​ര​ക്ഷ​ണ​മോ, കാ​ലാ​കാ​ല​ങ്ങ​ളി​ലു​ള്ള സം​ര​ക്ഷ​ണ​മോ, ന​വീ​ക​ര​ണ​മോ ഏ​ർ​പ്പെ​ടു​ത്താ​തി​രു​ന്ന​തു​മാ​ണ് തോ​ട് പ്ര​യോ​ജ​ന​ര​ഹി​ത​മാ​യ അ​വ​സ്ഥ​യി​ലാ​കാ​ൻ കാ​ര​ണ​മാ​യ​തെ​ന്നാ​ണ് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്ന​ത്.