ദേശീയപാത നിർമാണം; ഗതാഗതക്കുരുക്കും അപകടങ്ങളും വർധിക്കുന്നു

പ​റ​വൂ​ർ: ദേ​ശീ​യ​പാ​ത 66 ആ​റ് വ​രി പാ​ത​യു​ടെ നി​ർ​മാ​ണ​വു​മാ​യി ബ​ന്ധ​പ്പെ​ട്ട ജോ​ലി​ക​ൾ ന​ട​ക്കു​ന്ന​തി​നാ​ൽ നി​ല​വി​ലെ പാ​ത​യി​ൽ ഗ​താ​ഗ​ത​ക്കു​രു​ക്കും അ​പ​ക​ട​ങ്ങ​ളും വ​ർ​ധി​ക്കു​ന്നു. മൂ​ത്ത​കു​ന്നം മു​ത​ൽ ഇ​ട​പ്പ​ള്ളി വ​രെ 24 കി​ലോ​മീ​റ്റ​റോ​ളം റോ​ഡാ​ണ് 45 മീ​റ്റ​ർ വീ​തി​യി​ൽ വി​ക​സി​പ്പി​ക്കു​ന്ന​ത്.

മൂ​ത്ത​കു​ന്നം മു​ത​ൽ വ​ഴി​ക്കു​ള​ങ്ങ​ര വ​രെ ബൈ​പാ​സ് റോ​ഡി​ന്‍റെ നി​ർ​മാ​ണ പ്ര​വൃ​ത്തി​ക​ൾ മ​ഴ കു​റ​ഞ്ഞ​തോ​ടെ ദ്രു​ത ഗ​തി​യി​ൽ ന​ട​ക്കു​ക​യാ​ണ്. നി​ർ​മാ​ണ ക​മ്പ​നി​ക​ളു​ടെ നി​ര​വ​ധി വാ​ഹ​ന​ങ്ങ​ളാ​ണ് പ​ദ്ധ​തി പ്ര​ദേ​ശ​ത്ത് ഓ​ടു​ന്ന​ത്. ഇ​തി​ന് പു​റ​മെ വീ​തി കു​റ​ഞ്ഞ നി​ല​വി​ലെ പാ​ത​യി​ലൂ​ടെ നൂ​റു​ക​ണ​ക്കി​ന് ക​ണ്ടെ​യ്ന​ർ ലോ​റി​ക​ളും പെ​ട്രോ​ൾ ഉ​ൽ​പ​ന്ന​ങ്ങ​ൾ ക​യ​റ്റി​യ വ​ലി​യ ടാ​ങ്ക​റു​ക​ളും രാ​പ്പ​ക​ൽ ക​ട​ന്നു പോ​കു​ന്നു.

ഇ​വ​യു​ടെ പ​ക​ൽ സ​ഞ്ചാ​രം നി​രോ​ധി​ക്ക​ണ​മെ​ന്ന ചെ​റു​കി​ട വാ​ഹ​ന ഉ​ട​മ​ക​ളു​ടെ ആ​വ​ശ്യം അം​ഗീ​ക​രി​ക്ക​പ്പെ​ട്ടി​ട്ടി​ല്ല. വ​ട​ക്ക​ൻ ജി​ല്ല​ക​ളി​ലെ ച​ര​ക്ക് വാ​ഹ​ന​ങ്ങ​ൾ ടോ​ൾ ഒ​ഴി​വാ​ക്കാ​ൻ ഇ​തു​വ​രെ ക​ട​ന്നു പോ​കു​ന്ന​തും ഗ​താ​ഗ​ത​ക്കു​രു​ക്കി​നും അ​പ​ക​ട​ങ്ങ​ൾ​ക്കും കാ​ര​ണ​മാ​കു​ന്നു​ണ്ട്. ദേ​ശീ​യ​പാ​ത​യി​ൽ മൂ​ത്ത​കു​ന്നം ഭാ​ഗ​ത്ത് ഒ​രാ​ഴ്ച​ക്ക​കം വാ​ഹ​ന അ​പ​ക​ട​ങ്ങ​ളി​ൽ മൂ​ന്നു പേ​രാ​ണ് മ​രി​ച്ച​ത്. ത​ല​ങ്ങും വി​ല​ങ്ങു​മു​ള്ള ദേ​ശീ​യ​പാ​ത നി​ർ​മാ​ണ ക​മ്പ​നി വാ​ഹ​ന​ങ്ങ​ളു​ടെ ഓ​ട്ടം മ​റ്റ് വാ​ഹ​ന​ങ്ങ​ൾ​ക്ക് ഭീ​തി ഉ​യ​ർ​ത്തു​ന്ന നി​ല​യി​ലാ​ണ്. ഇ​ത​ര സം​സ്ഥാ​ന ഡ്രൈ​വ​ർ​മാ​രാ​ണ് വാ​ഹ​ന​ങ്ങ​ൾ ഓ​ടി​ക്കു​ന്ന​ത്.

പെ​രു​വാ​രം വ​ള​വി​ൽ ഇ​വ​രു​ടെ വ​ണ്ടി​യി​ൽ നി​ന്ന് ച​ളി ഉ​തി​ർ​ന്നു വീ​ണ് റോ​ഡ് ചെ​ളി​മ​യ​മാ​യി. ച​ളി​യി​ൽ തെ​ന്നി വാ​ഹ​ന​ങ്ങ​ളു​ടെ നി​യ​ന്ത്ര​ണം തെ​റ്റി അ​പ​ക​ട സാ​ധ്യ​ത വ​ർ​ധി​ച്ച​പ്പോ​ൾ നാ​ട്ടു​കാ​ർ അ​ഗ്നി​ര​ക്ഷാ സേ​ന​യെ വി​ളി​ച്ചു വ​രു​ത്തി. അ​വ​ർ വെ​ള്ളം പ​മ്പ് ചെ​യ്ത് ച​ളി ക​ഴു​കി​ക്ക​ള​ഞ്ഞ​തി​നാ​ൽ മ​റ്റ് അ​പ​ക​ട​ങ്ങ​ളൊ​ന്നും ഉ​ണ്ടാ​യി​ല്ല.