യാത്രക്കിടെ കുഴഞ്ഞുവീണയാൾക്ക്​ തുണയായി ‘മലയാളീസ്​’

അ​രൂ​ർ: കു​ഴ​ഞ്ഞു​വീ​ണ യാ​ത്ര​ക്കാ​ര​ന്​ തു​ണ​യാ​യി സ്വ​കാ​ര്യ​ബ​സ്​ ജീ​വ​ന​ക്കാ​ർ. തി​ര​ക്കേ​റി​യ ട്രി​പ്പി​ല്‍ കു​ഴ​ഞ്ഞു​വീ​ണ യാ​ത്ര​ക്കാ​ര​ന്‍റെ ജീ​വ​ന്‍ ര​ക്ഷി​ക്കാ​ന്‍ ആ​ശു​പ​ത്രി​യി​ലേ​ക്ക് ബ​സു​മാ​യി കു​തി​ച്ച ‘മ​ല​യാ​ളീ​സ്’ എ​ന്ന ബ​സി​ലെ ജീ​വ​ന​ക്കാ​ര്‍ സ്വ​ന്തം ജീ​വി​ത​മ​ല്ല, ജീ​വ​നാ​ണ് വ​ലു​തെ​ന്ന് തെ​ളി​യി​ച്ചു. കോ​ടം​തു​രു​ത്ത് ഗ്രാ​മ​പ​ഞ്ചാ​യ​ത്ത് 15ാം വാ​ര്‍ഡ് എ​ഴു​പു​ന്ന മാ​റേ​ത്ത് നി​ക​ര്‍ത്ത് സു​രേ​ന്ദ്ര​നാ​ണ്​ (59) ര​ക്ത​ത്തി​ൽ പ​ഞ്ച​സാ​ര​യു​ടെ അ​ള​വ്​ കു​റ​ഞ്ഞ​തി​നെ തു​ട​ര്‍ന്ന് ബ​സി​ല്‍ കു​ഴ​ഞ്ഞു​വീ​ണ​ത്. ചേ​ര്‍ത്ത​ല​യി​ല്‍നി​ന്ന് എ​റ​ണാ​കു​ള​ത്തി​നു​പോ​യ ബ​സി​ല്‍ രാ​വി​ലെ 7.10നാ​യി​രു​ന്നു സം​ഭ​വം.

പി.​എ​സ് ക​വ​ല​യി​ല്‍നി​ന്ന് ക​യ​റി വൈ​റ്റി​ല​ക്ക് ടി​ക്ക​റ്റെ​ടു​ത്ത സു​രേ​ന്ദ്ര​ന്‍ എ​ഴു​പു​ന്ന എ​ത്തി​യ​പ്പോ​ഴാ​ണ് കു​ഴ​ഞ്ഞു​വീ​ണ​ത്. യാ​ത്ര​ക്കാ​ര​ട​ക്കം പ​രി​ഭ്ര​മി​ച്ച​പ്പോ​ള്‍ ബ​സ് ജീ​വ​ന​ക്കാ​ര്‍ ഉ​ട​ന്‍ യാ​ത്ര​ക്കാ​ര​നെ എ​ര​മ​ല്ലൂ​രി​ലെ പു​ന്ന​പ്പു​ഴ ന​ഴ്‌​സി​ങ് ഹോ​മി​ലെ​ത്തി​ച്ചു. അ​വി​ടെ നി​ന്ന്​ പ​രി​ശോ​ധ​ന​ക്കു​ശേ​ഷം ഇ​യാ​ളെ എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ലേ​ക്ക് മാ​റ്റി. ന​ഴ്​​സി​ങ് ഹോ​മി​ലെ പ​രി​ശോ​ധ​ന ക​ഴി​യും വ​രെ യാ​ത്ര​ക്കാ​രെ കാ​ര്യ​ങ്ങ​ള്‍ ബോ​ധി​പ്പി​ച്ച ഡ്രൈ​വ​ര്‍ സു​മേ​ഷ്, ക​ണ്ട​ക്ട​ര്‍ ശ്രീ​ജി​ത്ത്, ജീ​വ​ന​ക്കാ​ര​ൻ സ​ജീ​ഷ് (ജീ​മോ​ന്‍) എ​ന്നി​വ​ര്‍ ഒ​പ്പം നി​ന്നു.

തു​ട​ര്‍ന്ന് വി​ദ​ഗ്ധ ചി​കി​ത്സ​ക്ക്​ രോ​ഗി​യെ എ​റ​ണാ​കു​ള​ത്തി​ന് ആം​ബു​ല​ന്‍സി​ല്‍ ക​യ​റ്റി​വി​ട്ട​ശേ​ഷ​മാ​ണ് യാ​ത്ര​ക്കാ​രു​മാ​യി സ്വ​കാ​ര്യ​ബ​സ് യാ​ത്ര തു​ട​ര്‍ന്ന​ത്. ഒ​രു​ദി​വ​സ​ത്തെ നി​രീ​ക്ഷ​ണ​ത്തി​നു​ശേ​ഷം സു​രേ​ന്ദ്ര​നെ ശ​നി​യാ​ഴ്ച ആ​ശു​പ​ത്രി​യി​ല്‍നി​ന്ന് ഡി​സ്ചാ​ര്‍ജ് ചെ​യ്യു​മെ​ന്ന് ഡോ​ക്ട​ര്‍ അ​റി​യി​ച്ച​താ​യി മ​ക​ള്‍ പ​റ​ഞ്ഞു.