എട മോനേ! പ്രചാരണം കാണണേൽ ഓൺലൈനിലേക്ക് വാ...

കൊ​ച്ചി: തി​ള​ച്ചു​മ​റി​യു​ന്ന ന​ട്ടു​ച്ച​വെ​യി​ലി​ൽ സ്ഥാ​നാ​ർ​ഥി​യും സം​ഘ​വും പ്ര​ചാ​ര​ണ ചൂ​ടി​ല​മ​രു​മ്പോ​ൾ, സ​മൂ​ഹ​മാ​ധ്യ​മ​ങ്ങ​ളി​ലും തെ​ര​ഞ്ഞെ​ടു​പ്പി​ന്‍റെ ചൂ​ട് നി​മി​ഷം​പ്ര​തി​യെ​ന്നോ​ണം കൂ​ടി വ​രു​ക​യാ​ണ്. പ്ര​ചാ​ര​ണ​വും പ്ര​വ​ർ​ത്ത​ന​വും നാ​ട്ടി​ൽ മാ​ത്ര​മ​ല്ല, ന​വ​മാ​ധ്യ​മ​ങ്ങ​ളി​ലെ ന​ല്ലൊ​രു ശ​ത​മാ​നം വ​രു​ന്ന വോ​ട്ട​ർ​മാ​രി​ലേ​ക്കെ​ത്തി​ക്കാ​ൻ പൂ​ഴി​ക്ക​ട​ക​ൻ ത​ന്ത്ര​ങ്ങ​ൾ പ​ല​തും ഓ​ൺ​ലൈ​ൻ യു​ദ്ധ​ഭൂ​മി​യി​ലെ ഭ​ട​ൻ​മാ​ർ പു​റ​ത്തെ​ടു​ക്കും.

പ്ര​ചാ​ര​ണ​ത്തി​ലെ സു​ന്ദ​ര​മു​ഹൂ​ർ​ത്ത​ങ്ങ​ൾ ചേ​ർ​ത്തു​വെ​ച്ച് ആ​വേ​ശം പ​ക​രു​ന്ന ബി.​ജി.​എം മി​ക്സ് ചെ​യ്ത് റീ​ൽ​സ് ഉ​ണ്ടാ​ക്കു​ക, ആ​രു​ക​ണ്ടാ​ലും ഒ​ന്നു​കൂ​ടി നോ​ക്കി​പ്പോ​വു​ന്ന പോ​സ്റ്റ​ർ ത​യാ​റാ​ക്കു​ക, സ്ഥാ​നാ​ർ​ഥി​ക്കൊ​പ്പം എ​പ്പോ​ഴും യാ​ത്ര ചെ​യ്യു​ക, ജ​ന​ഹൃ​ദ​യ​ങ്ങ​ളി​ലെ സ്പ​ന്ദ​ന​ങ്ങ​ൾ​ക്ക​നു​സ​രി​ച്ച് സ​മൂ​ഹ​മാ​ധ്യ​മ ക​ണ്ട​ന്‍റു​ക​ൾ ഒ​രു​ക്കു​ക.

ഇ​ങ്ങ​നെ നി​ന്നു​തി​രി​യാ​ൻ ഇ​ട​മി​ല്ലാ​ത്ത തി​ര​ക്കാ​ണ് ന​വ​മാ​ധ്യ​മ അ​ങ്ക​ക്ക​ള​ത്തി​ലെ പോ​രാ​ളി​ക​ൾ​ക്ക്. ഓ​ൺ​ലൈ​ൻ തെ​ര​ഞ്ഞെ​ടു​പ്പു​ക​ളം കാ​ണു​മ്പോ​ൾ ത​ന്നെ ഒ​രു പ്ര​ത്യേ​ക വൈ​ബ് ആ​ണ​ല്ലോ​യെ​ന്ന് ആ​രു​മൊ​ന്ന് പ​റ​ഞ്ഞു​പോ​കും.

ഷൈ​ൻ ഇ​വി​ടെ ‘സൂ​പ്പ​ർ ഷൈ​നി​ങ്’

സ്ഥാ​നാ​ർ​ഥി പ്ര​ഖ്യാ​പ​ന വേ​ള​യി​ൽ മ​ണ്ഡ​ല​ത്തി​ലെ മി​ക്ക​വ​ർ​ക്കും പു​തു​മു​ഖ​മാ​യി​രു​ന്ന കെ.​ജെ. ഷൈ​നി​ന്‍റെ മു​ഖം കൂ​ടു​ത​ൽ ജ​ന​ഹൃ​ദ​യ​ങ്ങ​ളി​ലെ​ത്തി​ക്കു​ന്ന​തി​ൽ വ​ലി​യ പ​ങ്കാ​ണ് മു​ന്ന​ണി​യു​ടെ സൈ​ബ​ർ ടീം ​വ​ഹി​ച്ചി​ട്ടു​ള്ള​ത്. ഇ​വ​രു​ടെ പേ​രി​ൽ ഒ​ഫീ​ഷ്യ​ൽ പേ​ജ് തു​ട​ങ്ങി ചു​രു​ങ്ങി​യ ദി​വ​സം​കൊ​ണ്ട് കാ​ൽ​ല​ക്ഷ​ത്തോ​ളം ഫോ​ളോ​വേ​ഴ്സു​ള്ള പേ​ജാ​ക്കി മാ​റ്റാ​ൻ സി.​പി.​എ​മ്മി​ന്‍റെ പ്രാ​ദേ​ശി​ക നെ​റ്റ് വ​ർ​ക്കി​ന്‍റെ സ​ഹാ​യ​ത്തോ​ടെ സാ​ധി​ച്ചു.

റീ​ൽ​സ്, ഹി​റ്റാ​യ സി​നി​മ പോ​സ്റ്റ​റു​ക​ൾ റി​ക്രി​യേ​റ്റ് ചെ​യ്തു​കൊ​ണ്ടു​ള്ള സോ​ഷ്യ​ൽ മീ​ഡി​യ പോ​സ്റ്റ​ർ, കു​റി​ക്കു​കൊ​ള്ളു​ന്ന ക്യാ​ച്ച് വേ​ർ​ഡു​ക​ൾ, സു​ന്ദ​ര​ചി​ത്ര​ങ്ങ​ൾ ഇ​തെ​ല്ലാ​മാ​ണ് പ​ങ്കു​വെ​ക്കു​ന്ന​ത്. ഫോ​ട്ടോ​ഗ്രാ​ഫ​ർ, വി​ഡി​യോ​ഗ്രാ​ഫ​ർ, എ​ഡി​റ്റ​ർ ഉ​ൾ​പ്പെ​ടെ അ​ഞ്ചു പേ​ര​ട​ങ്ങു​ന്ന ടീ​മാ​ണ് എ​ൽ.​ഡി.​എ​ഫ് സ്ഥാ​നാ​ർ​ഥി കെ.​ജെ. ഷൈ​നി​നു​വേ​ണ്ടി സൈ​ബ​ർ അ​ങ്ക​ത്ത​ട്ടി​ൽ പോ​രി​നു​ള്ള​ത്. സി.​പി.​എം ജി​ല്ല ക​മ്മി​റ്റി സ​മൂ​ഹ​മാ​ധ്യ​മ ക​ൺ​വീ​ന​ർ നി​ഷ അ​ജി​ത്താ​ണ് സം​ഘ​ത്തെ ന​യി​ക്കു​ന്ന​ത്.

ഒ​രു സൈ​ബ​ർ വാ​ർ റൂം ​സെ​റ്റ​പ്പി​ൽ ഒ​ന്നു​മ​ല്ല പ്ര​വ​ർ​ത്തി​ക്കു​ന്ന​തെ​ങ്കി​ലും നി​ര​വ​ധി പേ​രി​ലേ​ക്ക് ഇ​ട​തു സ്ഥാ​നാ​ർ​ഥി​യെ പ​രി​ച​യ​പ്പെ​ടു​ത്താ​നും ഇ​തി​ന​കം നി​ര​വ​ധി വൈ​റ​ൽ പോ​സ്റ്റ​റു​ക​ളും റീ​ലു​ക​ളും സൃ​ഷ്ടി​ക്കാ​നു​മാ​യ​തി​ന്‍റെ സ​ന്തോ​ഷ​ത്തി​ലാ​ണ് ഇ​വ​രു​ടെ ടീം. ​ഇ​നി​യു​ള്ള ദി​വ​സ​ങ്ങ​ൾ പ്ര​ധാ​ന​പ്പെ​ട്ട​താ​യ​തി​നാ​ൽ കൂ​ടു​ത​ൽ ആ​ളു​ക​ളി​ലേ​ക്കെ​ത്തു​ന്ന ത​ര​ത്തി​ലു​ള്ള ക​ണ്ട​ന്‍റു​ക​ൾ ത​യാ​റാ​ക്കു​ക​യാ​ണ് ല​ക്ഷ്യം.

സൈ​ബ​ർ പ​ടന​യി​ച്ച് ഹൈ​ബി​യു​ടെ സ്വ​ന്തം അ​ന്ന

യു.​ഡി.​എ​ഫ് സ്ഥാ​നാ​ർ​ഥി ഹൈ​ബി ഈ​ഡ​ന്‍റെ ന​വ​മാ​ധ്യ​മ പ്ര​ചാ​ര​ണ​ത്തി​നും വോ​ട്ടു​തേ​ട​ലി​നും പ്ര​ത്യേ​ക​ത​യു​ണ്ട്, എ​ല്ലാ​ത്തി​നും ചു​ക്കാ​ൻ പി​ടി​ക്കു​ന്ന​ത് ഭാ​ര്യ അ​ന്ന ലി​ൻ​ഡ ഈ​ഡ​നാ​ണ്. അ​തു​കൊ​ണ്ടു​ത​ന്നെ സ്ഥാ​നാ​ർ​ഥി​യു​ടെ മ​ന​സ്സ​റി​ഞ്ഞു​ള്ള പ്ര​ചാ​ര​ണ​മാ​ണ് ന​വ​മാ​ധ്യ​മ ഇ​ട​ങ്ങ​ളി​ൽ കാ​ണാ​നാ​കു​ക. പോ​സ്റ്റ​റു​ക​ളാ​യും മ​റ്റും സ്ഥാ​നാ​ർ​ഥി പ്ര​ഖ്യാ​പ​ന​ത്തി​നും ഏ​റെ മു​മ്പു​ത​ന്നെ അ​ന്ന സോ​ഷ്യ​ൽ മീ​ഡി​യ വോ​ട്ട​ർ​മാ​രെ കൈ​യി​ലെ​ടു​ക്കാ​നു​ള്ള പ്ര​വ​ർ​ത്ത​നം ആ​രം​ഭി​ച്ചി​രു​ന്നു.

ഇ​ൻ​സ്റ്റ​ഗ്രാ​മി​ൽ റീ​ൽ ക​ട്ട്, ഫേ​സ്ബു​ക്കി​ൽ ചെ​റി​യ കു​റി​പ്പോ​ടു​കൂ​ടി​യ പോ​സ്റ്റ​ർ എ​ന്നി​ങ്ങ​നെ ഓ​ൺ​ലൈ​ൻ ജ​ന​ത നി​റ​ഞ്ഞു​നി​ൽ​ക്കു​ന്ന പ്ലാ​റ്റ്ഫോ​മു​ക​ളി​ൽ അ​ത​തി​ന്‍റെ പ്ര​ത്യേ​ക​ത​ക്ക​നു​സ​രി​ച്ചു​ള്ള ക​ണ്ട​ന്‍റു​ക​ൾ, അ​ത​ത്​ സ​മ​യ​ത്ത്, അ​ത​ത്​ രൂ​പ​ത്തി​ൽ ന​ൽ​കു​ന്ന​തി​ലാ​ണ് പ്ര​ത്യേ​കം ശ്ര​ദ്ധി​ക്കു​ന്ന​ത്.

ഹൈ​ബി ഈ​ഡ​ന്‍റെ ഫേ​സ്ബു​ക്ക്, ഇ​ൻ​സ്റ്റ​ഗ്രാം പേ​ജു​ക​ൾ​ക്ക് പ​തി​നാ​യി​ര​ക്ക​ണ​ക്കി​ന് ഫോ​ളോ​വേ​ഴ്സു​ണ്ട്. അ​തി​നാ​ൽ ഫോ​ളോ​വേ​ഴ്സി​ന്‍റെ എ​ണ്ണം കൂ​ട്ടാ​നോ പോ​സ്റ്റി​ന് റീ​ച്ച് കൂ​ട്ടാ​നോ ഒ​ന്നും പെ​യ്ഡ് പ്ര​മോ​ഷ​ൻ ചെ​യ്യേ​ണ്ടി വ​ന്നി​ട്ടി​ല്ലെ​ന്ന് അ​ന്ന ചൂ​ണ്ടി​ക്കാ​ണി​ക്കു​ന്നു. അ​ങ്ങ​നെ പ​റ​യ​ത്ത​ക്ക സോ​ഷ്യ​ൽ​മീ​ഡി​യ ടീ​മു​മി​ല്ല. ഒ​രു ഫോ​ട്ടോ​ഗ്രാ​ഫ​ർ, വി​ഡി​യോ​ഗ്രാ​ഫ​ർ, ടെ​ക്നി​ക്ക​ൽ കാ​ര്യ​ങ്ങ​ൾ​ക്ക്​ ഒ​രാ​ൾ, ഇ​വ​രെ​യെ​ല്ലാം ഏ​കോ​പി​പ്പി​ച്ച് അ​ന്ന​യു​ടെ പ്ര​വ​ർ​ത്ത​ന​വും.

തെ​ര​ഞ്ഞെ​ടു​പ്പി​ന് ഇ​നി ദി​വ​സ​ങ്ങ​ൾ മാ​ത്ര​മു​ള്ളെ​ന്നി​രി​ക്കേ ഹൈ​ബി​യു​ടെ പാ​ർ​ല​മെൻറി​ലെ പ്ര​സം​ഗ​ങ്ങ​ളു​ടെ പ്ര​സ​ക്ത​ഭാ​ഗ​ങ്ങ​ൾ ചെ​റി​യ ക്ലി​പ്പു​ക​ളാ​യി പ​ങ്കു​വെ​ക്കു​ന്ന​തി​ലാ​ണ് ടീം ​ഊ​ന്ന​ൽ ന​ൽ​കു​ന്ന​ത്. അ​ഭി​ഭാ​ഷ​ക​യാ​യ അ​ന്ന ലി​ൻ​ഡ ഔ​ദ്യോ​ഗി​ക തി​ര​ക്കു​ക​ൾ​ക്ക് അ​വ​ധി ന​ൽ​കി​യാ​ണ് ഓ​ൺ​ലൈ​നാ​യും ഓ​ഫ് ലൈ​നാ​യു​മു​ള്ള ഹൈ​ബി​യു​ടെ തെ​ര​ഞ്ഞെ​ടു​പ്പ് പ്ര​ച​ര​ണ​ങ്ങ​ൾ ന​യി​ച്ചും ഏ​കോ​പി​പ്പി​ച്ചും മു​ന്നോ​ട്ടു​പോ​കു​ന്ന​ത്.

രാ​ധാ​കൃ​ഷ്ണ​ന്‍റെ സൈ​ബ​ർ വാ​ർ റൂം 24*7 ​ലൈ​വ്

എ​ൻ.​ഡി.​എ സ്ഥാ​നാ​ർ​ഥി ഡോ. ​കെ.​എ​സ്. രാ​ധാ​കൃ​ഷ്ണ​ന്‍റെ കൂ​ടെ പ​ര്യ​ട​ന​ത്തി​ലു​ട​നീ​ളം മീ​ഡി​യ ടീ​മും സോ​ഷ്യ​ൽ മീ​ഡി​യ ടീ​മു​മു​ണ്ട്. പോ​സ്റ്റ​ർ ത​യാ​റാ​ക്കാ​നും പോ​സ്റ്റ് ചെ​യ്യാ​നും നൂ​റു​ക​ണ​ക്കി​ന് ഗ്രൂ​പ്പു​ക​ളി​ലൂ​ടെ​യും പേ​ജു​ക​ളി​ലൂ​ടെ​യും പ​ങ്കു​വെ​ക്കാ​നു​മാ​യി 24 മ​ണി​ക്കൂ​റു​മെ​ന്ന​പോ​ൽ സൈ​ബ​ർ വാ​ർ റൂം ​പ്ര​വ​ർ​ത്തി​ക്കു​ന്നു​ണ്ട്. ഇ​തി​നെ​ല്ലാ​മാ​യി ഏ​ഴു പേ​രാ​ണ് ടീ​മി​ലു​ള്ള​ത്.

പ്ര​ഫ​ഷ​ന​ൽ ത​ല​ത്തി​ൽ പ​രി​ച​യ സ​മ്പ​ന്ന​രാ​യ ടീ​മാ​ണ് പ്ര​വ​ർ​ത്തി​ക്കു​ന്ന​തെ​ന്ന് ലോ​ക്സ​ഭ മ​ണ്ഡ​ലം സോ​ഷ്യ​ൽ മീ​ഡി​യ ക​ൺ​വീ​ന​റും യു​വ​മോ​ർ​ച്ച തൃ​പ്പൂ​ണി​ത്തു​റ മ​ണ്ഡ​ലം പ്ര​സി​ഡ​ന്‍റു​മാ​യ കെ.​എ​സ്. ഉ​ണ്ണി വ്യ​ക്ത​മാ​ക്കി. സ്ഥാ​നാ​ർ​ഥി പ്ര​ഖ്യാ​പ​ന​ത്തി​നു ര​ണ്ടു​മാ​സം മു​മ്പു ത​ന്നെ സൈ​ബ​ർ പ്ര​ചാ​ര​ണം തു​ട​ങ്ങി. സ്ഥാ​നാ​ർ​ഥി​യു​ടെ പേ​രും ചി​ത്ര​വും ഉ​ൾ​പ്പെ​ടു​ത്താ​തെ വി​ക​സ​ന​കാ​ര്യ​ങ്ങ​ളും വാ​ഗ്ദാ​ന​ങ്ങ​ളും വ്യ​ക്ത​മാ​ക്കി​ക്കൊ​ണ്ടാ​യി​രു​ന്നു പ്ര​ചാ​ര​ണ തു​ട​ക്കം.

ബൂ​ത്ത് അ​ടി​സ്ഥാ​ന​ത്തി​ലു​ള്ള വാ​ട്സ്​​ആ​പ് ഗ്രൂ​പ്പു​ക​ളും പ്ര​ചാ​ര​ണ​ത്തി​ൽ സ​ജീ​വ​മാ​ണ്. എ​റ​ണാ​കു​ളം മ​ണ്ഡ​ല​ത്തി​നാ​യി മാ​ത്രം 1199 വാ​ട്സ്​​ആ​പ്​ ഗ്രൂ​പ്പു​ക​ളു​മു​ണ്ട്, ഇ​തു​കൂ​ടാ​തെ വാ​ട്സ്​​ആ​പ്​ ചാ​ന​ൽ, ഇ​ൻ​ഫ്ലു​വ​ൻ​സ​ർ​മാ​രു​ടെ ഗ്രൂ​പ്പു​ക​ൾ തു​ട​ങ്ങി​യ​വ​യും പ്ര​വ​ർ​ത്തി​ക്കു​ന്നു.