ലോക് അദാലത്; ജില്ലയിൽ 19,717 കേസ്​ തീർപ്പാക്കി

കൊ​ച്ചി: ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി​യു​ടെ ആ​ഭി​മു​ഖ്യ​ത്തി​ൽ ശ​നി​യാ​ഴ്ച ന​ട​ന്ന ലോ​ക് അ​ദാ​ല​ത്തി​ൽ ജി​ല്ല​യി​ലാ​കെ 19,717 കേ​സു​ക​ൾ തീ​ർ​പ്പാ​യി. ദേ​ശ​സാ​ത്കൃ​ത സ്വ​കാ​ര്യ ബാ​ങ്കു​ക​ളു​ടെ 790 കേ​സു​ക​ൾ തീ​ർ​പ്പാ​യ പ്ര​കാ​രം 16,15,58,485 രൂ​പ ഈ​ടാ​ക്കാ​ൻ ഉ​ത്ത​ര​വാ​യി. മോ​ട്ടോ​ർ വാ​ഹ​ന ത​ർ​ക്ക​പ​രി​ഹാ​ര കേ​സു​ക​ളി​ൽ 581 കേ​സു​ക​ളി​ൽ 23,99,70,463 രൂ​പ ന​ഷ്ട​പ​രി​ഹാ​രം ന​ൽ​കാ​ൻ തീ​ർ​പ്പു​ണ്ടാ​യി. അ​ദാ​ല​ത്തി​നോ​ട​നു​ബ​ന്ധി​ച്ച്​ ജി​ല്ല​യി​ലെ മ​ജി​സ്‌​ട്രേ​റ്റ് കോ​ട​തി​ക​ളി​ൽ ന​ട​ന്ന പ്ര​ത്യേ​ക സി​റ്റി​ങ്ങി​ൽ 18,927 കേ​സു​ക​ൾ തീ​ർ​പ്പ് ക​ൽ​പ്പി​ച്ചു.

28 കോ​ടി​യോ​ളം രൂ​പ പി​ഴ​യാ​യി ഈ​ടാ​ക്കി. അ​ദാ​ല​ത്തി​ന്​ ജി​ല്ല ജ​ഡ്ജി​യും ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി ചെ​യ​ർ​പേ​ഴ്സ​ണും ആ​യ ഹ​ണി എം. ​വ​ർ​ഗീ​സ്, ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി സെ​ക്ര​ട്ട​റി​യും സ​ബ് ജ​ഡ്ജു​മാ​യ ര​ഞ്ജി​ത് കൃ​ഷ്ണ​ൻ, ചീ​ഫ് ജു​ഡീ​ഷ്യ​ൽ മ​ജി​സ്‌​ട്രേ​റ്റ് മി​നി .ആ​ർ എ​ന്നി​വ​ർ നേ​തൃ​ത്വം ന​ൽ​കി. സം​സ്ഥാ​ന ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​നി​ൽ ലോ​ക അ​ദാ​ല​ത്തി​ൽ പ​രി​ഗ​ണി​ച്ച 160 കേ​സു​ക​ളി​ൽ 82 എ​ണ്ണം ഒ​ത്തു​തീ​ർ​പ്പാ​യി. ജി​ല്ല ക​മീ​ഷ​നു​ക​ളി​ൽ പ​രി​ഗ​ണി​ച്ച 1662 കേ​സു​ക​ളി​ൽ 615 എ​ണ്ണം തീ​ർ​പ്പാ​ക്കി.

എല്ലാ ആഴ്ചയും അദാലത് നടത്തും -ജസ്റ്റിസ് കെ. സുരേന്ദ്രമോഹൻ

കൊ​ച്ചി: ഉ​പ​ഭോ​ക്തൃ കോ​ട​തി​ക​ളു​ടെ പ​രി​ഗ​ണ​യി​ലെ കേ​സു​ക​ൾ ലോ​ക് അ​ദാ​ല​ത്തി​ൽ വേ​ഗ​ത്തി​ൽ തീ​ർ​പ്പാ​ക്കു​ന്ന​തി​ലൂ​ടെ നീ​തി സാ​ധാ​ര​ണ​ക്കാ​രു​ടെ വീ​ട്ടു​പ​ടി​ക്ക​ൽ എ​ത്തി​ക്കു​ക​യെ​ന്ന സ്വ​പ്നം സാ​ക്ഷാ​ത്ക​രി​ക്കാ​ൻ ക​ഴി​യു​മെ​ന്ന് ജ​സ്റ്റി​സ് കെ. ​സു​രേ​ന്ദ്ര​മോ​ഹ​ൻ.

ദേ​ശീ​യ മെ​ഗാ ലോ​ക് അ​ദാ​ല​ത്തി‍െൻറ സം​സ്ഥാ​ന​ത​ല ഉ​ദ്‌​ഘാ​ട​നം കൊ​ച്ചി​യി​ൽ നി​ർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം. സം​സ്ഥാ​ന​ത്തെ എ​ല്ലാ ഉ​പ​ഭോ​ക്തൃ കോ​ട​തി​ക​ളി​ലും മാ​സ​ത്തി​ൽ ഒ​രു​ദി​വ​സം അ​ദാ​ല​ത് ന​ട​ത്തു​ന്നു​ണ്ട്. ഇ​നി ആ​ഴ്ച​യി​ൽ ഒ​രു​ദി​വ​സം എ​ല്ലാ കോ​ട​തി​ക​ളി​ലും അ​ദാ​ല​ത് ന​ട​ത്തു​മെ​ന്ന് അ​ദ്ദേ​ഹം പ​റ​ഞ്ഞു. ജി​ല്ല ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​ൻ പ്ര​സി​ഡ​ന്‍റ്​ ഡി.​ബി. ബി​നു അ​ധ്യ​ക്ഷ വ​ഹി​ച്ചു.

സം​സ്ഥാ​ന ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​ൻ അം​ഗം കെ.​ആ​ർ. രാ​ധാ​കൃ​ഷ്ണ​ൻ ആ​മു​ഖ പ്ര​ഭാ​ഷ​ണം ന​ട​ത്തി. ഡോ. ​ബി​ന്ദു എം. ​ന​മ്പ്യാ​ർ, വി. ​രാ​മ​ച​ന്ദ്ര​ൻ, ടി.​എ​ൻ. ശ്രീ​വി​ദ്യ, ടി.​ജെ. ല​ക്ഷ്മ​ണ അ​യ്യ​ർ, രാ​ജ രാ​ജ വ​ർ​മ തു​ട​ങ്ങി​യ​വ​ർ സം​സാ​രി​ച്ചു.