തൃ​ക്കാ​ക്ക​ര ന​ഗ​ര​സ​ഭ കെ​ട്ടി​ട​ത്തി​ലെ ചോർച്ചയെ ചൊല്ലി തർക്കം

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ കെ​ട്ടി​ട​ത്തി​ലെ ചോ​ർ​ച്ച​യെ ചൊ​ല്ലി കൗ​ൺ​സി​ൽ യോ​ഗ​ത്തി​ൽ വാ​ക്പോ​ര്. ന​ഗ​ര​സ​ഭ കെ​ട്ടി​ട​ത്തി​ന്റെ ന​വീ​ക​ര​ണ പ്ര​വ​ർ​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട അ​ജ​ണ്ട ച​ർ​ച്ച ചെ​യ്യു​ന്ന​തി​നി​ടെ​യാ​ണ് ഭ​ര​ണ- പ്ര​തി​പ​ക്ഷ കൗ​ൺ​സി​ല​ർ​മാ​ർ ത​മ്മി​ൽ വാ​ക്​​ത​ർ​ക്ക​മു​ണ്ടാ​യ​ത്.

നി​ർ​മാ​ണ​ത്തി​ൽ അ​ഴി​മ​തി ഉ​ണ്ടെ​ന്ന യു.​ഡി.​എ​ഫി​ന്റെ ആ​രോ​പ​ണ​ത്തി​നെ​തി​രെ ന​ഗ​ര​സ​ഭ അ​ധ്യ​ക്ഷ അ​ജി​ത ത​ങ്ക​പ്പ​ൻ ക​രാ​റു​കാ​ർ​ക്ക് ബി​ല്ല് പാ​സാ​ക്കി കൊ​ടു​ത്ത​തി​ന്റെ രേ​ഖ​ക​ളു​മാ​യാ​ണ് എ​ൽ.​ഡി.​എ​ഫ് പ്ര​തി​ക​രി​ച്ച​ത്. ഇ​ന്ന​ത്തെ പ്ര​തി​പ​ക്ഷം ഭ​ര​ണ​പ​ക്ഷ​മാ​യി​രു​ന്ന ക​ഴി​ഞ്ഞ ഭ​ര​ണ​സ​മി​തി​യു​ടെ കാ​ല​ത്താ​യി​രു​ന്നു ഫ്ര​ണ്ട് ഓ​ഫി​സി​ന്റെ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ന്ന​ത്. സ​ർ​ക്കാ​ർ ഏ​ജ​ൻ​സി​യാ​യ സി​ഡ്കോ ആ​യി​രു​ന്നു ക​രാ​ർ ഏ​റ്റെ​ടു​ത്തി​രു​ന്ന​ത്. പു​തി​യ ഭ​ര​ണ​സ​മി​തി അ​ധി​കാ​ര​ത്തി​ലേ​റി​യ ശേ​ഷം ഇ​തു​ൾ​പ്പെ​ടെ മൂ​ന്ന് പ​ദ്ധ​തി​ക​ളി​ൽ അ​ഴി​മ​തി ആ​രോ​പ​ണം ഉ​യ​രു​ക​യും അ​ന്വേ​ഷ​ണം ന​ട​ത്താ​ൻ കൗ​ൺ​സി​ൽ അ​നു​മ​തി​യോ​ടെ വി​ജി​ല​ൻ​സി​ൽ പ​രാ​തി ന​ൽ​കു​ക​യും ചെ​യ്തി​രു​ന്നു. വി​ജി​ല​ൻ​സി​ന് പ​രാ​തി ന​ൽ​കി​യ ശേ​ഷം ക​രാ​ർ ഏ​ജ​ൻ​സി​ക്ക് 2021 ഫെ​ബ്രു​വ​രി​യി​ൽ 67 ല​ക്ഷ​ത്തോ​ളം രൂ​പ​യു​ടെ ബി​ല്ല് ന​ഗ​ര​സ​ഭ അ​ധ്യ​ക്ഷ പാ​സാ​ക്കി ന​ൽ​കി​യ രേ​ഖ​ക​ളാ​യി​രു​ന്നു പ്ര​തി​പ​ക്ഷം കൊ​ണ്ടു​വ​ന്ന​ത്.

ഇ​തി​നെ​തി​രെ രം​ഗ​ത്തെ​ത്തി​യ കോ​ൺ​ഗ്ര​സ് കൗ​ൺ​സി​ല​ർ​മാ​ർ ന​ഗ​ര​സ​ഭ​യി​ൽ ഇ​ട​ക്കി​ടെ ക​യ​റി​യി​റ​ങ്ങു​ന്ന വി​ജി​ല​ൻ​സ് ഫ്ര​ണ്ട് ഓ​ഫി​സ് ന​വീ​ക​ര​ണ​വു​മാ​യി ബ​ന്ധ​പ്പെ​ട്ട പ​രാ​തി മാ​ത്രം പ​രി​ഗ​ണി​ക്കു​ന്നി​ല്ലെ​ന്ന് വാ​ദി​ച്ചു. പി​ന്നീ​ട് ഇ​രു വി​ഭാ​ഗ​വും ത​മ്മി​ൽ മു​ക്കാ​ൽ മ​ണി​ക്കൂ​റോ​ളം വാ​ദ​പ്ര​തി​വാ​ദം ന​ട​ന്നു. പി​ന്നീ​ട് ധ​ന​കാ​ര്യ സ്ഥി​രം​സ​മി​തി​യു​മാ​യി ബ​ന്ധ​പ്പെ​ട്ടും യോ​ഗ​ത്തി​ലും വാ​ക്​​ത​ർ​ക്ക​ങ്ങ​ൾ ഉ​ണ്ടാ​യി.

യോ​ഗ​ത്തി​ൽ 49 അ​ജ​ണ്ട​ക​ളാ​ണ് പാ​സാ​ക്കി​യ​ത്. ന​ഗ​ര​സ​ഭ​യി​ൽ ഭ​ര​ണ​പ്ര​തി​സ​ന്ധി സൃ​ഷ്ടി​ക്കു​ന്നു എ​ന്നാ​രോ​പി​ച്ച് നേ​ര​ത്തേ തൃ​ക്കാ​ക്ക​ര​യി​ൽ മു​നി​സി​പ്പ​ൽ സെ​ക്ര​ട്ട​റി​ക്കെ​തി​രെ പ്ര​മേ​യം കൊ​ണ്ടു​വ​ന്നി​രു​ന്നു. അ​ന്ന് യോ​ഗ​ത്തി​ൽ പ​ങ്കെ​ടു​ക്കാ​തി​രു​ന്ന സെ​ക്ര​ട്ട​റി തി​ങ്ക​ളാ​ഴ്ച​ത്തെ യോ​ഗ​ത്തി​ൽ ഹാ​ജ​രാ​യി​രു​ന്നു. സെ​ക്ര​ട്ട​റി എ​ത്തു​ന്ന​ത​റി​ഞ്ഞ് യൂ​ത്ത് ലീ​ഗി​ന്റെ നേ​തൃ​ത്വ​ത്തി​ൽ പ്ര​തി​ഷേ​ധം ന​ട​ത്തി. ന​ഗ​ര​സ​ഭ ക​വാ​ട​ത്തി​ലാ​ണ് റീ​ത്തു​വെ​ച്ച് പ്ര​തി​ഷേ​ധി​ച്ച​ത്.