പൊതുഗതാഗത സംവിധാനത്തിന്‍റെ അഭാവം; മെഡിക്കൽ കോളജിൽ എത്തുന്നവർക്ക് ദുരിതമാകുന്നു

കൊ​ച്ചി: കോ​ടി​ക​ളു​ടെ വി​ക​ന പ​ദ്ധ​തി​ക​ൾ അ​ണി​യ​റ​യി​ലൊ​രു​ങ്ങു​മ്പോ​ഴും പൊ​തു​ഗ​താ​ഗ​ത സൗ​ക​ര്യ​ങ്ങ​ളു​ടെ അ​ഭാ​വം ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​ന്‍റെ നി​റം​കെ​ടു​ത്തു​ന്നു. ജി​ല്ല​യി​ലെ നൂ​റു​ക​ണ​ക്കി​ന് രോ​ഗി​ക​ൾ ദി​വ​സേ​ന ആ​ശ്ര​യി​ക്കു​ന്ന ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​നാ​ണീ ദു​ർ​ഗ​തി. മെ​ഡി​ക്ക​ൽ കോ​ള​ജ് സ്ഥാ​പി​ച്ച് ര​ണ്ട് പ​തി​റ്റാ​ണ്ട് പി​ന്നി​ടു​മ്പോ​ഴും യാ​ത്രാ​ദു​രി​തം പ​രി​ഹ​രി​ക്കാ​നു​ള്ള നീ​ക്ക​ങ്ങ​ൾ ഇ​ഴ​യു​ക​യാ​ണ്.

മെ​ഡി​ക്ക​ൽ കോ​ള​ജി​നൊ​പ്പം ആ​ധു​നി​ക നി​ല​വാ​ര​ത്തി​ലു​ള്ള കാ​ൻ​സ​ർ ​സെ​ന്‍റ​റും സൂ​പ്പ​ർ സ്പെ​ഷാ​ലി​റ്റി ബ്ലോ​ക്കു​ക​ളു​മാ​ണ് ഇ​വി​ടെ ഒ​രു​ങ്ങു​ന്ന​ത് ന​വം​ബ​റി​ൽ കാ​ൻ​സ​ർ സെ​ന്‍റ​റി​ന്‍റെ പ്ര​വ​ർ​ത്ത​നം ആ​രം​ഭി​ക്കു​മെ​ന്നാ​ണ് സൂ​ച​ന. ഇ​ത്ത​രം സൗ​ക​ര്യ​ങ്ങ​ൾ യാ​ഥാ​ർ​ഥ്യ​മാ​കു​ന്ന​തോ​ടെ ഇ​വി​ടേ​ക്കു​ള്ള രോ​ഗി​ക​ളു​ടെ ഒ​ഴു​ക്കും വ​ർ​ധി​ക്കും. എ​ന്നാ​ൽ, ഇ​തി​ന​നു​സ​രി​ച്ചു​ള്ള ഗ​താ​ഗ​ത സൗ​ക​ര്യ​ങ്ങ​ളി​ല്ലാ​ത്ത​ത്​ തി​രി​ച്ച​ടി​യാ​കു​ന്ന​ത്.

ദേ​ശീ​യ​പാ​ത​യി​ൽ​നി​ന്ന് ഏ​ക​ദേ​ശം നാ​ല് കി​ലോ​മീ​റ്റ​ർ മാ​ത്രം മാ​റി​യാ​ണ് മെ​ഡി​ക്ക​ൽ കോ​ള​ജ് സ്ഥി​തി ചെ​യ്യു​ന്ന​തെ​ങ്കി​ലും ഇ​വി​ടേ​ക്ക്​ എ​ത്തി​ച്ചേ​ര​ൽ സാ​ധാ​ര​ണ​ക്കാ​ർ​ക്ക് അ​ത്ര എ​ളു​പ്പ​മ​ല്ല. കോ​ത​മം​ഗ​ലം ഭാ​ഗ​ത്തേ​ക്കും തി​രി​ച്ചു​മു​ള​ള ഏ​താ​നും ചി​ല ദീ​ർ​ഘ​ദൂ​ര ബ​സു​ക​ളും ചി​ല കെ.​എ​സ്.​ആ​ർ.​ടി.​സി ബ​സു​ക​ളു​മാ​ണ് ഇ​വ​രു​ടെ ആ​ശ്ര​യം. ഇ​തി​നാ​യി ഏ​റെ സ​മ​യം കാ​ത്തി​രി​ക്കേ​ണ്ടി വ​രു​മെ​ന്ന​തി​നാ​ൽ എ​ച്ച്.​എം.​ടി ക​വ​ല​യി​ൽ​നി​ന്ന​ട​ക്ക​മു​ള്ള ഓ​ട്ടോ​റി​ക്ഷ​ക​ളും സ്വ​കാ​ര്യ വാ​ഹ​ന​ങ്ങ​ളാ​ണ് പ​ല​പ്പോ​ഴും ആ​ശ്ര​യം. ഇ​തി​ന് വ​ലി​യ തു​ക ന​ൽ​കേ​ണ്ടി വ​രും. പൊ​തു​വെ ജ​ന​വാ​സം കു​റ​ഞ്ഞ പ്ര​ദേ​ശ​മാ​യ​തി​നാ​ൽ ഓ​ട്ടോ​റി​ക്ഷ​ക​ള​ട​ക്ക​മു​ള്ള വാ​ഹ​ന​ങ്ങ​ളി​വി​ടെ പാ​ർ​ക്ക് ചെ​യ്യു​ന്ന​തും കു​റ​വാ​ണ്.

അ​നാ​ഥ​മാ​യി ബ​സ് ടെ​ർ​മി​ന​ൽ

പൊ​തു​ഗ​താ​ഗ​തം കാ​ര്യ​ക്ഷ​മ​മാ​ക്കു​ക എ​ന്ന ല​ക്ഷ്യ​ത്തോ​ടെ വ​ർ​ഷ​ങ്ങ​ൾ​ക്ക് മു​മ്പ് മെ​ഡി​ക്ക​ൽ കോ​ള​ജി​ന് സ​മീ​പം ക​ള​മ​ശ്ശേ​രി ന​ഗ​ര​സ​ഭ ബ​സ് ടെ​ർ​മി​ന​ൽ നി​ർ​മി​ച്ചി​രു​ന്നു. എ​ന്നാ​ൽ, വ​ർ​ഷ​ങ്ങ​ളേ​റെ ക​ഴി​ഞ്ഞെ​ങ്കി​ലും ടെ​ർ​മി​ന​ൽ അ​നാ​ഥ​മാ​ണ്. ഒ​ദ്യോ​ഗി​ക അ​നു​മ​തി​ക​ൾ ല​ഭി​ക്കാ​ത്ത​താ​ണ​ത്രേ ബ​സ് ടെ​ർ​മി​ന​ലി​ലേ​ക്ക് ബ​സു​ക​ൾ എ​ത്താ​ൻ വൈ​കാ​ൻ കാ​ര​ണം. കെ.​എ​സ്.​ആ​ർ.​ടി.​സി ബ​സു​ക​ളെ​യെ​ങ്കി​ലും എ​ത്തി​ക്കാ​ൻ നീ​ക്കം ന​ട​ന്നെ​ങ്കി​ലും അ​തും ഫ​ല​വ​ത്താ​യി​ല്ല. ദേ​ശീ​യ​പാ​ത വ​ഴി​യു​ള്ള ദീ​ർ​ഘ​ദൂ​ര ബ​സു​ക​ൾ​ക്ക് ക​ള​മ​ശ്ശേ​രി​യി​ൽ​നി​ന്ന്​ മെ​ഡി​ക്ക​ൽ കോ​ള​ജ് ചു​റ്റി പോ​കാ​ൻ ക​ഴി​യും. അ​തു​പോ​ലെ​ത​ന്നെ സീ​പോ​ർ​ട്ട് എ​യ​ർ​പോ​ർ​ട്ട് റോ​ഡ് വ​ഴി​യു​ള്ള ബ​സു​ക​ൾ​ക്കും മെ​ഡി​ക്ക​ൽ കോ​ള​ജ് വ​ഴി എ​ളു​പ്പ​ത്തി​ൽ ആ​ലു​വ​യി​ൽ എ​ത്താ​ൻ ക​ഴി​യും. ഇ​ത് ന​ട​പ്പാ​യാ​ലും ഗ​താ​ഗ​ത ക്ലേ​ശ​ത്തി​ന് ഒ​രു​പ​രി​ധി​വ​രെ പ​രി​ഹാ​ര​മാ​കും. എ​ന്നാ​ൽ, ഈ ​നീ​ക്ക​ങ്ങ​ൾ​ക്ക് ചു​ക്കാ​ൻ​പി​ടി​ക്കാ​ൻ ബ​ന്ധ​പ്പെ​ട്ട​വ​ർ ത​യാ​റാ​യി​ട്ടി​ല്ല.

പ്ര​തീ​ക്ഷ​യാ​യി ഫീ​ഡ​ർ ബ​സ്

മെ​ഡി​ക്ക​ൽ കോ​ള​ജി​ലേ​ക്കു​ള്ള യാ​ത്രാ​ക്ലേ​ശം പ​രി​ഹ​രി​ക്കാ​ൻ ക​ള​മ​ശ്ശേ​രി മെ​ട്രോ സ്റ്റേ​ഷ​നി​ൽ​നി​ന്നും ഫീ​ഡ​ർ ബ​സ് സ​ർ​വി​സ് ആ​രം​ഭി​ക്കാ​ൻ സ​ർ​ക്കാ​ർ തീ​രു​മാ​നി​ച്ചി​ട്ടു​ണ്ട്. മെ​ട്രോ സ്റ്റേ​ഷ​നി​ൽ​നി​ന്നും മെ​ഡി​ക്ക​ൽ കോ​ള​ജ് വ​ഴി ഇ​ൻ​ഫോ പാ​ർ​ക്കി​ലേ​ക്കി​ലേ​ക്കാ​ണ് സ​ർ​വി​സ്.

പ​രീ​ക്ഷ​ണാ​ടി​സ്ഥാ​ന​ത്തി​ൽ ന​ട​ത്തി​യ സ​ർ​വി​സ് വി​ജ​യം ക​ണ്ട​തോ​ടെ​യാ​ണ് കൂ​ടു​ത​ൽ സ​ർ​വി​സ് ന​ട​ത്താ​ൻ കൊ​ച്ചി മെ​ട്രോ ത​യാ​റാ​യ​ത്. മെ​ഡി​ക്ക​ൽ കോ​ള​ജി​ലേ​ക്കു​ള്ള പൊ​തു​ഗ​താ​ഗ​ത സം​വി​ധാ​നം മെ​ച്ച​പ്പെ​ടു​ത്താ​ൻ കെ.​എ​സ്.​ആ​ർ.​ടി.​സി​യും കൂ​ടു​ത​ൽ വ​ണ്ടി ഓ​ടി​ക്കാ​നു​ള​ള നീ​ക്കം ന​ട​ത്തു​ന്നു​ണ്ട്.

പൊ​തു​ഗ​താ​ഗ​ത സം​വി​ധാ​നം കാ​ര്യ​ക്ഷ​മ​മാ​ക്ക​ണ​ം -കൃ​ഷ്ണ​യ്യ​ർ മൂ​വ്മെ​ന്‍റ്​

ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​ലേ​ക്കു​ള്ള പൊ​തു​ഗ​താ​ഗ​ത സം​വി​ധാ​നം കാ​ര്യ​ക്ഷ​മ​മാ​ക്ക​ണ​മെ​ന്ന് കൃ​ഷ്ണ​യ്യ​ർ മൂ​വ്മെ​ന്‍റ്​ ആ​വ​ശ്യ​പ്പെ​ട്ടു. ജി​ല്ല​യി​ലെ എ​ല്ലാ കെ.​എ​സ്.​ആ​ർ.​ടി.​സി സ്റ്റാ​ൻ​ഡു​ക​ളി​ൽ​നി​ന്നും ഇ​വി​ടേ​ക്ക് സ​ർ​വി​സ് ആ​രം​ഭി​ക്ക​ണം. മെ​ട്രോ ഫീ​ഡ​ർ ബ​സ് സ​ർ​വി​സ് ആ​രം​ഭി​ക്കു​ന്ന​തു​പോ​ലെ​ത​ന്നെ കാ​ക്ക​നാ​ട് വാ​ട്ട​ർ മെ​ട്രോ​യി​ൽ​നി​ന്നും ഫീ​ഡ​ർ ബ​സ് സ​ർ​വി​സ് ആ​രം​ഭി​ക്ക​ണം. ഇ​ക്കാ​ര്യം ചൂ​ണ്ടി​ക്കാ​ട്ടി സം​ഘ​ട​ന വ​ക്താ​വ് ഡോ. ​എ​ൻ.​കെ. സ​നി​ൽ​കു​മാ​ർ ഗ​താ​ഗ​ത മ​ന്ത്രി, ആ​രോ​ഗ്യ മ​ന്ത്രി അ​ട​ക്ക​മു​ള്ള​വ​ർ​ക്ക് നി​വേ​ദ​നം ന​ൽ​കി.