രുചിവൈവിധ്യം തീർത്ത് കുടുംബശ്രീ ഫുഡ് ഫെസ്റ്റ്

കൊ​ച്ചി: കൊ​തി​യൂ​റും വി​ഭ​വ​ങ്ങ​ളൊ​രു​ക്കി രു​ചി​യു​ടെ വൈ​വി​ധ്യ​ങ്ങ​ൾ തീ​ർ​ക്കു​ക​യാ​ണ് കു​ടും​ബ​ശ്രീ​യു​ടെ ജി​ല്ല​ത​ല ഫു​ഡ് ഫെ​സ്റ്റ്. കു​ടും​ബ​ശ്രീ ജി​ല്ല മി​ഷ​ന്റെ നേ​തൃ​ത്വ​ത്തി​ൽ, ന​ബാ​ർ​ഡി​ന്റെ സ​ഹ​ക​ര​ണ​ത്തോ​ടെ സം​ഘ​ടി​പ്പി​ക്കു​ന്ന ഫു​ഡ് ഫെ​സ്റ്റ് മ​റൈ​ൻ ഡ്രൈ​വി​ലാ​ണ് ന​ട​ക്കു​ന്ന​ത്. രു​ചി​യ​ന്വേ​ഷ​ക​രു​ടെ മ​ന​സ്സും വ​യ​റും നി​റ​ക്കു​ന്ന വി​ഭ​വ​ങ്ങ​ളൊ​രു​ക്കു​ന്ന ഫു​ഡ് ഫെ​സ്റ്റ് 27ന് ​സ​മാ​പി​ക്കും. രാ​വി​ലെ മു​ത​ൽ രാ​ത്രി വ​രെ നീ​ളു​ന്ന ഫെ​സ്റ്റി​ൽ തി​ര​ക്കേ​റി​യി​ട്ടു​ണ്ട്. കു​ടും​ബ​ശ്രീ സം​രം​ഭ​ക​രു​ടെ ഉ​ൽ​പ​ന്ന​ങ്ങ​ൾ​ക്ക് വി​പ​ണി ല​ഭ്യ​മാ​ക്കു​ന്ന​തി​നൊ​പ്പം സാ​മ്പ​ത്തി​ക ഉ​ന്ന​മ​ന​വും ല​ക്ഷ്യ​മി​ട്ടാ​ണ് പ​രി​പാ​ടി.

പ​ഴം​പൊ​രി മു​ത​ൽ ബി​രി​യാ​ണി വ​രെ ഒ​രു​ക്കി സം​രം​ഭ​ക​ർ

ജി​ല്ല​യി​ലെ വി​വി​ധ സി.​ഡി.​എ​സു​ക​ളി​ലെ സം​രം​ഭ​ക​രു​ടെ നി​ര​വ​ധി വി​ഭ​വ​ങ്ങ​ളാ​ണ് ഉ​പ​ഭോ​ക്താ​ക്ക​ൾ​ക്കാ​യി ഒ​രു​ക്കു​ന്ന​ത്. ചൂ​ട​ൻ ചാ​യ​യും പ​ഴം​പൊ​രി​യും അ​ട​ക്ക​മു​ള്ള ചെ​റു​ക​ടി​ക​ൾ മു​ത​ൽ ബി​രി​യാ​ണി വ​രെ​യു​ള്ള വി​ഭ​വ​ങ്ങ​ൾ ഇ​വി​ടെ റെ​ഡി​യാ​ണ്. ഒ​പ്പം പ​ച്ച​മാ​ങ്ങ ജ്യൂ​സും നെ​ല്ലി​ക്ക ജ്യൂ​സും മ​റ്റ് ഫ്ര​ഷ് ജ്യൂ​സു​ക​ളു​മെ​ല്ലാം സ്റ്റാ​ളി​ൽ ല​ഭി​ക്കും. മ​ധു​ര​പ്രേ​മി​ക​ൾ​ക്കാ​യി മു‍ള​യ​രി​പ്പാ​യ​സ​വും പാ​ല​ട​യും അ​ട​പ്ര​ഥ​മ​നും സു​ല​ഭ​മാ​ണ്. ക​പ്പ​യും മീ​ൻ​ക​റി​യും ക​പ്പ​യും ബീ​ഫും പി​ടി​യും കോ​ഴി​ക്ക​റി​യും പാ​ൽ​ക്ക​പ്പ​യും ക​പ്പ​ബി​രി​യാ​ണി​യു​മെ​ല്ലാം സ്റ്റാ​ളു​ക​ളി​ൽ ഒ​രു​ക്കി​യി​ട്ടു​ണ്ട്. ഊ​ണും മീ​ൻ​ക​റി​യും നൈ​സ്​ പ​ത്തി​രി​യും ച​പ്പാ​ത്തി​യും ബ​ട്ടൂ​ര​യും മൂ​ന്ന് ത​ര​ത്തി​ലു​ള്ള പു​ട്ടും ഇ​വി​ടെ ഭ​ക്ഷ​ണ പ്രേ​മി​ക​ളെ കാ​ത്തി​രി​ക്കു​ന്നു​ണ്ട്.

വി​പ​ണ​ന സ്റ്റാ​ളു​ക​ളും ശ്ര​ദ്ധേ​യം

ഫു​ഡ് ഫെ​സ്റ്റി​നോ​ട​നു​ബ​ന്ധി​ച്ചു​ള്ള സം​രം​ഭ​ക​രു​ടെ വി​പ​ണ​ന സ്റ്റാ​ളു​ക​ളും ശ്ര​ദ്ധേ​യ​മാ​ണ്. ഇ​വി​ടെ കു​ടും​ബ​ശ്രീ അം​ഗ​ങ്ങ​ളു​ടെ വി​വി​ധ ഉ​ൽ​പ​ന്ന​ങ്ങ​ളും ല​ഭ്യ​മാ​ണ്. വി​വി​ധ ത​ര​ത്തി​ലു​ള്ള ഗൃ​ഹോ​പ​ക​ര​ണ​ങ്ങ​ളും അ​ച്ചാ​റു​ക​ള​ട​ക്ക​മു​ള്ള ഉ​ൽ​പ​ന്ന​ങ്ങ​ളും ക​ര​കൗ​ശ​ല സാ​മ​ഗ്രി​ക​ളും ഒ​രു​ക്കി​യി​ട്ടു​ണ്ട്.

പ്ര​ദ​ർ​ശ​നം കാ​ണു​ന്ന​തോ​ടൊ​പ്പം താ​ൽ​പ​ര്യ​മു​ള്ള സാ​മ​ഗ്രി​ക​ൾ വാ​ങ്ങി ഫു​ഡ് ഫെ​സ്റ്റി​ലെ​ത്തി രു​ചി​വൈ​വി​ധ്യം ആ​സ്വ​ദി​ച്ച് മ​ട​ങ്ങ​ത്ത​ക്ക വി​ധ​മാ​ണ് സ്റ്റാ​ളു​ക​ളു​ടെ ക്ര​മീ​ക​ര​ണം. ഈ​ മാ​സം 13 മു​ത​ൽ 17 വ​രെ ഫോ​ർ​ട്ട്കൊ​ച്ചി​യി​ൽ ന​ട​ത്തി​യ ശേ​ഷ​മാ​ണ് ഫെ​സ്റ്റ് മ​റൈ​ൻ ഡ്രൈ​വി​ലേ​ക്കെ​ത്തി​യ​ത്.

ഫെ​സ്റ്റി​ലെ അ​തി​ഥി​ക​ളാ​യി കെ-​ടി​ക് സം​ഘം

പ​ട്ടി​ക​വ​ർ​ഗ വി​ഭാ​ഗ​ത്തി​ലെ സം​രം​ഭ​ക​രെ വാ​ർ​ത്തെ​ടു​ക്കാ​ൻ കു​ടും​ബ​ശ്രീ ആ​വി​ഷ്ക​രി​ച്ച കെ-​ടി​ക് പ​ദ്ധ​തി​യി​ലെ ഗു​ണ​ഭോ​ക്താ​ക്ക​ളാ​യി​രു​ന്നു ഞാ​യ​റാ​ഴ്ച ഫെ​സ്റ്റി​ലെ അ​തി​ഥി​ക​ൾ. കു​ട്ട​മ്പു​ഴ, വേ​ങ്ങൂ​ർ പ​ഞ്ചാ​യ​ത്തു​ക​ളി​ലെ വി​വി​ധ സ​ങ്കേ​ത​ങ്ങ​ളി​ലെ അ​മ്പ​തോ​ളം യു​വ​സം​രം​ഭ​ക​രാ​ണ് എ​ത്തി​യ​ത്.

കെ.​എ​സ്.​ആ​ർ.​ടി.​സി ബ​സി​ൽ ആ​ലു​വ​യി​ലെ​ത്തി മെ​ട്രോ വ​ഴി കൊ​ച്ചി​യി​ലും ബ​സ് മാ​ർ​ഗം ഫോ​ർ​ട്ട്കൊ​ച്ചി​യി​ലു​മെ​ത്തി വാ​ട്ട​ർ​മെ​ട്രോ വ​ഴി​യാ​ണ് ഇ​വ​ർ മ​റൈ​ൻ​ഡ്രൈ​വി​ലെ ഫെ​സ്റ്റി​ലേ​ക്കെ​ത്തി​യ​ത്. ന​ഗ​ര​ത്തി​ലെ വി​സ്മ​യ​ക്കാ​ഴ്ച​ക​ൾ ക​ണ്ട അ​വ​ർ​ക്ക് കു​ടും​ബ​ശ്രീ ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ ഹൃ​ദ്യ​മാ​യ സ്വീ​ക​ര​ണ​വു​മൊ​രു​ക്കി. തു​ട​ർ​ന്നാ​ണ് അ​വ​ർ നാ​ട്ടി​ലേ​ക്ക് മ​ട​ങ്ങി​യ​ത്. ജി​ല്ല മി​ഷ​ൻ കോ​ഓ​ഡി​നേ​റ്റ​ർ ടി.​എം. റ​ജീ​ന, മി​ഷ​ൻ അ​സി​സ്റ്റ​ന്‍റ്​ കോ​ഓ​ഡി​നേ​റ്റ​ർ കെ.​സി. അ​നു​മോ​ൾ, പ്രോ​ഗ്രാം മാ​നേ​ജ​ർ സെ​യ്തു​മു​ഹ​മ്മ​ദ്, കെ-​ടി​ക് ഇ​ൻ​ക്യൂ​ബേ​റ്റ​ർ​മാ​ർ, അ​നി​മേ​റ്റ​ർ​മാ​ർ എ​ന്നി​വ​ർ പ​രി​പാ​ടി​ക്ക് നേ​തൃ​ത്വം ന​ൽ​കി.