പത്ത് രൂപക്ക് വിശപ്പടക്കാം: മാതൃകയായി കൊച്ചിയുടെ സമൃദ്ധി ജനകീയ ഹോട്ടൽ

കെ.​എ. ഫൈ​സ​ൽ

കൊ​ച്ചി: 10 രൂ​പ കൈ​യി​ലു​ണ്ടേ​ൽ കൊ​ച്ചി​യി​ലെ​ത്തു​ന്ന ആ​ർ​ക്കും വ​യ​റു​നി​റ​യെ ഊ​ണു​ക​ഴി​ച്ച് മ​ട​ങ്ങാം. പ​ര​മാ​ര റോ​ഡി​ലെ കൊ​ച്ചി ന​ഗ​ര​സ​ഭ​യു​ടെ സ​മൃ​ദ്ധി ജ​ന​കീ​യ ഹോ​ട്ട​ലാ​ണ് വി​ശ​പ്പു​ര​ഹി​ത നാ​ട് സൃ​ഷ്ടി​ക്കു​ന്ന​തി​ൽ സം​സ്ഥാ​ന​ത്തി​ന് മാ​തൃ​ക​യാ​കു​ന്ന​ത്. കു​ടും​ബ​ശ്രീ സ​ഹ​ക​ര​ണ​ത്തോ​ടെ പ്ര​വ​ർ​ത്ത​നം ആ​രം​ഭി​ച്ച് ഒ​ന്ന​ര​വ​ർ​ഷ​ത്തി​നി​ടെ 10 ല​ക്ഷ​ത്തി​ല​ധി​കം ഊ​ണാ​ണ് ഇ​വി​ടെ​നി​ന്ന് വി​ത​ര​ണം ചെ​യ്ത​ത്.

കോ​വി​ഡ് മ​ഹാ​മാ​രി​യു​ടെ കെ​ടു​തി​ക​ൾ നി​ല​നി​ൽ​ക്കു​ന്ന വേ​ള​യി​ൽ കൊ​ച്ചി കോ​ർ​പ​റേ​ഷ​ന്‍റെ നേ​തൃ​ത്വ​ത്തി​ൽ 2021 ഒ​ക്ടോ​ബ​ർ ഏ​ഴി​നാ​ണ് സ​മൃ​ദ്ധി ജ​ന​കീ​യ ഹോ​ട്ട​ലി​ന് തു​ട​ക്കം കു​റി​ച്ച​ത്. ന​ഗ​ര​സ​ഭ​യാ​ണ് ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ളൊ​രു​ക്കി​യ​ത്. വി​വി​ധ സ്ഥാ​പ​ന​ങ്ങ​ളു​ടെ സി.​എ​സ്.​ആ​ർ ഫ​ണ്ടു​ക​ളും സു​മ​ന​സ്സു​ക​ളു​ടെ സ​ഹാ​യ​വു​മെ​ല്ലാം കൂ​ടി​ച്ചേ​ർ​ന്ന​തോ​ടെ സാ​ധാ​ര​ണ​ക്കാ​ർ​ക്കും ചെ​റി​യ വ​രു​മാ​ന​ക്കാ​ർ​ക്കും കു​റ​ഞ്ഞ വി​ല​യി​ൽ വി​ശ​പ്പ​ട​ക്കാ​ൻ ക​ഴി​യു​ന്ന ജ​ന​കീ​യ സ്ഥാ​പ​നം ഇ​വി​ടെ പി​റ​വി​യെ​ടു​ക്ക​ക​യാ​യി​രു​ന്നു. ആ​ദ്യ​ഘ​ട്ട​ത്തി​ൽ പ്ര​ഭാ​ത ഭ​ക്ഷ​ണ​വും പി​ന്നീ​ട് നോ​ൺ വെ​ജ് ഊ​ണും ഒ​ടു​വി​ൽ രാ​ത്രി ഭ​ക്ഷ​ണ​ശാ​ല​യു​മെ​ല്ലാം ഇ​വി​ടെ ആ​രം​ഭി​ച്ചു.

14 ജീ​വ​ന​ക്കാ​രു​മാ​യി പ്ര​വ​ർ​ത്ത​നം ആ​രം​ഭി​ച്ച ഈ ​ജ​ന​ക‍ീ​യ ഭ​ക്ഷ​ണ​ശാ​ല​യി​ലി​പ്പോ​ൾ ജീ​വ​ന​ക്കാ​ർ 60 പേ​രാ​ണ്. ഇ​തി​ൽ 45 പേ​രാ​ക​ട്ടെ സ്ഥി​രം ജീ​വ​ന​ക്കാ​രും. മൂ​ന്ന് ഷി​ഫ്റ്റി​ലാ​യാ​ണ് ഇ​വ​രു​ടെ പ്ര​വ​ർ​ത്ത​നം. കു​ടും​ബ​ശ്രീ​യു​ടെ ഈ​സ്റ്റ്, സൗ​ത്ത് മേ​ഖ​ല​ക​ളി​ലെ മൂ​ന്ന് സി.​ഡി.​എ​സു​ക​ളി​ലെ അം​ഗ​ങ്ങ​ളാ​ണ് ജീ​വ​ന​ക്കാ​രാ​യി പ്ര​വ​ർ​ത്തി​ക്കു​ന്ന​ത്. വി​ശ​ന്ന വ​യ​റു​മാ​യി രാ​വി​ലെ ന​ഗ​ര​ത്തി​ലെ​ത്തു​ന്ന ആ​ർ​ക്കും 20 രൂ​പ കൊ​ടു​ത്താ​ൽ നാ​ല് ഇ​ഡ്​​ഡ​ലി​യും സ്വാ​ദി​ഷ്ട​മാ​യ ച​മ്മ​ന്തി​യും ഇ​വി​ടെ​നി​ന്ന് ക​ഴി​ക്കാം.

രാ​വി​ലെ 10.30വ​രെ ഇ​ഡ്​​ഡ​ലി സാ​മ്പാ​ർ, പൂ​രി​മ​സാ​ല മു​ട്ട​ക്ക​റി തു​ട​ങ്ങി വി​വി​ധ ഇ​ന​ങ്ങ​ൾ പ്രാ​ത​ലാ​യി ല​ഭി​ക്കും. അ​തു​പോ​ലെ ത​ന്നെ​യാ​ണ് ഉ​ച്ച നേ​ര​ത്തും. 10 രൂ​പ കൈ​യി​ലു​ണ്ട​ങ്കി​ൽ വ​യ​റു​നി​റ​യെ ഈ​ണ് ക​ഴി​ക്കാം. ഇ​ന​ത്തി​ന​നു​സ​രി​ച്ച് മു​പ്പ​തോ നാ​ല്പ​തോ രൂ​പ അ​ധി​കം ന​ൽ​കി​യാ​ൽ മീ​ൻ അ​ട​ക്ക​മു​ള്ള സ്പെ​ഷ​ലും ല​ഭി​ക്കും. 15 രൂ​പ നി​ര​ക്കി​ൽ പൊ​തി​ച്ചോ​റും ല​ഭി​ക്കും.

പൊ​തി​ച്ചോ​റു​ക​ള​ട​ക്കം ദി​വ​സേ​ന മൂ​വാ​യി​ര​ത്തി​ല​ധി​കം ഊ​ണാ​ണ് ഇ​വി​ടെ​നി​ന്ന് ചെ​ല​വാ​കു​ന്ന​ത്. പ്ര​തി​ദി​ന ശ​രാ​ശ​രി വ​രു​മാ​ന​മാ​ക​ട്ടെ ഒ​രു ല​ക്ഷ​ത്തി​ന് മു​ക​ളി​ലു​മാ​ണ്. ഒ​രേ​സ​മ​യം 250 പേ​ർ​ക്ക് ഇ​രു​ന്ന് ക​ഴി​ക്കാ​നു​ള്ള സൗ​ക​ര്യ​മാ​ണ് ഇ​പ്പോ​ൾ ഭ​ക്ഷ​ണ ശാ​ല​യി​ലു​ള്ള​ത്. ഏ​ത് തി​ര​ക്കി​നെ​യും മ​റി​ക​ട​ക്കാ​നു​ള്ള ച​ടു​ല​മാ​യ സം​വി​ധാ​ന​ങ്ങ​ളും അ​ണി​യ​റ​യി​ലൊ​രു​ക്കി​യി​ട്ടു​ണ്ട്.

സ​മൃ​ദ്ധി​യെ കു​റി​ച്ച് കേ​ട്ട​റി​ഞ്ഞ് സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന് നി​ര​വ​ധി പേ​രാ​ണ് ദി​വ​സ​വും ഇ​വി​ടെ​യെ​ത്തു​ന്ന​ത്. ദി​വ​സ​ക്കൂ​ലി​ക്കാ​രും ചെ​റി​യ വ​രു​മാ​ന​ക്കാ​രും ഏ​റെ​യു​ള്ള ന​ഗ​ര​ത്തി​ൽ അ​വ​ർ​ക്ക് വ​ലി​യൊ​രു ആ​ശ്വാ​സ​മാ​കു​ക​യാ​ണ് ന​ഗ​ര​സ​ഭ​യു​ടെ ഈ ​ജ​ന​കീ​യ സം​രം​ഭം. ര​ജ​ത ജൂ​ബി​ലി ആ​ഘോ​ഷി​ക്കു​ന്ന കു​ടും​ബ​ശ്രീ​ക്കും അ​വ​രു​ടെ പ്ര​വ​ർ​ത്ത​ന മി​ക​വി​ൽ പൊ​ൻ​തൂ​വ​ലാ​കു​ക​യാ​ണ് ഈ ​ജ​ന​കീ​യ ഹോ​ട്ട​ൽ.