ക​ൺ​സ​ൾ​ട്ട​ൻ​സി ഫീ​സാ​യി കോ​ടി​ക​ൾ ചെ​ല​വ​ഴി​ച്ച്​ കൊ​ച്ചി ന​ഗ​ര​സ​ഭ

കൊ​ച്ചി: വി​വി​ധ പ​ദ്ധ​തി​ക​ൾ​ക്ക്​ കൊ​ച്ചി ന​ഗ​ര​സ​ഭ ക​ൺ​സ​ൾ​ട്ട​ൻ​സി ഫീ​സാ​യി​മാ​ത്രം ന​ൽ​കു​ന്ന​ത്​ കോ​ടി​ക​ൾ. ന​ഗ​ര​സ​ഭ​യു​ടെ സ്മാ​ർ​ട്ട്​ മി​ഷ​ൻ പ​ദ്ധ​തി​യു​മാ​യി (സി.​എ​സ്.​എം.​എ​ൽ) ബ​ന്​​ധ​പെ​ട്ട്​ ക​ൺ​സ​ൾ​ട്ട​ൻ​സി ചാ​ർ​ജാ​യി ന​ൽ​കി​യ​ത്​ 33.21 കോ​ടി​രൂ​പ​യാ​ണ്. വി​വ​രാ​വ​കാ​ശ നി​യ​മ​പ്ര​കാ​രം കൊ​ച്ചി​ൻ സ്മാ​ർ​ട്ട്​ മി​ഷ​ൻ ലി​മി​റ്റ​ഡ്​ ജ​ന​റ​ൽ മാ​നേ​ജ​ർ ന​ൽ​കി​യ മ​റു​പ​ടി​യി​ലാ​ണ്​ ഇ​ക്കാ​ര്യം ചൂ​ണ്ടി​കാ​ട്ടി​യി​രി​ക്കു​ന്ന​ത്.

2022 ഒ​ക്​​ടോ​ബ​ർ 31ലെ ​ക​ണ​ക്കു​പ്ര​കാ​രം 33,20,15,350 രൂ​പ​യാ​ണ്​ മൂ​ന്ന്​ ഏ​ജ​ൻ​സി​ക​ൾ​ക്ക്​ മാ​ത്രം ക​ൺ​സ​ൾ​ട്ട​ൻ​സി ചാ​ർ​ജ്​ ന​ൽ​കി​യ​ത്. സി.​എ​സ്.​എം.​എ​ൽ പ​ദ്ധ​തി​ക്ക്​ ക​ൺ​സോ​ർ​ഷ്യം ഓ​ഫ്​ ഐ.​പി.​ഇ ഗ്ലോ​ബ​ൽ ലി​മി​റ്റ​ഡി​ന്​ 25.30 കോ​ടി​യും കെ.​എം.​ആ​ർ.​എ​ല്ലി​ന്​ 5.46 കോ​ടി​രൂ​പ​യും കെ.​​ഐ.​ഐ.​എ​ഫ്.​ബി​ക്ക്​ 2.44 കോ​ടി​രൂ​പ​യും ക​ൺ​സ​ൾ​ട്ട​ൻ​സി ചാ​ർ​ജ്​ ന​ൽ​കി​യ​താ​യി രേ​ഖ​ക​ൾ വ്യ​ക്​​ത​മാ​ക്കു​ന്നു.

2015 ജൂ​ൺ 25-നാ​ണ്​ പ്ര​ധാ​ന​മ​ന്ത്രി സ്‌​മാ​ർ​ട്ട് സി​റ്റീ​സ് മി​ഷ​ൻ പ​ദ്ധ​തി പ്ര​ഖ്യാ​പി​ച്ച​ത്. ഇ​ന്ത്യാ ഗ​വ​ൺ​മെ​ന്റി​ന്റെ സ്‌​മാ​ർ​ട്ട് സി​റ്റീ​സ് മി​ഷ​നു കീ​ഴി​ൽ തി​ര​ഞ്ഞെ​ടു​ത്ത ആ​ദ്യ​ത്തെ 20 ന​ഗ​ര​ങ്ങ​ളി​ലാ​ണ്​ കൊ​ച്ചി​യും ഉ​ൾ​പ്പെ​ട്ട​ത്. പ്ര​ദേ​ശാ​ധി​ഷ്ഠി​ത വി​ക​സ​ന ത​ന്ത്ര​ങ്ങ​ളി​ലൂ​ടെ നി​ല​വി​ലു​ള്ള ന​ഗ​ര ആ​വാ​സ​വ്യ​വ​സ്ഥ​യെ പു​ന​രു​ജ്ജീ​വി​പ്പി​ക്കു​യാ​ണ് സ്മാ​ർ​ട്ട് സി​റ്റി മി​ഷ​ൻ ല​ക്ഷ്യ​മി​ടു​ന്ന​ത്. അ​ടി​സ്ഥാ​ന സൗ​ക​ര്യ​ങ്ങ​ൾ പ്ര​ദാ​നം ചെ​യ്യു​ന്ന ന​ഗ​ര​ങ്ങ​ളെ പ്രോ​ത്സാ​ഹി​പ്പി​ക്കു​ക​യും പൗ​ര​ന്മാ​ർ​ക്ക് മാ​ന്യ​മാ​യ ജീ​വി​ത നി​ല​വാ​രം ന​ൽ​കു​ക​യും വൃ​ത്തി​യു​ള്ള​തും സു​സ്ഥി​ര​വു​മാ​യ അ​ന്ത​രീ​ക്ഷ​വും 'സ്മാ​ർ​ട്ട്' സൊ​ല്യൂ​ഷ​നു​ക​ളു​ടെ പ്ര​യോ​ഗ​വു​മാ​ണ് മാ​ർ​ട്ട് സി​റ്റി​സ് മി​ഷ​ന്റെ ല​ക്ഷ്യം. ഇ​തി​നാ​യി 2022 ഒ​ക്​​ടോ​ബ​റി​ലെ ക​ണ​ക്കു​​പ്ര​കാ​രം കൊ​ച്ചി ന​ഗ​ര​സ​ഭ​ക്ക്​ 592 കോ​ടി​രൂ​പ ല​ഭി​ച്ച​താ​യും ഇ​തി​ൽ 458 കോ​ടി​രൂ​പ ചെ​ല​വാ​യ​താ​യും വി​വ​രാ​വ​കാ​ശ​രേ​ഖ വ്യ​ക്​​ത​മാ​ക്കു​ന്നു.

2020ൽ ​തീ​ർ​ക്കേ​ണ്ട പ​ദ്ധ​തി​ക്കാ​യി 1500 കോ​ടി​രൂ​പ​യാ​ണ്​ പ്ര​ഖ്യാ​പി​ച്ചി​രു​ന്ന​ത്. ഇ​തി​ൽ 1000കോ​ടി കേ​ന്ദ്ര​ഗ​വ​ൺ​മെ​ന്‍റ്​ ന​ൽ​കു​മെ​ന്നും ബാ​ക്കി 500 കോ​ടി വി​വി​ധ ഏ​ജ​ൻ​സി​ക​ൾ ന​ൽ​കു​മെ​ന്നു​മാ​യി​രു​ന്നു പ്ര​ഖ്യാ​പ​നം. എ​ന്നാ​ൽ പ​ദ്ധ​തി പ്ര​ഖ്യാ​പി​ച്ച്​ ഏ​ഴു​വ​ർ​ഷം ക​ഴി​ഞ്ഞി​ട്ടും 458 കോ​ടി​രൂ​പ​മാ​ത്ര​മാ​ണ്​ ല​ഭി​ച്ച​ത്. സ​മ​യ​ബ​ന്​​ധി​ത​മാ​യി പ​ദ്ധ​തി​ക​ൾ പൂ​ർ​ത്തി​യാ​ക്കാ​ത്ത​തി​നാ​ലാ​ണ്​ 1000 കോ​ടി രൂ​പ ന​ഷ്ട​പെ​ട്ട​ത്. ഇ​തി​ൽ ത​ന്നെ ക​ൺ​സ​ൾ​ട്ട​ൻ​സി​ക്ക്​ വേ​ണ്ടി​മാ​ത്രം 33.21 കോ​ടി​ചെ​ല​വ​ഴി​ച്ച​തി​ലാ​ണ്​ ദു​രൂ​ഹ​ത നി​റ​യു​ന്ന​ത്. ക​ൺ​സ​ൾ​ട്ട​ൻ​സി ഫീ​സ്​ ഇ​ന​ത്തി​ൽ വ​ൻ തു​ക ചെ​ല​വ​ഴി​ക്കു​ന്ന​തി​നു പി​ന്നി​ൽ വ്യ​ക്​​ത​മാ​യ അ​ഴി​മ​തി​യാ​ണ​ന്ന്​ ന​ഗ​ര​സ​ഭ പ്ര​തി​പ​ക്ഷ​നേ​താ​വ്​ ആ​ന്‍റ​ണി കു​രീ​ത്ത​റ ‘മാ​ധ്യ​മ’​ത്തോ​ട്​ പ​റ​ഞ്ഞു. ക​ൺ​സ​ൾ​ട്ട​ൻ​സി നി​ർ​ദ്ദേ​ശി​ക്കു​ന്ന പ​ദ്ധ​തി​ക​ൾ​ക്ക്​ പി​ന്നീ​ട്​ ടെ​ണ്ട​ർ വി​ളി​ച്ചാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്. സി.​എ​സ്.​എം.​എ​ൽ പ​ദ്ധ​തി​ക്ക്​ അ​തേ സ്വ​ഭാ​വ​ത്തി​ലു​ള്ള കെ.​എം.​ആ​ർ.​എ​ല്ലി​നെ​യും കെ.​​ഐ.​ഐ.​എ​ഫ്.​ബി​യെ​യും മ​റ്റും ക​ൺ​സ​ൾ​ട്ട​ൻ​സി ഏ​ൽ​പി​ക്കു​ന്ന​ത്​ വി​രോ​ധാ​ഭാ​സ​മാ​ണെ​ന്നും അ​​ദ്ദേ​ഹം പ​റ​ഞ്ഞു.