അപകടം ഒഴിയാതെ കരയാംപറമ്പ് സിഗ്നൽ ജങ്ഷൻ

അ​ങ്ക​മാ​ലി: ദേ​ശീ​യ​പാ​ത അ​ങ്ക​മാ​ലി ക​ര​യാം​പ​റ​മ്പ് സി​ഗ്ന​ൽ ജ​ങ്ഷ​നി​ൽ അ​പ​ക​ട​മൊ​ഴി​യു​ന്നി​ല്ല. വ്യാ​ഴാ​ഴ്ച രാ​വി​ലെ സി​ഗ്ന​ലി​ൽ ലൈ​റ്റ് തെ​ളി​യു​ന്ന​ത് ക​ണ്ട് പെ​ട്ടെ​ന്ന്​ ബ്രേ​ക്കി​ട്ട കാ​റി​ന് പി​ന്നി​ൽ വ​രു​ക​യാ​യി​രു​ന്ന കെ.​എ​സ്.​ആ​ർ.​ടി.​സി സൂ​പ്പ​ർ​ഫാ​സ്റ്റ് ബ​സ് ഇ​ടി​ച്ചു​ക​യ​റു​ക​യാ​യി​രു​ന്നു. അ​പ​ക​ട​ത്തി​ൽ കാ​റി​ൽ സ​ഞ്ച​രി​ച്ച നാ​ലു​പേ​ർ​ക്ക് നി​സ്സാ​ര പ​രി​ക്കേ​റ്റു. കാ​റി​ന്‍റെ പി​ൻ​ഭാ​ഗം ഭാ​ഗി​ക​മാ​യി ത​ക​ർ​ന്നു. തൃ​ശൂ​രി​ൽ​നി​ന്ന് ക​ട്ട​പ്പ​ന​യി​ലേ​ക്ക് പോ​വു​ക​യാ​യി​രു​ന്ന സൂ​പ്പ​ർ​ഫാ​സ്റ്റ് ബ​സാ​ണ് നി​യ​ന്ത്ര​ണം​തെ​റ്റി അ​പ​ക​ട​ത്തി​ൽ​പെ​ട്ട​ത്.

ക​ര​യാം​പ​റ​മ്പ് മു​ത​ൽ ഇ​രു​വ​ശ​ത്തും സ​ർ​വി​സ് റോ​ഡും കു​ത്ത​നെ താ​ഴ്ച​യു​ള്ള മൂ​ക്ക​ന്നൂ​ർ റോ​ഡും സ്ഥി​തി ചെ​യ്യു​ന്നു. ഈ ​നാ​ൽ​ക്ക​വ​ല​യി​ൽ ആ​റോ​ളം ദി​ശ​ക​ളി​ൽ​നി​ന്നാ​ണ് ദേ​ശീ​യ​പാ​ത കു​റു​കെ ക​ട​ന്ന് ത​ല​ങ്ങും വി​ല​ങ്ങും വാ​ഹ​ന​ങ്ങ​ൾ സ​ഞ്ച​രി​ക്കു​ന്ന​ത്. ദേ​ശീ​യ​പാ​ത​യി​ൽ വ​ശ​ങ്ങ​ളി​ലൂ​ടെ​യും വാ​ഹ​ന​ങ്ങ​ൾ ക​ട​ന്നു​പോ​വു​ക​യും ചെ​യ്യു​ന്ന അ​വ​സ്ഥ​യി​ൽ അ​പ​ക​ട​ങ്ങ​ളും ഗ​താ​ഗ​ത​ക്കു​രു​ക്കും ജീ​വ​ൻ​പൊ​ലി​യു​ന്ന​തും നി​ത്യ​സം​ഭ​വ​മാ​യ​തോ​ടെ​യാ​ണ് നി​ര​വ​ധി പ​രാ​തി​ക്കും പ്ര​തി​ഷേ​ധ​ങ്ങ​ൾ​ക്കു​മൊ​ടു​വി​ൽ ക​ര​യാം​പ​റ​മ്പി​ൽ സി​ഗ്ന​ൽ സം​വി​ധാ​നം വ​ന്ന​ത്.

അ​തി​ന് ശേ​ഷം പാ​ലി​യേ​ക്ക​ര ടോ​ൾ നി​ല​വി​ൽ വ​ന്ന​തോ​ടെ ദേ​ശീ​യ​പാ​ത​യി​ൽ അ​ത്യാ​ധു​നി​ക സം​വി​ധാ​ന​ത്തി​ൽ സ​ഞ്ച​രി​ക്കാ​ൻ സൗ​ക​ര്യ​മൊ​രു​ങ്ങു​ക​യു​മാ​യി​രു​ന്നു. അ​തോ​ടെ മി​ന്ന​ൽ വേ​ഗ​ത്തി​ലാ​യി വാ​ഹ​ന​ങ്ങ​ളു​ടെ സ​ഞ്ചാ​രം. പാ​ലി​യേ​ക്ക​ര മു​ത​ൽ അ​ങ്ക​മാ​ലി വ​രെ കൂ​ടു​ത​ൽ അ​പ​ക​ട​ങ്ങ​ൾ ഉ​ണ്ടാ​കു​ന്ന​ത്​ ക​ര​യാം​പ​റ​മ്പി​ലാ​ണ്. ചാ​ല​ക്കു​ടി ഭാ​ഗ​ത്തു​നി​ന്ന് പാ​ഞ്ഞു​വ​രു​ന്ന വാ​ഹ​ന​ങ്ങ​ൾ ചെ​റി​യ വ​ള​വ് തി​രി​ഞ്ഞ് വ​രു​മ്പോ​ഴാ​ണ് ക​ര​യാം​പ​റ​മ്പി​ലെ സി​ഗ്ന​ൽ കാ​ണു​ന്ന​ത്. പെ​ട്ടെ​ന്ന്​ ബ്രേ​ക്കി​ടാ​ൻ ശ്ര​മി​ക്കു​ന്ന​തോ​ടെ​യാ​ണ്​ വാ​ഹ​ന​ങ്ങ​ൾ നി​യ​ന്ത്ര​ണം​വി​ടു​ന്ന​ത്.

ക​ഴി​ഞ്ഞ ര​ണ്ട​ര മാ​സ​ത്തി​നു​ള്ളി​ൽ 16ലേ​റെ അ​പ​ക​ട​മു​ണ്ടാ​യി. അ​തി​ൽ അ​ഞ്ചോ​ളം കെ.​എ​സ്.​ആ​ർ.​ടി.​സി ബ​സാ​ണ് അ​പ​ക​ട​ത്തി​ൽ​പെ​ട്ടി​ട്ടു​ള്ള​ത്. വ​ട​ക്കു​നി​ന്ന് വ​രു​ന്ന വാ​ഹ​ന​ങ്ങ​ൾ സി​ഗ്ന​ൽ എ​ത്തും​മു​മ്പ് വേ​ഗം കു​റ​ക്കാ​നോ സി​ഗ്ന​ൽ സം​വി​ധാ​ന​ത്തി​ൽ മാ​റ്റം​വ​രു​ത്തു​ക​യോ വേ​ണ​മെ​ന്നാ​ണ് അ​പ​ക​ട​ങ്ങ​ൾ ഇ​ല്ലാ​താ​ക്കാ​ൻ വി​ദ​ഗ്​​ധ​ർ നി​ർ​ദേ​ശി​ക്കു​ന്ന​ത്.