ബസുകളിൽ പരിശോധന; മദ്യപിച്ച സ്കൂൾ ബസ് ഡ്രൈവർമാർ പിടിയിൽ

മ​ട്ടാ​ഞ്ചേ​രി: തോ​പ്പും​പ​ടി​യി​ൽ വ​ഴി​യാ​ത്രി​ക​ൻ അ​മി​ത​വേ​ഗ​ത്തി​ലെ​ത്തി​യ ബ​സ് ഇ​ടി​ച്ചു മ​രി​ച്ച സം​ഭ​വ​ത്തെ തു​ട​ർ​ന്ന് ബ​സു​ക​ളി​ൽ പ​രി​ശോ​ധ​ന ശ​ക്ത​മാ​ക്കി. ര​ണ്ട് സ്വ​കാ​ര്യ സ്കൂ​ളു​ക​ളി​ലെ ബ​സ്, മി​നി വാ​ൻ ഡ്രൈ​വ​ർ​മാ​ർ മ​ദ്യ​പി​ച്ച്​ വാ​ഹ​നം ഓ​ടി​ച്ച​താ​യി പൊ​ലീ​സ് ക​ണ്ടെ​ത്തി. പ​ള്ളു​രു​ത്തി മേ​ഖ​ല​യി​ലെ ര​ണ്ട് പ്ര​ധാ​ന സ്വ​കാ​ര്യ സ്കൂ​ളു​ക​ളി​ലെ ഡ്രൈ​വ​ർ​മാ​രാ​ണ് പ​രി​ശോ​ധ​ന​യി​ൽ പി​ടി​ക്ക​പ്പെ​ട്ട​ത്. ഇ​വ​ർ​ക്കെ​തി​രെ പൊ​ലീ​സ് ന​ട​പ​ടി​യെ​ടു​ത്തു. ര​ണ്ട് ദി​വ​സ​ങ്ങ​ളി​ലാ​യി പ​ശ്ചി​മ കൊ​ച്ചി മേ​ഖ​ല​യി​ൽ​നി​ന്ന് 280 ഓ​ളം ബ​സു​ക​ളി​ലാ​ണ് പൊ​ലീ​സ് പ​രി​ശോ​ധ​ന ന​ട​ത്തി​യ​ത്. ഞാ​യ​റാ​ഴ്ച ന​ട​ത്തി​യ പ​രി​ശോ​ധ​ന​യി​ൽ മ​ദ്യ​പി​ച്ച് വാ​ഹ​ന​മോ​ടി​ച്ച​തി​ന് ഒ​രാ​ൾ​ക്കെ​തി​രെ​യും അ​മി​ത വേ​ഗ​ത്തി​ൽ ബ​സ് ഓ​ടി​ച്ച​തി​ന് ര​ണ്ട് പേ​ർ​ക്കെ​തി​രെ​യും കേ​സെ​ടു​ത്തു. കൂ​ടാ​തെ വി​വി​ധ ന്യൂ​ന​ത​ക​ൾ ക​ണ്ട പ​തി​നേ​ഴ് ബ​സു​ക​ൾ​ക്ക് പി​ഴ ചു​മ​ത്തു​ക​യും ചെ​യ്തി​രു​ന്നു. 148 ബ​സു​ക​ളി​ലാ​ണ് ഞാ​യ​റാ​ഴ്ച പ​രി​ശോ​ധ​ന ന​ട​ത്തി​യ​ത്. തി​ങ്ക​ളാ​ഴ്ച 135 സ്വ​കാ​ര്യ ബ​സു​ക​ൾ പൊ​ലീ​സ് പ​രി​ശോ​ധി​ച്ചു. ഏ​ഴ് ബ​സു​ക​ൾ​ക്കെ​തി​രെ പി​ഴ ചു​മ​ത്തി.