മറഞ്ഞത് സാനു മാഷിന്‍റെ തണൽ

കൊ​ച്ചി: തി​ര​ക്കേ​റി​യ അ​ധ്യാ​പ​ക, പൊ​തു​പ്ര​വ​ർ​ത്ത​ന, സാ​ഹി​ത്യ​ജീ​വി​ത​ത്തി​ൽ പ്ര​ഫ. എം.​കെ. സാ​നു​വി​ന് എ​ന്നും ത​ണ​ലാ​യി​രു​ന്നു ചൊ​വ്വാ​ഴ്ച വി​ട​പ​റ​ഞ്ഞ പ്രി​യ ഭാ​ര്യ ര​ത്ന​മ്മ. ഏ​താ​നും നാ​ളു​ക​ളാ​യി വീ​ട്ടി​ൽ ചി​കി​ത്സ​യി​ലാ​യി​രു​ന്നു അ​വ​ർ. തി​രു​ക്കൊ​ച്ചി സം​സ്ഥാ​ന​ത്തെ മു​ൻ ആ​രോ​ഗ്യ​മ​ന്ത്രി വി. ​മാ​ധ​വ​ന്‍റെ മ​ക​ളാ​യ ര​ത്ന​മ്മ​യെ 70 വ​ർ​ഷം മു​മ്പാ​ണ് എം.​കെ. സാ​നു വി​വാ​ഹം ചെ​യ്ത​ത്. വി. ​മാ​ധ​വ​ന്‍റെ അ​ഞ്ച് മ​ക്ക​ളി​ൽ മൂ​ന്നാ​മ​ത്തെ​യാ​ളാ​യി​രു​ന്നു ര​ത്ന​മ്മ.

പൊ​തു​ജീ​വി​ത​ത്തി​ൽ സ​ജീ​വ​മാ​യ സാ​നു​വി​നെ കാ​ണാ​ൻ നി​ര​വ​ധി പേ​ർ കാ​രി​ക്കാ​മു​റി​യി​ലെ ‘സ​ന്ധ്യ’​യെ​ന്ന വീ​ട്ടി​ലെ​ത്താ​റു​ണ്ടാ​യി​രു​ന്നു. അ​വ​ർ​ക്കൊ​ക്കെ ഭ​ക്ഷ​ണം ന​ൽ​കി​യും സൗ​ഹൃ​ദം പ​ങ്കു​വെ​ച്ചും ര​ത്ന​മ്മ സാ​നു​വി​നൊ​പ്പം ചേ​ർ​ന്നു​നി​ന്നു. തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന കാ​ല​ത്ത് നൂ​റു​ക​ണ​ക്കി​ന് പ്ര​വ​ർ​ത്ത​ക​രാ​യി​രു​ന്നു വീ​ട്ടി​ൽ എ​ത്തി​യി​രു​ന്ന​ത്. അ​വ​ർ​ക്കൊ​ക്കെ ഭ​ക്ഷ​ണം വെ​ച്ചു​വി​ള​മ്പി.

ഓ​ർ​മ​ക്കു​റ​വു​ണ്ടാ​യി കി​ട​പ്പി​ലാ​യ കാ​ല​ത്തും മാ​ഷ് അ​ടു​ത്തെ​ത്തി വി​ളി​ക്കു​മ്പോ​ൾ ഒ​രു മൂ​ള​ൽ​കൊ​ണ്ട് അ​മ്മ പ്ര​തി​ക​രി​ക്കാ​റു​ണ്ടാ​യി​രു​ന്നു​വെ​ന്ന് മ​ക​ൾ പ​റ​ഞ്ഞി​ട്ടു​ണ്ട്. രാ​ഷ്ട്രീ​യ, സാ​മൂ​ഹി​ക, സാം​സ്കാ​രി​ക രം​ഗ​ത്തെ പ്ര​മു​ഖ​രും മ​ഹാ​രാ​ജാ​സി​ലെ സാ​നു​വി​ന്‍റെ സ​ഹ​പ്ര​വ​ർ​ത്ത​ക​രും ശി​ഷ്യ​രു​മ​ട​ങ്ങു​ന്ന വ​ലി​യ സം​ഘം ര​ത്ന​മ്മ​യെ അ​വ​സാ​ന​മാ​യി ഒ​രു​നോ​ക്ക് കാ​ണാ​ൻ വീ​ട്ടി​ലെ​ത്തി.