ദുരിതമൊഴിയാതെ കായൽതീരവാസികൾ

പ​ള്ളു​രു​ത്തി: ക​ന​ത്ത വേ​ലി​യേ​റ്റ​വും ശ​ക്ത​മാ​യ മ​ഴ​യും ഒ​ന്നി​ച്ചെ​ത്തി​യ​തോ​ടെ ദു​രി​തം വി​ട്ടൊ​ഴി​യാ​തെ കാ​യ​ൽ​തീ​ര​ത്തെ താ​മ​സ​ക്കാ​ർ. ക​ഴി​ഞ്ഞ നാ​ലു ദി​വ​സ​മാ​യി ശ​ക്ത​മാ​യ വേ​ലി​യേ​റ്റ​മാ​ണ് തീ​ര​ത്ത് അ​നു​ഭ​വ​പ്പെ​ടു​ന്ന​ത്. പെ​രു​മ്പ​ട​പ്പ്, കു​മ്പ​ള​ങ്ങി, കോ​വ​ളം, ശം​ഖു​ത​റ, മു​ണ്ടം​വേ​ലി എ​ന്നി​വി​ട​ങ്ങ​ളി​ലാ​ണ് വേ​ലി​യേ​റ്റം ശ​ക്ത​മാ​യി അ​നു​ഭ​വ​പ്പെ​ടു​ന്ന​ത്. എ​ക്ക​ൽ നി​റ​ഞ്ഞ​തോ​ടെ വേ​ലി​യേ​റ്റ സ​മ​യ​ത്ത് കാ​യ​ലി​ൽ എ​ത്തു​ന്ന ജ​ലം ഉ​ൾ​ക്കൊ​ള്ളാ​നാ​കാ​തെ നി​റ​ഞ്ഞൊ​ഴു​കു​ക​യാ​ണ്.

സം​ര​ക്ഷ​ണ​ഭി​ത്തി​ക​ൾ ഇ​ല്ലാ​ത്ത​യി​ട​ങ്ങ​ളി​ലൂ​ടെ വെ​ള്ളം തീ​ര​ത്തെ വീ​ടു​ക​ളി​ലേ​ക്കും ക​യ​റും. കാ​യ​ലി​ൽ എ​ക്ക​ൽ നി​റ​യു​ന്ന​ത​നു​സ​രി​ച്ച് ഓ​രോ വേ​ലി​യേ​റ്റ ദി​ന​ങ്ങ​ളി​ലും വെ​ള്ളം ക​യ​റു​ന്ന​ത് കൂ​ടി​വ​രു​ക​യാ​ണെ​ന്ന് തീ​ര​ത്ത് താ​മ​സി​ക്കു​ന്ന കു​ടും​ബ​ങ്ങ​ൾ പ​റ​യു​ന്നു. വെ​ള്ള​ത്തി​നൊ​പ്പം ഇ​ഴ​ജ​ന്തു​ക്ക​ളും വീ​ടു​ക​ളി​ലേ​ക്ക് എ​ത്തു​ന്നു​ണ്ട്.

കാ​യ​ലി​ൽ​നി​ന്ന്​ ഉ​പ്പു​വെ​ള്ളം ക​യ​റു​ന്ന​തി​നാ​ൽ ഭി​ത്തി​ക​ൾ ദ്ര​വി​ക്കു​ന്ന​ത് വീ​ടു​ക​ളു​ടെ ത​ക​ർ​ച്ച​ക്കും കാ​ര​ണ​മാ​കു​ക​യാ​ണ്. ചെ​ടി​ക​ൾ മു​ത​ൽ വൃ​ക്ഷ​ങ്ങ​ൾ വ​രെ ക​രി​ഞ്ഞു​ണ​ങ്ങു​ന്നു. വീ​ടു​ക​ളി​ൽ​വെ​ക്കു​ന്ന സൈ​ക്കി​ൾ, ഇ​രു​ച​ക്ര​വാ​ഹ​ന​ങ്ങ​ൾ എ​ന്നി​വ​യും തു​രു​മ്പെ​ടു​ത്ത് ന​ശി​ക്കു​ന്നു. ഇ​ത്ര​യെ​ല്ലാം ദു​രി​തം കാ​യ​ലോ​ര വാ​സി​ക​ൾ അ​നു​ഭ​വി​ക്കു​മ്പോ​ഴും എ​ക്ക​ൽ നീ​ക്കം ചെ​യ്യു​ന്നി​ല്ല.

എ​ക്ക​ൽ നീ​ക്ക​ത്തി​നാ​യി കോ​ടി​ക​ളു​ടെ പ​ദ്ധ​തി​ക​ൾ അ​ധി​കൃ​ത​ർ ആ​വി​ഷ്ക​രി​ക്കു​മെ​ങ്കി​ലും പ്ര​വ​ർ​ത്ത​നം ന​ട​ക്കാ​റി​ല്ല. തീ​ര​ത്തെ കൈ​യേ​റ്റ​ങ്ങ​ൾ കൂ​ടു​ന്ന​തും വേ​ലി​യേ​റ്റം രൂ​ക്ഷ​മാ​ക്കു​ന്നു. കൈ​യേ​റ്റ​ങ്ങ​ൾ നി​യ​ന്ത്രി​ക്കാ​നും ന​ട​പ​ടി​യി​ല്ല. തീ​ര​വാ​സി​ക​ളാ​ക​ട്ടെ എ​ക്ക​ൽ നീ​ക്ക​ത്തി​നാ​യി സ​മ​രം ചെ​യ്ത് മ​ടു​ത്തു. വേ​ലി​യേ​റ്റ​ത്തി​ൽ പൊ​റു​തി​മു​ട്ടി നി​ൽ​ക്കു​മ്പോ​ഴാ​ണ് കൂ​നി​ൻ​മേ​ൽ കു​രു​വെ​ന്ന​ത് പോ​ലെ ക​ഴി​ഞ്ഞ ദി​വ​സ​ങ്ങ​ളി​ലെ ശ​ക്ത​മാ​യ മ​ഴ​യും തീ​ര​വാ​സി​ക​ളെ കൊ​ടും​ദു​രി​ത​ത്തി​ലാ​ക്കി​യ​ത്.

നൂ​റു​ക​ണ​ക്കി​ന് വീ​ടു​ക​ളി​ൽ വെ​ള്ളം ക​യ​റു​ക​യാ​ണ്. പ​ല വീ​ടു​ക​ളി​ൽ​നി​ന്നും പ്രാ​യ​മാ​യ​വ​രെ ബ​ന്ധു വീ​ടു​ക​ളി​ലേ​ക്ക് മാ​റ്റി. കു​ട്ടി​ക​ൾ​ക്ക് അ​സു​ഖ​ങ്ങ​ളും പി​ടി​പെ​ടു​ന്നു​ണ്ട്. തീ​ര​മേ​ഖ​ല​യി​ലെ റോ​ഡു​ക​ളി​ൽ​നി​ന്നും ഇ​ട​റോ​ഡു​ക​ളി​ൽ​നി​ന്നും വെ​ള്ളം വി​ട്ടൊ​ഴി​യു​ന്നി​ല്ല. അ​ധി​കാ​രി​ക​ൾ ഇ​നി​യെ​ങ്കി​ലും ക​ണ്ണ് തു​റ​ക്ക​ണ​മെ​ന്നും കാ​യ​ലി​ൽ​നി​ന്ന്​ എ​ക്ക​ൽ നീ​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.