ഗോ​തു​രു​ത്ത് കാ​റ​പ​ക​ടം; മൂ​ന്നു​ പേ​ർ​ക്ക്​ ര​ക്ഷ​യാ​യ​ത്​ നാ​ലം​ഗ സം​ഘ​ത്തി​ന്‍റെ ദ്രു​ത​നീ​ക്കം

പ​റ​വൂ​ർ: ഗോ​തു​രു​ത്തി​ൽ നി​യ​ന്ത്ര​ണം വി​ട്ട കാ​ർ പു​ഴ​യി​ലേ​ക്ക് മ​റി​ഞ്ഞ് അ​പ​ക​ട​ത്തി​ൽ​പെ​ട്ട മൂ​ന്നു​പേ​രു​ടെ ജീ​വ​ൻ തി​രി​ച്ചു​കി​ട്ടി​യ​ത് പി​ന്നി​ൽ നാ​ലം​ഗ സം​ഘ​ത്തി​ന്‍റെ മു​ന്നും പി​ന്നും ആ​ലോ​ചി​ക്കാ​തെ​യു​ള്ള ര​ക്ഷാ​പ്ര​വ​ർ​ത്ത​നം.

ഞാ​യ​റാ​ഴ്ച പു​ല​ർ​ച്ച ഒ​ന്നി​നാ​ണ് ഗോ​തു​രു​ത്ത് ക​ട​ൽ​വാ​തു​രു​ത്ത് പെ​രി​യാ​റി​ന്‍റെ കൈ​വ​ഴി​യി​ലാ​ണ് നാ​ടി​നെ ന​ടു​ക്കി​യ ദു​ര​ന്തം ന​ട​ന്ന​ത്. അ​പ​ക​ട​ത്തി​ൽ കൊ​ടു​ങ്ങ​ല്ലൂ​ർ ക്രാ​ഫ്റ്റ് ആ​ശു​പ​ത്രി​യു​ടെ കീ​ഴി​ലു​ള്ള എ.​ആ​ർ സൂ​പ്പ​ർ സ്പെ​ഷാ​ലി​റ്റി ആ​ശു​പ​ത്രി​യി​ലെ യു​വ ഡോ​ക്ട​ർ​മാ​രാ​ണ് മ​രി​ച്ച​ത്.

വ​ട​ക്കും​പു​റ​ത്ത് കെ​ട്ടി​ട നി​ർ​മാ​ണ​ത്തി​ന് വ​ന്ന മ​ല​പ്പു​റം എ​ട​വ​ണ്ണ സ്വ​ദേ​ശി അ​ബ്ദു​ൽ ഹ​ഖാ​ണ് സം​ഭ​വം ആ​ദ്യം കാ​ണു​ന്ന​ത്. ഉ​ട​ൻ ഇ​ദ്ദേ​ഹം കൂ​ടെ​യു​ള്ള​വ​രെ വി​ളി​ച്ചു​വ​രു​ത്തി ര​ക്ഷാ പ്ര​വ​ർ​ത്ത​ന​ത്തി​ന് ഇ​റ​ങ്ങി.

സു​രേ​ഷ് എ​ട​വ​ണ്ണ​പ്പാ​റ, ഷം​നാ​ദ്, സ​ൽ​മാ​ൻ കാ​വ​നൂ​ർ എ​ന്നി​വ​രാ​ണ് അ​ബ്ദു​ൽ ഹ​ഖി​ന്‍റെ സ​ഹ​പ്ര​വ​ർ​ത്ത​ക​രാ​യി ഉ​ണ്ടാ​യ​ത്. ജ​ലോ​ത്സ​വ​ങ്ങ​ളി​ൽ ഗോ​തു​രു​ത്തു​പു​ത്ര​ൻ ഇ​രു​ട്ടു​കു​ത്തി വ​ള്ളം തു​ഴ​യു​ന്ന കേ​ര​ള പൊ​ലീ​സ് ബോ​ട്ട് ക്ല​ബ് ടീം ​അം​ഗ​ങ്ങ​ളും ര​ക്ഷാ പ്ര​വ​ർ​ത്ത​ന​ത്തി​നി​റ​ങ്ങി​യ​ത് ഇ​വ​ർ​ക്ക് തു​ണ​യാ​യി. അ​ബ്ദു​ൽ ഹ​ഖും സം​ഘ​വും ന​ട​ത്തി​യ ച​ടു​ല​മാ​യ നീ​ക്ക​ങ്ങ​ളാ​ണ് മ​റ്റ് മൂ​ന്നു​പേ​രു​ടെ ജീ​വ​ൻ ര​ക്ഷി​ക്കാ​ൻ ക​ഴി​ഞ്ഞ​ത്.