പുഴയോരത്ത് മാലിന്യം തള്ളിയത് തിരികെ വാരിച്ചു; പിഴയും ഈടാക്കി

മൂ​വാ​റ്റു​പു​ഴ: മാ​റാ​ടി ഗ്രാ​മ​പ​ഞ്ചാ​യ​ത്തി​ലെ കാ​യ​നാ​ട് മ​റ്റേ​പാ​ട​ത്ത് പു​ഴ​യോ​ട് ചേ​ർ​ന്ന്​ മാ​ലി​ന്യം ത​ള്ളി​യ സം​ഘ​ത്തി​ൽ​നി​ന്ന്​ 25,000 രൂ​പ പി​ഴ ഈ​ടാ​ക്കി.

മാ​ലി​ന്യം തി​രി​കെ വാ​രി​ക്കു​ക​യും ചെ​യ്തു. ക​ഴി​ഞ്ഞ ദി​വ​സം രാ​ത്രി​യാ​ണ് സ്വ​കാ​ര്യ വ്യ​ക്തി​യു​ടെ സ്ഥ​ല​ത്തോ​ട് ചേ​ർ​ന്ന് പു​ഴ​യോ​ര​ത്ത് കെ​ട്ടി​ട അ​വ​ശി​ഷ്ട​ങ്ങ​ൾ അ​ട​ക്കം മാ​ലി​ന്യ​ങ്ങ​ൾ ത​ള്ളി​യ​ത്. രാ​ത്രി​യു​ടെ മ​റ​വി​ൽ ലോ​ഡു​ക​ണ​ക്കി​ന് മാ​ലി​ന്യം ത​ള്ളി​യ വി​വ​ര​മ​റി​ഞ്ഞ് എ​ത്തി​യ പ​ഞ്ചാ​യ​ത്ത് പ്ര​സി​ഡ​ന്‍റ്​ ഒ.​പി. ബേ​ബി, മാ​ലി​ന്യം ത​ള്ളി​യ പ​റ​വൂ​ർ സ്വ​ദേ​ശി​യാ​യ വാ​ഹ​ന ഉ​ട​മ​യെ വി​ളി​ച്ചു​വ​രു​ത്തി പി​ഴ ഈ​ടാ​ക്കി​യ​ശേ​ഷം മാ​ലി​ന്യം മു​ഴു​വ​ൻ തി​രി​കെ വാ​രി​ക്കു​ക​യാ​യി​രു​ന്നു.

മാ​റാ​ടി മാ​ലി​ന്യ​മു​ക്ത പ​ഞ്ചാ​യ​ത്താ​യി പ്ര​ഖ്യാ​പി​ക്കാ​നി​രി​ക്കെ​യാ​ണ് ലോ​ഡു​ക​ണ​ക്കി​ന് മാ​ലി​ന്യ​ങ്ങ​ൾ ത​ള്ളി​യ​ത്. മാ​ലി​ന്യ മു​ക്ത പ​ഞ്ചാ​യ​ത്താ​ക്കു​ന്ന​തി​ന്‍റെ ഭാ​ഗ​മാ​യി ഇ​തി​ലെ ക​ട​ന്നു​പോ​കു​ന്ന എം.​സി റോ​ഡും മൂ​വാ​റ്റു​പു​ഴ -പി​റ​വം റോ​ഡും ഉ​ൾ​പ്പെ​ടെ ഭാ​ഗ​ങ്ങ​ളി​ൽ​നി​ന്ന് ലോ​ഡു​ക​ണ​ക്കി​ന് മാ​ലി​ന്യ​ങ്ങ​ൾ നീ​ക്കം ചെ​യ്തി​രു​ന്നു. ജ​ന​പ്ര​തി​നി​ധി​ക​ളു​ടെ​യും ആ​രോ​ഗ്യ​പ്ര​വ​ർ​ത്ത​ക​രു​ടെ​യും അ​ട​ക്കം സ​ഹാ​യ​ത്തോ​ടെ നാ​ലു​ത​വ​ണ പ​ഞ്ചാ​യ​ത്തി​ലെ മൊ​ത്തം മാ​ലി​ന്യ​ങ്ങ​ൾ നീ​ക്കം ചെ​യ്തു. ഇ​തി​നി​ടെ​യാ​ണ് വീ​ണ്ടും മാ​ലി​ന്യം ത​ള്ളി​യ​ത്.

ഈ ​സാ​മ്പ​ത്തി​ക വ​ർ​ഷം പ​ഞ്ചാ​യ​ത്തി​ന്‍റെ വി​വി​ധ സ്ഥ​ല​ങ്ങ​ളി​ൽ കാ​മ​റ സ്ഥാ​പി​ക്കു​മെ​ന്നും മാ​ലി​ന്യം ത​ള്ളു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും പ്ര​സി​ഡ​ന്‍റ്​ അ​റി​യി​ച്ചു.