റിഫൈനറിയിലെ ഫർണസ് ഓയിൽ നഗരമധ്യത്തിൽ ചോർന്നു

കൊ​ച്ചി: അ​മ്പ​ല​മേ​ട്ടി​ലെ കൊ​ച്ചി​ൻ റി​ഫൈ​ന​റി​യി​ൽ നി​ന്നു​മു​ള്ള പൈ​പ്പ്​ ലൈ​നി​ൽ നി​ന്ന് ന​ഗ​ര​മ​ധ്യ​ത്തി​ൽ ഫ​ർ​ണ​സ് ഓ​യി​ൽ ചോ​ർ​ന്നു. കാ​രി​ക്കാ​മു​റി ക്രോ​സ് റോ​ഡി​ൽ വ്യാ​ഴാ​ഴ്ച വൈ​കീ​ട്ട് മൂ​ന്നോ​ടെ​യാ​ണ് സം​ഭ​വം. ഓ​യി​ൽ ചോ​ർ​ച്ച ജ​ന​ങ്ങ​ൾ​ക്കി​ട​യി​ൽ പ​രി​ഭ്രാ​ന്തി പ​ര​ത്തി. ടി.​ജെ. വി​നോ​ദ് എം.​എ​ൽ.​എ​യു​ടെ ഓ​ഫി​സി​നു സ​മീ​പ​മാ​ണ് ചോ​ർ​ച്ച​യു​ണ്ടാ​യ​ത്.

ഇ​രു​മ്പു​പൈ​പ്പി​ലൂ​ടെ​യാ​ണ് ഓ​യി​ൽ ക​ട​ത്തി വി​ടു​ന്ന​ത്. ചോ​ർ​ച്ച​യെ തു​ട​ർ​ന്ന് സ​മീ​പ​ത്തെ ഓ​ട​ക​ളി​ലെ​ല്ലാം ഓ​യി​ൽ നി​റ​ഞ്ഞു. ക​പ്പ​ലി​ന്‍റെ ആ​വ​ശ്യ​ത്തി​നാ​യി റി​ഫൈ​ന​റി​യി​ൽ നി​ന്ന് തു​റ​മു​ഖ​ത്തേ​ക്ക് പ​മ്പ് ചെ​യ്യു​ന്ന ഫ​ർ​ണ​സ് ഓ​യി​ലാ​ണ് ചോ​ർ​ന്ന​ത്. തു​ട​ർ​ന്ന് പ്ര​ദേ​ശ​ത്ത് ഓ​യി​ലി​ന്‍റെ രൂ​ക്ഷ​ഗ​ന്ധം പ​ട​ർ​ന്നു. നാ​ട്ടു​കാ​ർ വി​വ​ര​മ​റി​യി​ച്ച​തി​നു​പി​ന്നാ​ലെ റി​ഫൈ​ന​റി അ​ധി​കൃ​ത​ർ, ഫ​യ​ർ​ഫോ​ഴ്സ്, പൊ​ലീ​സ് എ​ന്നി​വ​ർ സം​ഭ​വ​സ്ഥ​ല​ത്തെ​ത്തി.

അ​ധി​കൃ​ത​രു​ടെ നേ​തൃ​ത്വ​ത്തി​ൽ ചോ​ർ​ച്ച അ​ട​യ്ക്കാ​നാ​യി കാ​രി​ക്കാ​മു​റി​യി​ലെ​യും ബോ​ട്ട് ജെ​ട്ടി​യ്ക്ക് സ​മീ​പ​ത്തെ​യും വാ​ൽ​വു​ക​ൾ അ​ട​ച്ചു. റി​ഫൈ​ന​റി ഉ​ദ്യോ​ഗ​സ്ഥ​ർ സ്ഥ​ലം പ​രി​ശോ​ധി​ച്ച് സ​ക്ഷ​ൻ മെ​ഷീ​ൻ ഉ​പ​യോ​ഗി​ച്ച് ഓ​ട​ക​ളി​ൽ നി​ന്ന് ഓ​യി​ൽ വ​ലി​ച്ചെ​ടു​ത്തു. ഏ​റെ മ​ണി​ക്കൂ​റു​ക​ളെ​ടു​ത്താ​ണ് ഓ​യി​ൽ വ​ലി​ച്ചെ​ടു​ത്ത​ത്.

ഇ​തി​നുശേ​ഷം അ​വ​ശേ​ഷി​ച്ച ഓ​യി​ലി​ന്‍റെ അം​ശം ഫോം ​ഉ​പ​യോ​ഗി​ച്ച് വെ​ള്ള​ത്തി​ൽ അ​ലി​യി​പ്പി​ക്കു​ക​യും ചെ​യ്യും. റോ​ഡി​ലെ സ്ലാ​ബ് മാ​റ്റി പൈ​പ്പി​ന്‍റെ ചോ​ർ​ച്ച പ​രി​ഹ​രി​ക്കു​മെ​ന്നും ബ​ന്ധ​പ്പെ​ട്ട​വ​ർ അ​റി​യി​ച്ചു. വ്യാ​ഴാ​ഴ്ച ഉ​ച്ച​യോ​ടെ​യാ​ണ് ഓ​യി​ൽ ചോ​ർ​ന്ന​തെ​ങ്കി​ലും ര​ണ്ടു ദി​വ​സം മു​മ്പു ത​ന്നെ സ്ഥ​ല​ത്ത് ഫ​ർ​ണ​സ് ഓ​യി​ലി​ന്‍റെ ഗ​ന്ധം ഉ​ണ്ടാ​യി​രു​ന്ന​താ​യി സെ​ൻ​ട്ര​ൽ പൊ​ലീ​സ് ചൂ​ണ്ടി​ക്കാ​ട്ടി.

എ​ന്നാ​ൽ എ​ല്ലാ ദി​വ​സ​വും പ​മ്പി​ങ് ന​ട​ക്കാ​റി​ല്ലെ​ന്നാ​ണ് റി​ഫൈ​ന​റി അ​ധി​കൃ​ത​ർ വ്യ​ക്ത​മാ​ക്കി​യ​ത്. തീ ​പി​ടി​ക്കാ​ൻ സാ​ധ്യ​ത​യു​ണ്ടെ​ങ്കി​ലും ഫ​ർ​ണ​സ് ഓ​യി​ൽ ആ​ളി​ക്ക​ത്തി​ല്ല. എ​ങ്കി​ലും സു​ര​ക്ഷാ കാ​ര​ണ​ങ്ങ​ളാ​ൽ റോ​ഡി​ന്‍റെ ഇ​രു​വ​ശ​വും പൊ​ലീ​സ് അ​ട​ച്ചു. ടി.​ജെ. വി​നോ​ദ് എം.​എ​ൽ.​എ സം​ഭ​വ​സ്ഥ​ല​ത്തെ​ത്തി സ്ഥി​തി​ഗ​തി​ക​ൾ വി​ല​യി​രു​ത്തി.