മനുഷ്യാവകാശ കമീഷന്‍റെ പേരിൽ തട്ടിപ്പ്​; പരാതി വർധിക്കുന്നതായി കമീഷൻ

കൊ​ച്ചി: മ​നു​ഷ്യാ​വ​കാ​ശ ക​മീ​ഷ​ൻ എ​ന്നോ അ​തി​ന് സ​മാ​ന പേ​രു​ക​ൾ പ​റ​ഞ്ഞോ പ​ല​രും ജ​ന​ങ്ങ​ളെ സ​മീ​പി​ക്കു​ന്ന​താ​യി ധാ​രാ​ളം പ​രാ​തി​ക​ൾ ക​മീ​ഷ​ന് ല​ഭി​ക്കു​ന്നു​ണ്ടെ​ന്ന് അ​ധ്യ​ക്ഷ​ൻ ജ​സ്റ്റി​സ് ആ​ന്‍റ​ണി ഡൊ​മി​നി​ക്.

മ​നു​ഷ്യാ​വ​കാ​ശ ക​മീ​ഷ​ൻ വൈ​സ് ചെ​യ​ർ​മാ​ൻ എ​ന്ന വ്യാ​ജ ബോ​ർ​ഡ് സ്ഥാ​പി​ച്ച വാ​ഹ​ന​ത്തി​ൽ ര​ണ്ടു പേ​രെ​ത്തി ഭീ​ഷ​ണി​പ്പെ​ടു​ത്തി​യ സം​ഭ​വ​ത്തി​ൽ കോ​ത​മം​ഗ​ലം പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ലെ അ​ന്വേ​ഷ​ണം കാ​ല​താ​മ​സം കൂ​ടാ​തെ പൂ​ർ​ത്തി​യാ​ക്ക​ണ​മെ​ന്നും ക​മീ​ഷ​ൻ ആ​വ​ശ്യ​പ്പെ​ട്ടു.

ഇ​ക്ക​ഴി​ഞ്ഞ ജൂ​ലൈ ആ​റി​ന് ചു​വ​പ്പ്​ ബോ​ർ​ഡ്​ സ്ഥാ​പി​ച്ച വാ​ഹ​ന​ത്തി​ലെ​ത്തി​യ ര​ണ്ടു​പേ​ർ ത​ന്നെ ഭീ​ഷ​ണി​പ്പെ​ടു​ത്തി​യെ​ന്നാ​ണ് കോ​ത​മം​ഗ​ലം വെ​ണ്ടു​വ​ഴി സ്വ​ദേ​ശി​നി ല​ളി​ത​യു​ടെ പ​രാ​തി.

എ​റ​ണാ​കു​ളം റൂ​റ​ൽ ജി​ല്ല ​പൊ​ലീ​സ് മേ​ധാ​വി​യി​ൽ​നി​ന്നും ക​മീ​ഷ​ൻ റി​പ്പോ​ർ​ട്ട് വാ​ങ്ങി.

പ്ര​തി​ക​ളെ അ​റ​സ്റ്റ് ചെ​യ്തി​ട്ടു​ണ്ടെ​ന്നും വാ​ഹ​നം ക​സ്റ്റ​ഡി​യി​ലെ​ടു​ത്തെ​ന്നും റി​പ്പോ​ർ​ട്ടി​ൽ പ​റ​യു​ന്നു.

കേ​സി​ൽ തു​ട​ർ​ന​ട​പ​ടി സ്വീ​ക​രി​ക്കാ​ൻ കോ​ത​മം​ഗ​ലം പൊ​ലീ​സ് ഇ​ൻ​സ്പെ​ക്ട​ർ​ക്കാ​ണ് ഉ​ത്ത​ര​വ് ന​ൽ​കി​യ​ത്.