കൊച്ചി താലൂക്കിൽ ഹാജർ രേഖപ്പെടുത്താൻ ഇന്നുമുതൽ ഫെയ്സ് ആപ്പ്

ഫോ​ർ​ട്ട്​​കൊ​ച്ചി: ഭ​ര​ണ ന​വീ​ക​ര​ണ ഭാ​ഗ​മാ​യി ജീ​വ​ന​ക്കാ​രു​ടെ ഹാ​ജ​ർ രേ​ഖ​പ്പെ​ടു​ത്തു​ന്ന​തി​ന് ഫെ​യ്സ് ആ​പ്പ് സം​വി​ധാ​ന​വു​മാ​യി കൊ​ച്ചി താ​ലൂ​ക്ക്. സം​വി​ധാ​നം ചൊ​വ്വാ​ഴ്ച മു​ത​ൽ പ്രാ​ബ​ല്യ​ത്തി​ൽ വ​രും. ജീ​വ​ന​ക്കാ​രു​ടെ കൃ​ത്യ​നി​ഷ്ഠ​ത ഉ​റ​പ്പ് വ​രു​ത്തു​ന്ന​തി​നാ​യി ആ​ധാ​ർ അ​ധി​ഷ്ഠി​ത സ്പാ​ർ​ക്ക് ബ​ന്ധി​ത പ​ഞ്ചി​ങ് സ​മ്പ്ര​ദാ​യം സ്ഥാ​പി​ക്കു​ക​യാ​ണ് ല​ക്ഷ്യം. ജി​ല്ല​യി​ൽ ഈ ​സ​മ്പ്ര​ദാ​യം ന​ട​പ്പാ​ക്കു​ന്ന ആ​ദ്യ​ത്തെ താ​ലൂ​ക്കാ​ണ് കൊ​ച്ചി.

ജീ​വ​ന​ക്കാ​ർ ഹാ​ജ​രാ​കു​മ്പോ​ൾ ഓ​ഫി​സി​ന് 50 മീ​റ്റ​ർ ചു​റ്റ​ള​വി​ൽ നി​ന്ന് മൊ​ബൈ​ൽ ആ​പ്പ് ഉ​പ​യോ​ഗി​ച്ച് മു​ഖം കാ​ണി​ച്ച് ഹാ​ജ​ർ രേ​ഖ​പ്പെ​ടു​ത്ത​ണം. തി​രി​ച്ച് ഓ​ഫി​സി​ൽ നി​ന്ന് പോ​കു​മ്പോ​ഴും ഇ​ത് പോ​ലെ ചെ​യ്യ​ണം. ഈ ​വി​ധം ചെ​യ്തി​ല്ലെ​ങ്കി​ൽ ഹാ​ജ​ർ ന​ഷ്ട​പ്പെ​ടും. ഫീ​ൽ​ഡ് ഡ്യൂ​ട്ടി​ക്ക് പോ​കു​ന്ന​വ​ർ സ്ഥ​ല​ത്ത് നി​ന്ന് മു​ഖം കാ​ണി​ച്ച് ഹാ​ജ​ർ രേ​ഖ​പ്പെ​ടു​ത്ത​ണം.

ഫീ​ൽ​ഡി​ൽ എ​ന്ന് പ​റ​ഞ്ഞ് മ​റ്റെ​വി​ടെ​യെ​ങ്കി​ലും പോ​കു​ക​യോ വീ​ട്ടി​ലി​രി​ക്കു​ക​യോ ചെ​യ്യു​ന്ന​ത് ഈ ​സം​വി​ധാ​നം ന​ട​പ്പാ​ക്കു​ന്ന​തോ​ടെ ഇ​ല്ലാ​താ​കു​മെ​ന്ന​താ​ണ് പ്ര​ത്യേ​ക​ത. ഇ​തി​നാ​യി പ്ര​ത്യേ​കം ത​യ്യാ​റാ​ക്കി​യ ആ​പ്പ് ജീ​വ​ന​ക്കാ​ർ ഡൗ​ൺ​ലോ​ഡ് ചെ​യ്യ​ണം. ജീ​വ​ന​ക്കാ​ർ​ക്ക് പ്ര​ത്യേ​ക ഐ.​ഡി ന​ൽ​കു​ന്ന​തി​നാ​ൽ മ​റ്റ് മൊ​ബൈ​ൽ ഫോ​ണി​ൽ നി​ന്നും ഹാ​ജ​ർ രേ​ഖ​പ്പെ​ടു​ത്താ​ൻ ക​ഴി​യും. ക​ല​ക്ട​റേ​റ്റി​ൽ നി​ല​വി​ൽ ഈ ​സം​വി​ധാ​നം പ്ര​വ​ർ​ത്തി​ക്കു​ന്നു​ണ്ട്.