കൊച്ചി ഫിഷറീസ് ഹാർബറിലെ അമിത ഫീസ് ഈടാക്കൽ; ഗിൽ നെറ്റ് ബോട്ടുകളുടെ പ്രവർത്തനം അവതാളത്തിൽ

മ​ട്ടാ​ഞ്ചേ​രി: അ​മി​ത​മാ​യ ഫീ​സ് ഈ​ടാ​ക്ക​ൽ കൊ​ച്ചി ഫി​ഷ​റീ​സ് ഹാ​ർ​ബ​റി​ലെ ഗി​ൽ നെ​റ്റ് ബോ​ട്ടു​ക​ളു​ടെ പ്ര​വ​ർ​ത്ത​നം അ​വ​താ​ള​ത്തി​ലാ​ക്കു​ന്നു. യൂ​സ​ർ ഫീ ​ഈ​ടാ​ക്കു​ന്ന​തി​ന് പു​റ​മേ ക്ഷേ​മ​നി​ധി വി​ഹി​തം കൂ​ടി അ​ട​ക്ക​ണ​മെ​ന്ന ഫി​ഷ​റീ​സ് വ​കു​പ്പി​ന്റെ തീ​രു​മാ​ന​മാ​ണ് ഹാ​ർ​ബ​റി​ലെ ഇ​ത​ര സം​സ്ഥാ​ന ഗി​ല്‍നെ​റ്റ് ബോ​ട്ടു​ക​ളു​ടെ പ്ര​വ​ർ​ത്ത​ന​ത്തി​ന് തി​രി​ച്ച​ടി​യാ​കു​ന്ന​ത്. ഇ​ത് ബാ​ധി​ക്കു​ന്ന​താ​ക​ട്ടെ ഇ​രു​പ​തി​നാ​യി​ര​ത്തോ​ളം തൊ​ഴി​ലാ​ളി​ക​ളെ​യും. യൂ​സ​ർ ഫീ​യാ​യി 25,000 രൂ​പ​യാ​ണ് തു​ത്തൂ​ർ, ചി​ന്ന​തു​റ, വ​ള്ളുവി​ള എ​ന്നി​വി​ട​ങ്ങ​ളി​ലെ ബോ​ട്ടു​ക​ൾ അ​ട​ച്ചി​രു​ന്ന​ത്.

നേ​ര​ത്തേ ഈ ​തു​ക ക്ഷേ​മ​നി​ധ​യി​ലേ​ക്കാ​ണ് അ​ട​ച്ചി​രു​ന്ന​ത്. എ​ന്നാ​ൽ 2022ൽ ​ഫി​ഷ​റീ​സ് വ​കു​പ്പ് തു​ക ക്ഷേ​മ നി​ധി​യി​ലേ​ക്ക് അ​ല്ലെ​ന്നും യൂ​സ​ർ ഫീ​യാ​ണെ​ന്നും അ​റി​യി​ച്ചു. ഇ​പ്പോ​ൾ യൂ​സ​ർ ഫീ​ക്ക് പു​റ​മേ 25,000 രൂ​പ ക്ഷേ​മ നി​ധി​യി​ലേ​ക്കും അ​ട​ക്ക​ണ​മെ​ന്നും അ​ല്ലെ​ങ്കി​ൽ ഇ​വി​ടെ പ്ര​വ​ർ​ത്തി​ക്കാ​ൻ അ​നു​വ​ദി​ക്കി​ല്ലെ​ന്നു​മാ​ണ് അ​ധി​കൃ​ത​ർ അ​റി​യി​ച്ചി​രി​ക്കു​ന്ന​ത്. വ​ർ​ധി​ച്ചു​വ​രു​ന്ന ഇ​ന്ധ​ന വി​ല​യും മ​ത്സ്യ ല​ഭ്യ​ത​ക്കു​റ​വും മൂ​ലം ബോ​ട്ടു​ക​ൾ പ്ര​തി​സ​ന്ധി നേ​രി​ടു​ന്ന സാ​ഹ​ച​ര്യ​മാ​ണ് നി​ല​വി​ൽ. ഈ ​ഘ​ട്ട​ത്തി​ൽ 50,000 രൂ​പ ന​ൽ​കി ബോ​ട്ടു​ക​ൾ​ക്ക് പ്ര​വ​ർ​ത്തി​ക്കാ​ൻ ക​ഴി​യു​ന്ന സാ​ഹ​ച​ര്യ​മ​ല്ലെ​ന്നാ​ണ് ഹാ​ർ​ബ​റി​ലെ ബ​യി​ങ് ഏ​ജ​ന്റു​മാ​രും തൊ​ഴി​ലാ​ളി​ക​ളും പ​റ​യു​ന്ന​ത്‌.

മാ​സം 500ഓ​ളം ബോ​ട്ടു​ക​ൾ കൊ​ച്ചി കേ​ന്ദ്രീ​ക​രി​ച്ച് മ​ത്സ്യ ബ​ന്ധ​നം ന​ട​ത്തി​യി​രു​ന്നെ​ങ്കി​ൽ ഇ​പ്പോ​ൾ നൂ​റി​ൽ താ​ഴെ ബോ​ട്ടു​ക​ളാ​ണ് ഹാ​ർ​ബ​റി​ൽ ക​യ​റു​ന്ന​ത്. ബോ​ട്ടു​ക​ൾ അ​യ​ൽ സം​സ്ഥാ​ന​ങ്ങ​ളി​ലേ​ക്ക് പോ​കു​ന്ന സാ​ഹ​ച​ര്യ​മാ​ണ്. അ​വി​ടെ ഈ ​ബോ​ട്ടു​ക​ൾ​ക്ക് ഡീ​സ​ൽ സ​ബ്സി​ഡി​യും മ​റ്റ് ആ​നു​കൂ​ല്യ​ങ്ങ​ളും ന​ൽ​കു​ന്നു​മു​ണ്ട്. അ​യ​ൽ സം​സ്ഥാ​ന ബോ​ട്ടു​ക​ൾ കേ​ന്ദ്രീ​ക​രി​ച്ച് പ്ര​ത്യ​ക്ഷ​മാ​യും പ​രോ​ക്ഷ​മാ​യും ഇ​രു​പ​ത്തി​യ​യ്യാ​യി​ര​ത്തോ​ളം പേ​രാ​ണ് ഉ​പ​ജീ​വ​നം ന​ട​ത്തു​ന്ന​ത്.

കൂ​ടാ​തെ നി​ര​വ​ധി ക​യ​റ്റു​മ​തി സ്ഥാ​പ​ന​ങ്ങ​ളും പ്ര​വ​ർ​ത്തി​ക്കു​ന്നു. ബ​സാ​ർ, ഐ​ല​ന്റ് എ​ന്നീ കേ​ന്ദ്ര​ങ്ങ​ളി​ൽ തൊ​ഴി​ൽ കു​റ​ഞ്ഞ​തോ​ടെ ഹാ​ർ​ബ​റാ​ണ് ഉ​പ​ജീ​വ​ന മാ​ർ​ഗം. നേ​ര​ത്തേ ഈ ​ബോ​ട്ടു​ക​ളു​ടെ ക്ഷേ​മ​നി​ധി ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് കെ.​ജെ. മാ​ക്സി എം.​എ​ൽ.​എ​യു​ടെ നേ​തൃ​ത്വ​ത്തി​ൽ ഹാ​ർ​ബ​ർ പ്ര​തി​നി​ധി സം​ഘം ഫി​ഷ​റീ​സ് വ​കു​പ്പ് മ​ന്ത്രി സ​ജി ചെ​റി​യാ​ന് നി​വേ​ദ​നം ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല.

ക്ഷേ​മ​നി​ധി അ​ട​ക്കാ​ത്ത​തി​നെ തു​ട​ര്‍ന്ന് ക​ഴി​ഞ്ഞ ദി​വ​സം ഒ​രു ഗി​ല്‍നെ​റ്റ് ബോ​ട്ട് ഫി​ഷ​റീ​സ് അ​ധി​കൃ​ത​ര്‍ പി​ടി​കൂ​ടി​യി​രു​ന്നു. ബ​യി​ങ് ഏ​ജ​ന്റ്സ് അ​സോ​സി​യേ​ഷ​ന്‍ ഇ​ട​പെ​ട്ട​തി​നെ തു​ട​ര്‍ന്ന് ബു​ധ​നാ​ഴ്ച വ​രെ സ​മ​യം അ​നു​വ​ദി​ച്ചി​രി​ക്കു​ക​യാ​ണ് ഫി​ഷ​റീ​സ് അ​ധി​കൃ​ത​ര്‍. ക്ഷേ​മ നി​ധി തു​ക ഒ​ഴി​വാ​ക്കാ​ന്‍ ഫി​ഷ​റീ​സ് വ​കു​പ്പ് ന​ട​പ​ടി സ്വീ​ക​രി​ക്ക​ണ​മെ​ന്ന് കൊ​ച്ചി ഫി​ഷ​റീ​സ് ഹാ​ര്‍ബ​ര്‍ ബ​യി​ങ് ഏ​ജ​ന്റ്സ് അ​സോ​സി​യേ​ഷ​ന്‍ പ്ര​സി​ഡ​ന്റ് എ.​എം. നൗ​ഷാ​ദ്, സെ​ക്ര​ട്ട​റി എം. ​മ​ജീ​ദ് എ​ന്നി​വ​ര്‍ ആ​വ​ശ്യ​പ്പെ​ട്ടു.