മലയിടംതുരുത്ത് പര്യത്ത് കോളനി ഒഴിപ്പിക്കൽ: ഏഴ് കുടുംബം ആശങ്കയിൽ

കി​ഴ​ക്ക​മ്പ​ലം: മ​ല​യി​ടം തു​രു​ത്ത് പ​ര്യ​ത്ത് കോ​ള​നി കു​ടി​യൊ​ഴി​പ്പി​ക്ക​ൽ നീ​ക്കം ശ​ക്ത​മാ​യ​തോ​ടെ ഏ​ഴ് പ​ട്ടി​ക​ജാ​തി കു​ടും​ബ​ങ്ങ​ൾ ആ​ശ​ങ്ക​യി​ൽ. ഒ​രു വ​ർ​ഷം മു​മ്പു​ണ്ടാ​യ സു​പ്രിം കോ​ട​തി ഉ​ത്ത​ര​വി​നെ തു​ട​ർ​ന്ന് അ​ഡ്വ. ക​മ്മീ​ഷ​ന്‍റെ നേ​തൃ​ത്വ​ത്തി​ൽ ത​ഹ​സി​ൽ​ദാ​ർ ഉ​ൾ​പ്പെ​ടെ​യു​ള്ള​വ​ർ വ​ന്ന് ക​ഴി​ഞ്ഞ ദി​വ​സം അ​ള​ന്നു​തി​രി​ച്ചി​രു​ന്നു. ഇ​തോ​ടെ ഏ​ത് സ​മ​യ​ത്തും ഇ​റ​ക്കി​വി​ടു​മെ​ന്ന ആ​ശ​ങ്ക​യി​ലാ​ണ് കു​ടും​ബാ​ഗ​ങ്ങ​ൾ.

കു​ട്ടി​ക​ളും പ്രാ​യ​മാ​യ​വ​രു​മാ​യി എ​ങ്ങോ​ട്ട് പോ​കു​മെ​ന്ന ചോ​ദ്യം ഇ​വ​രെ ആ​ശ​ങ്ക​യി​ലാ​ഴ്ത്തു​ന്നു. 50 വ​ര്‍ഷം മു​മ്പാ​ണ് ത​ന്റെ ഭൂ​മി കോ​ള​നി​യി​ലെ കാ​ളു​കു​റു​മ്പ​ന്‍ എ​ന്ന​യാ​ൾ കൈ​യേ​റി​യ​താ​യി ചൂ​ണ്ടി​ക്കാ​ട്ടി മ​ല​യി​ടം​തു​രു​ത്ത് ക​ണ്ണോ​ത്ത് ശ​ങ്ക​ര​ന്‍നാ​യ​ര്‍ നി​യ​മ​ന​ട​പ​ടി ആ​രം​ഭി​ച്ച​ത്. ഭൂ​മി​യി​ക്കു​വേ​ണ്ടി​യു​ള്ള നി​യ​മ​യു​ദ്ധം പി​ന്നീ​ട് സു​പ്രീം​കോ​ട​തി വ​രെ നീ​ണ്ടു. വി​ധി കോ​ള​നി​യി​ലെ താ​മ​സ​ക്കാ​ർ​ക്ക്​ എ​തി​രാ​യ​താ​ണ് ഇ​പ്പോ​ള്‍ ന​ട​പ​ടി​യി​ലേ​ക്ക്​ നീ​ങ്ങാ​ന്‍ കാ​ര​ണ​മാ​യ​ത്.

ത​ങ്ങ​ളു​ടെ മു​ത്ത​ച്ഛ​ന്​ ല​ഭി​ച്ച ഭൂ​മി​യാ​ണി​തെ​ന്ന് കാ​ളു​കു​റു​മ്പ​ന്റെ മ​ക​ന്‍ അ​യ്യ​പ്പ​ന്‍ പ​റ​ഞ്ഞു. 30 വ​ര്‍ഷം മു​മ്പാ​ണ് 80ാം വ​യ​സി​ൽ അ​ച്ഛ​ന്‍ മ​ര​ണ​മ​ട​ഞ്ഞ​ത്. അ​തി​നും വ​ര്‍ഷ​ങ്ങ​ള്‍ക്ക്​ മു​മ്പാ​ണ് കു​ടും​ബ​ങ്ങ​ൾ താ​മ​സി​ക്കു​ന്ന ഭൂ​മി ത​ങ്ങ​ളു​ടെ പൂ​ര്‍വി​ക​രു​ടേ​താ​ണെ​ന്ന് ചൂ​ണ്ടി​ക്കാ​ട്ടി ക​ണ്ണോ​ത്ത് ശ​ങ്ക​ര​ന്‍ നാ​യ​ര്‍ കോ​ട​തി​യെ സ​മീ​പി​ച്ച​ത്. ശ​ങ്ക​ര​ന്‍ നാ​യ​ർ മ​രി​ച്ച​തോ​ടെ അ​ദ്ദേ​ഹ​ത്തി​ന്‍റെ പേ​ര​മ​ക്ക​ളാ​ണ് കേ​സ് ഏ​റ്റെ​ടു​ത്ത് ന​ട​ത്തി​യ​ത്. സാ​മ്പ​ത്തി​ക​മാ​യി ഏ​റെ പി​ന്നാ​ക്ക​മാ​യ​തി​നാ​ൽ കു​ടും​ബ​ത്തി​ന് കേ​സു​മാ​യി മു​ന്നോ​ട്ടു​പോ​കാ​ന്‍ ക​ഴി​ഞ്ഞി​ല്ലെ​ന്നും അ​തി​നാ​ലാ​ണ്​ വി​ധി എ​തി​രാ​യ​തെ​ന്നും അ​യ്യ​പ്പ​ന്‍ പ​റ​ഞ്ഞു.